الصراحة بعد سماع اكثر من شخص يتكلم عن نزول النيسان اكستيرا للخليج قريبا حاولت اتعرف على الموتر اكثر وعجبني الموتر وبعد الاستخارة والاستشارة وبعد النظر عن الباثفايندر والباترول " اخوكم يبي جيب نيسان " قررت انشالله انه السيارة الجديدة بتكون نيسان اكستيرا وانشالله اول ما تنزل باكون اول من يشتري السيارة
الصراحة الجيب ولا اروع.. مكينة وجير الباثفايندر لكن البودي اصغر واخف وشكل رياضي والي يميزه اكثر الدفرنس الخلفي صب والجامبينات مب مستقلة مثل الباثفايندر القديم " لانه الصراحة الكل يشتكي من الجامبينات المستقلة في الجديد انها تخليه يغرس بسرعة وتطليعته صعبة من الطعوس ".
السيارة محركها 4.0 نفس الي في الباثفايندر
الوزن 1800 كيلو تقريبا... يعني نفس وزن الباث القديم
الجير يجي اوتوماتيك خمس سرعات... او عادي ست سرعات " الباثفايندر الجديد ما يجي جير عادي "
كل المواصفات الي فيها تخليها سيارة دفع رباعي رياضية بلا منازع.. الارتفاع.. الوزن.. زوايا الدخول والخروج..
حسب الي عرفته انها راح تكون متوفرة السنة الجاية.. بس متى بالضبط... ياليت احد يقدر يفيدني
اترككم مع الصور
