((فكتوريا2006ولا كابريس2006))

والله ياخي اغلب اللي يشتكو من الكابرس تلاقيه تدعيس كل ما شغل السلف
فأكيد لو انها لسه مالها يومين مطلعها بتخرب والله قدامي واحد معه كابرس
2006 SS جالس يدعس لحاله زي المجنون زي هذا يجيك بعد فتره ويقولك والله القير
تعبان وما يتحمل والكابرس فيها وفيها وفيها ...
اعرف واحد معه ماركيز 2002 قير أرضي رياضي شراها قبل سنه تقريباً واعرف سواقته متهور ويدعس على إي شي ويقاوم هنا وهناك المهم بعد فتره يقولي والله ياخي الفورد تعبان ما يتحمل شلون الناس تقول يكرف ياخي شوف معاملتك للسياره وبعدين أهرج ...
وانا ماقلت خذ الكابرس لان الفورد مو طيب بالعكس سياره يعتمد عليها ولي تجربه مع سيارات فورد عديدة من موديلات عديدة الحمدلله ما شفت منها إلا كل خير

ولكن ياخي شوف كم سنه وهم جالسين على الشكل هذا والله كنت اشوفه روعه بس الان جداً قبيح ويغير لك الدركسون وكم شغله ويقولك يالله 2005 يالله 2006 شلون يعني يضحكو علينا قسم بالله أخذ سوناتا ولا اخذ فورد بالشكل الحالي انا اتكلم عن الفكتوريا

اما الماركيز يعني تقدر تقول غيرو شي على الاقل من الخارج ومن الداخل بعض الاضافات والتحسينات الجيدة

وبالاخير شوف انت وجرب واحكم اخوي كاتب الموضوع وتذكر ان لكل شي ميزة وعيب ولكن المشكلة لو غطت العيوب على الميزات فهذا تبتعد عنه بدون كلام

مع أجمل تحية ,,,

مشكوور على الرد , ولاكن بعد إذنك ودي أصحح معلومة وهي ان الفورد الكرون فكتوريا يصنع بكندا , وهذا ليس عيب فيها بل تعتبر الكرون فكتوريا سيارة جديرة بالثقة و تصنع في كندا لتقليل التكلفة .

وآآسف إن كنت زعلتك في شيء....


هذا والله اعلم

من رأيي قاطع المنتجات الأمريكية..


من بعد ظلمهم للسعودي (تركي الحميدان ) والحكم الجائر بـ 28 سنة ، وما تعرض له وأسرته من الأذي ، من الشيمة ان الواحد يقاطعهم ...

مع احترامي للاخ الدمعه والاخ علي 2003


الرجل يستفسر ونصيحتنا له مبنيه على الذمه.....


اخوي صاحب الموضوع الفكتوريا عملية لابعد الحدود واحسن من الكابرس مليون مره

الكابرس انا اكلمك بذمة وانصحك نصيحة اخوية...انا مالي مصلحة سواء اشتريت كابرس او فكتوريا...ماني وكيل لاي منهم


الكابرس الى موديل 2005 وفيه مشاكل خياليه !!!! اهم مشكلة القير يضرب وهذي مشكلة منتشرة بشكل كبيييييييير

ومشاكل الكهرباء لاحصر لها

ورمانات المراوح الامامية تغيرها كل فترة لانها تخرب

انا ماقدر افيدك عن الـ 2006 لاني ماعرف احد معه 2006 لكن الى 2005 والكابرس خدعة كبيرة... انصحك تزور مركز الصيانة وصدقني بتشوف شي مايسرك...سيارات مازالت عليها قراطيس الوكالة فيها مشاكل ويصلحونها تحت الضمان


يكفيك ان الكابرس يصنع باستراليا..والفورد يصنع بامريكا


وبالاخير انت الحكم


ومبروك مقدماً

|1|كلامك عين الصواب|1|

أنت تقول كابريس 2006 اكيد ياخي تطور من ناحية القير والكمبيوتر وتفادو الاخطاء التي حصلت بالموديلات القديمة 2000 ألى 2003

المشكلة انو الناس علق بذهنهم مشاكل الكابرس التي ظهرت في 2000 و 2001 خلاص ما راح يغير فكرته لو الكل يشهد لها بالحلاوه

بالنسبة لي انا اكيد وبدون تررد كابرس 2006 وخاصه SS والله عالم ثاني مشاء الله وكمان LTZ فهي أيضاً رائعة اما الفئه الادنى فهي جداً عادية واعتبرها مثل الكامري

الفكتوريا خلاص بنظري انتهى عهده لحين تغيير الشكل واللي تشوفها بالشوارع تعال وابصم لك على العشره أنها استخدام أمريكي استحدام امريكي استخدام امريكي ......إلخ

وين ما تحصل من توكيلات الجزيزه كلها تلاقي إستكرات الصالات على الخلفية

والله يكتب لك الخير ,,

وبالتوفيق ,,,

اخوي عندنا السيارتين وكلهم موديل 2001
الاولى اس اس 2001 وهي عزمها اقوى وافخم واحلى ورياضيه وشبابيه وحلوة لكن مشكلتها قطع غيارها غاليه وتطلب
اما الفورد اريح طبعا لكن كشكل الاولى احلى منها وتكرف وما تطلب قطع غيار وقطع غيارها متوفرة ورخيصه

كابريس افضل اذا كان عندك استعداد تصرف عليها (( الوالد يقولي انه دفع عليها بالسنه الاخيرة 12 الف قطع غيار ))
اما الفورد افضل من ناحيه الكرف والمكده

عندنا كراون فكتوريا 2005 والسيارة جدا جميلة وخاصة المكيف مشاء الله
والوالد دايم يشغل المكيف من جهت الزجاج الامامي ومع ذالك تبريدة جدا ممتاز
اما الكابرس كل يوم طالعلنا واحد ويقول عندي مشكلة والمشاااكل غير محصورة مثل
اصوات في الفرامل ( الهوبات ) والمكينة تكتم ( طبعا من برمجة الجير خربانة ) وايضا كمبيوتر السيارة العام وغيرها الكثير
وايضا عندك الافلون مثل ما قال اخوي عمر الشهري سيارة جدا ممتازة وسعرها معقول


اخوك SOSO2004

حلوه هذي ..

كابريس لو انه LS ... افخم واريح من الفورد بكثيرررر فما بالك لو جاك LTZ او SS

ولا يتقارن بالفورد عموما ....

كابريسSSأفضل من الفورد بعشرين مرة مع احترامي لأصحاب الفورد

شوف فخامة المقاعد كيف... والقوة والشكل وكل شي فيها ماشاء الله...

الفكتوريا اجمل من الكابرس وافخم وفيها كل الراحه وانا مجرب السيارتين لفتره طويله مع انا جربت الكابرس اكثر لاكن الفورد افضل بكثير ومن جميع النواحي .....

والله صراحة
لاكابريس ولا فكتوريا
أنا أشوف الأفالون أحلى بكثير
قطع رخيصة_صرفية بنزين معقوله _ ياباني (يعني يكرف)
وأهم شيء سعر مابعد البيع
الكابريس تشتريه في حدود110آلاف
تبيعه على65ألف
أما الأفالون تجيبلك 100ألف بالراحة
كمان فخامة داخلية ولا في الخيال أحلا من الكابريس بكثير

أما الفورد صراحة سيارة الكل يشهد لها
لكن صراحة اسمح لي
قمة الغباء إن الواحد يشتري سيارة جديدة ماتغير شكلها من سنة1998
وسعرها يطيح طيحة جامدة
يعني إذا تبغى فورد خذ مستعمل نظيف

أنا عارف إني طولت عليك بس بغيت أنصحك
وإذا بغيت جواب على سؤال
فأنا أقول الكابريس أفضل