حبيت اعرض لكم السيارتين اللي انا محتار مابينهم وبذكر لكم بعض التفاصيل
وابيكم تنصحوني واكون شاكر لكم ياخواني
أقوى مكينه... 8 سلندر 4.6 لتر .. 320 حصان... 0 - 100 خلال 5.8 ثوان ثبات على الطريق...
فيها : 15 سماعة بنظام بوز , سماعات في المراتب عن اليمين وعن اليسار . والمقاعد مريحة.
DVD changer ... الChanger اللي فيها تقدر تحط فيه DVD أو CD ... مو بس CD زي باقي السيارات
- تقدر تشغل افلام DVD .. ما تقدر تشغل في اللكزس
- فيها تلفزيون يطلع المحطات القريبه زي الأنتل....
- تشغل سيديات MP3...
- فيها تحكم بالصوت للسي دي والراديو والنافيقيشن والبلوتوث ... وزياده شيئين مو موجودين في أي سياره غيرها... تتحكم بالمكيف وتنزل الدرايش وترفعها بالصوت
- نظام مراقبة ضغط الكفرات (مدري اذا موجود في السيارات الثانيه او لا)
- نظام صوتي Bose بـ 15 سماعه وتوزيع مو طبيعي تقول استوديو ماشالله...
فيها نظام Audio Pilot... هذا النظام اذا شغلته يساوي موجات صوتك وموجات صوت الراديو... اذا رفعت صوت الراديو عالي وتكلمت.. اللي معك في السياره ما يسمعك لأن صوت الراديو عالي وموجاته أطول من موجات صوتك... وهالنظام يساوي طول موجاتكم بحيث انك تسمع الراديو وتسمع خويك في نفس الوقت
- فتحات Video/Audio (أصفر/ابيض/أحمر) ممكن توصل فيها Walkman او ipod وتسمعها على سماعات السياره .... او كاميرا فيديو وتطلع صورتها على الشاشه
- هدوء وعزل صوتي ممتاز جدا .. ومادري عن اللكزس
ولمباتها الخلفيه اللي جايه خط من فوق لتحت مره حلوه
لمباتها الأماميه... الزينون عدسه والعالي عدسه والكشاف اللي تحت عدسه... يعني 3 عدسات على اليمين وثلاثه على اليسار.... شكلها جدا جميل...
والزينون تنور مسافه قدامك ماشالله كبيره جداً... على عكس اللكزس اللي تنور على اليمين واليسار بشكل كبير وقدام ما تنور الا مسافه بسيطه
انظمة السلامه فيها متطوره واخذت جائزه في السلامه .. 8 ايرباق... وزي ما قلت لك على المساعدات... اسرع مساعدات في العالم... استجابتها 1/1000 في الثانيه...
وتمسك السياره زي الصمغ في الأرض
نجي للنقطه الأهم.... الوكاله
واذا اشتريتها .. لك 5 سنين او 100 الف كيلو... ما تدفع ولا ريال... حتى القماشات والبواجي وغيرها عليهم.... بس عليك البنزين والكفرات
والحلو في الموضوع ضمانهم اللي ما تدفع فيه ولاشي كل هالمده...
وعندهم المساعده على الطريق خدمه ممتازه جدا في أي مكان في العالم واي وقت
حتى لو ضعت في مكان ما يغطيه النافيقيشن.. دق عليهم ويحددون موقعك ويدلونك
الأسعار :
6 سرندل , 255 حصان, دفع خلفي, جنط 17 , نافقيشن, موديل 2005 , ب 187ألف ريال سعودي
8 سرندل , ؟؟؟ حصان , دفع رباعي , جنط 18 , نافقيشن , موديل 2006, ب 215 ألف ريال سعودي
تشغيل السياره من بعيد
وكذلك ال STS تشتغل بزر داخل السياره
وتشتغل بزر من بعيد ... من على بعد 60 متر
اما الكزس
غنيه عن التعريف الكل عارفها ووش لها وايش عليها
وضمانها 5 سنوات مفتوح الكيلو مترات
GS300 : ب 200 ألف ريال , من الداخل السيارة روعة , مع نافيقيشن , وكل شي .
GS 430 : ب 215 ألف ريال , الفرق جنوط و مكينة بس
بس انا بالنهايه محتار بين هالسيارتين
وانتو رشحو لي السيار الافضل ولكم مني جزيل الشكر
.
