HYUNDAI SANTA FE هونداي سانتافي !

يالحبيب من واقع تجربة انحشششششششششششش انحشششششششششششششششششش

وتجربيتي كالتالي مع الكوري وبالاخص الهوانداي :
كانت سيئة جداً جداً جداً وتتعب وانت تقول سيئة وطبعاً الشيء الى خلاني اخذها بالدرجه الاولى رخصها والرغبة في تجربتها.

والسيارات :

1- الالنترا 2002 : سيارة جيدة ولكن خفيفة جداً تحس انها مغطاه بسفره مطاعم الهدوج ، انواع الاصوات طبعاً بعتها لاحد الاقارب وفشلتني معه بعد اسبوعين خرب قفل الباب وبعدها بفتره كهرب السيارة.

2- جيب تيريكان 2004 : بعد ما مشت السيارة 40 ألف كلم رحت اغير الزيت والبواجي عند احد افرع الصيانه المنتشرة في بعض المحطات، بعد ما انتهو شغلت السيارة الله لا يوريك صوت المكينة تقول انه ماطور موية سألت الميكانيك ( فاغراً فاه كما قال السدحان في طاش ما طاش ) ما فيه معلوم راح نوديها للوكاله والسيارة تحت الضمان ، ما اطول عليك السيارة ثلاث مرات واديها وارجعها من الوكاله ولا يعرفوا وش المشكلة وعلى كلامهم انهم غيرو قطع بما يقارب الثمانية الالاف ريال على الضمان ، ولكن للاسف ما عرفوا وش المشكلة.

3- سوناتا 2006- 6 سلندر: طبعاً استبدلت المأخوذ الى فوق بهالمحروسة ، والسيارة تحت التمرين كل ما وصلت لسرعة 80كلم احس برجه خفيفه قالت في نفسي يمكن انها وسوسه ، وبعد ما قطعت السيارة ما يقارب 300كلم ركب احد الاقارب معي ويوم وصلت لسرعة 80كلم سألني وش ذا الرجه بعدها عرفت انها ماهي وسوسه رجعتها للوكاله ، وشف وش قالوا ( المشكلة من الكفرات لازم نغيرها ولكن بعد ما نجتمع مع وكيل الكفرات الموجود هنا بالرياض ) طبعاً شيء مضحك ، قلت معليش طبعاً احسب المسأله يوم ولكن في الحقيقة مرمطوني اشد المرمطة ، وبعدها شكيت ان المسأله ما هي كفرات يمكن اشد منها ويبغون يمشونها علي ، قمت واتصلت بالمدير العام ( سعد الوعلان ) لكن للاسف ما حصلته وكلمت النائب وهو من الوعلان وحصل مهاوش مهاوش ، واخيراً قال لي ترى مانت مجبور عليها رجعلنا سيارتنا وخذ فلوسك طبعاً انا ما صدقت ، خصمو الف ريال فقط رسوم ادارية ورجعوا 64الف ريال واقول الله يعين الى بيبيعونها عليه.

وبعد هذه التجربه المريرة وش اتوقع مني اقول عن السيارات الكورية للي يبغى رأي.

على العموم تجربتي سيئة معاها وهذا لا يعني ان تجربت غيري مثلي سيئة.

وعندي لك رأي : ليش ما تشوف جيب الهوندا الجديد cr-v أفضل بألف مره من هالكوري وشكل رائع جداً ويأخي ياباني ويعيش معك اكثر منه.
ولا تغرك كثر هالمواصفات والزبرقه بالجيب ترا بعد فتره شيء يشتغل وشيء لا ، مثل التيريكان فجأه وبدون مقدمات نقز ت تخشيبة الديكور عند المسجل تقول انها براطم محشية سيلكون، وعلى فكره ان خبرت لي واحد عنده تيريكان عندي اكسسوارات تخشيبة باقية للابواب والقير ( هدية ) لاني غيرت تخشيبة المسجل بعد ما انعدمت من حالها.

وتقبل تحياتي ،،،،،،،،،،،،،،،،،،،،،،،،،،،،،،

معلييييييش ولاتزعل يا فيكتور
حقك على راسي


أخوك
S O S O 2 0 0 4

^
^
^
بلفعل هذا هو اللي قاهرني فية اللي هو سعت المحرك
وبنسبة لخوي فيكتوري : خالي معة هيونداي سانتافي 2004 ( الشكل القديم )
وماشي تقريبا 80 الف او اكثر وايضا راعي بران ( نفود ) وماخبطت المكينة والسيارة من افضل مايكون
مع العلم انا محركة ذو V6 2.7 L قير اوتو


أخوك
S O S O 2 0 0 4

السنتــافيه ممتاز ... شكل حلو وداخلية أحلى وشبابي ...

وكنت اتمنى ينزله الوكيل بمحرك الـ 3.3 لتر عشان ياكل السوق أكل ..

العيوب باختصــار ... ( ما يجمل في البر ) لأنه مو مصمم خصيصا لهالغرض !

والعيب الثاني المحــرك غير مناسب للي يطلبون آداء عالي ,,, :)

وانت وشــورك واختيــاركـ ’’