و عليكم السلام و رحمه الله و بركاته
هلا و الله و غلا عزيزي
راعي الكابريس
والله على حسب ما أسمع , و يقولون , تروح دله لتعليم السياقة , اذا ما تعرفه (( شارع التخصصي و أنت جاي من
الثمامة و متجهة الى تقاطع الملك عبدالله , يجيك في الشارع العام ميد , أدخل قبلها يمين , أمش شوي تشوفها قدام
على يمينك , ترى ما وصفت لواحد من قبل الا ضاع , الله يعينك )) , من هناك أستخراج اللوحات المميزة , بس الأسعار
خيالية شوي , طبعا أنا أتكلم عن مزاد لوحات السيارات , المزاد هذا كل يوم أثنين بعد المغرب يبدأ , فيه شروط لدخول
المزاد و منها : دفع عربون بقيمة 1000 ريال , و اذا زايدت في لوحة مميزة أعجبتك و وصل السعر أعلى من الازم و كنت
أنت تزايد فيها منقهر من واحد ينحاسك في اللوحة و رست عليك بسعر عالي تشتريها و أنت ما تشوف الطريق , و هذي
صارت كثير , ما تقدر تتنازل عنها أو تبيعها الا مع سيارتك اللي بتحط عليها اللوحة . أعطيك بعض الأسعار اللي جائتني
من واحد يحضر المزاد :
أغلى لوحة تم بيعها في المزاد
م م م 2 2 2 = 370 ألف ريال
ل ل ل 1 1 1 = 210 آلاف ريال
ل ل ل 6 6 6 = 210 آلاف ريال
م م م 6 6 6 = قيمتها 190 ألف ريال
م م م 5 5 5 = 146 ألف ريال
م م م 4 4 4 = 143 ألف ريال
م م م 0 0 4 =62 ألف ريال
م م م 0 0 5 = 17 ألف ريال
م م م 0 0 6 = 10 آلاف ريال
طبعا سمعت عن الكثيرين الي جايب معه 10 آلاف أو 20 ألف ريال , و طلع و هو يبكي , ولا شرا حتى لوحة كحيانة .
لا تتحطم أخوي العزيز , أنت روح و الله معك , و قلبي معك بعد يا غالي .
حلوة لوحة مدرس اللغة العربية , لا و شكله خصوصي بعد , ما أدري ق ر م 6 0 6 ليه عزيزة ؟؟ بس نمشّيها لك
نصيحة لك عزيزي : أنا أشوف لو تمسك جريدة الرياض على الوسيلة بتطلّع لوحات واجد و مميزة مررة
أنت جرّب و ما أنت خسران شي , أحسن من قلق المزاد و غلاء أسعاره , وبعضها ما تستاهل
لا تاخذ بكلامي هذا كله , لازم تستفسر من كذا عضو , وما هم مقصّرين معك أن شاء الله .
نشوفك على خير
ســــــــــــــــــــــــــــــــــلام
