فورد فكتوريا او كابرسLTZ

الف مبروك

والله يعطيك خيرهما ويكفيك شرهما


بس نبي منك مقارنة بين السيارتين من واقع تجربتك .. قول "تم":cool:

يا شباب مشكورين على النصايح توكلت على الله وشريت السيارتين كلها شريت الفورد من الامارات للوالدبـ46الف ريال
والكاربس من الرياض لي انابـ85 الف
وبعناالهيلوكس2006 والكورالا2005
والوالد ما شاء الله توه متقاعد شركه ارامكو صارت الفلوس واجد
وفي الاخير مشكورين على المساعده

وانا الي الان مندهش قبل كم يوم كنت محتار بين ها السيارتين و الان صارت عندي كلها

الله أكبر اللحين صار الفورد زباله الله يهداك بس

ياعمي يكفيني انها من فورد ولمن أسوقها احس اني اسوق سياره

لها هيبتها ووزنها بالطريق

والفورد وما ادراك ما الفورد جوده عملانيه راحه صرفيه ممتازه وهي حش 8 سلندر

يعني محد يذمها إلا الجاهل

وانا انتقدهم من ناحيه الشكل فقط يعني طولو مره فيه والناس ملت واتجهت لسيارات ثانيه مو لان الفورد مو تمام

بالعكس انا اعتبره ( الشيخ ) لكن لان الشكل صار له مده طويله والعالم ودها تجدد ...

ولا شوف شوف تكاسي المدن والخطوط والدوريات تجلس السياره شغاله بالساعات الطويله جداًُ المكيف شغال

ومع هذا تتحمل معاه سنين طويله ما سألت نفسك ليه ؟؟؟؟

وبالتوفيق أخوي ,,,

الكابرس احسن|3|

والله بغيت اقول كلمه
واستحيت
مالقيت الا هالسيارتين يااخي

بعد قناعه شخصيه
هذه زبايل السيارات وخصوصا الفورد
ان كنت تحب تركب جلسه عربيه بدكسون وكفر
اركب فورد

الكابرس افضل بمليون مرررررررررره
ولو ان الفورد 20020
والكابرس 2006 اخذت كابرس

ههههههههههههههههههههههههههههه
اجل الكابرس مافيه فرامل ههههههههههههههههههههههههههه
وين حنا عايشين؟
قال كيف عرفت انها كذبة قال من كبرها
يخوي احترم عقولنا شوي

وماشاء الله الفورد مافيه اي صوت اي كثر منها
هههههههههههه
يخوي لاتقعد تمدح سيارتك كنك انت اللي صانعها,
ياعمي الفورد 2006 اضغط على اي مكان في الطبلون او الباب يطلع منه صوت يقوم النايم
واذا تبي اقابلك واطلع لك الاصوات تراني فاضي

هلا اخوي

اخوي يكفيك ان الفكتوريا صناعته امريكيه 100%

اما الكابرس استرالي

وانصحك 100% بالفكتوريا

وكلام اخوي vti-E صحيح مره

بس شوف الشباب بيقولون لك خذ كابرس لانك تقارن سياره 2003 ب 2006 وماعتقد شي معقول

ياليت اخوي تشوف الماركيز 2006 الفل كامل القير ارضـي الي GLS

سعره ب 101 جديد وكاله وقير ارضي والشاصي حقه طويل ووسيييييييع من داخل مره

شفها واحكم

وصراحه مانصحك بالكابرس ابد وربي بتطفش منه مره لان ترى الفرامل حقه يفصل

يعني لو تجي مسرع وتضرب فرامل .. يفصل الفرامل يعني كانك موخر رجلك عنه

وخراباته كثيــــــره لابعد درجه وسعره مستحيل يمسك

انا نصحتك عن واقع تجربه والفورد والله ماله مثيل

وتعليق على كلام اخوي الدمعه

احنا عندنا ماركيز 2000 وعندي فكتوريا 2002 وصراحه ماسمعت فيها ولا شي

ماشاءالله تبارك الله ماشيه تمام وللعلم انا لاعن والدينها سرعه وزرات مع المديورات لكن ماشاءالله تبارك الله ماوقفتها بورشه ابد وللعلم الفكتوريا ماشي 170 الف !!!

حبيت أصحح معلومة اخوي إن الماركيز والفكتوريا أخوات بكل شئ غير بالشكل بس

المكينة الجير والدفرنس والتجيزات الداخلية فيها إختلاف بسيط جداً فقط

وكلا السيارتين نفس الشئ إذا هذي طيبه وممتازه فالفكتوريا كذلك

تحياتي لك ,,,

انصحك بالمركيز لانها تتحمل اكثر من الفكتوريا والكابرس
واستخر الله
والله يكتب الي لك فيه خير

اخوووووووووووووي حياك ربي
بحكم خبرتي في السيارتين, وعن تجربة, افضل ا الكابرس (شخصيا)
مقارنة على السريع:
الافخم : كابرس
الاوسع من الداخل: كابرس
الجودة: فكتوريا (بس مو يعني ان الكابرس خرابات اطلاقا, بس الكابرس حساس شوي للاستخدام العنيف)
الرساوة: كابرس, ولايعني ان الفكتوريا مو راسية ابدا
قطع الغيار: كابرس ارخص
الراحة: فكتوريا وبقوة
الشكل الخارجي كابرس
القوة كابرس
صرفية البنزين فكتوريا
سعر مابعد البيع فكتوريا

واستخر ربك اولا
والكابرس نصيحة لاتاخذه الا مستعمل علشان ماتخسر فيه
وترا كل واحد وله ذوقه وحنا اخوان واختلافنا في الذوق مايعني اختلاف قلوبنا ابد
تحياتي لك

أولاً أهلاً وسهلاً بك اخاً عزيزاً على قلوبنا جميعاً

بالنسبه للسيارتين من جهتي أفضل الكابرس SS وكمان ال LTZ جداً جميل وانيق ورسمي وشبابي بنفس الوقت

وانت تقول 2006 يعني مشاء الله السياره مشابهه للجديد فأنا اقول توكل على الله

وانت لو تشوفها بالشوارع كيف منتشره كان تعرف ان هذا دليل على جودتها وتحملها وعمليتها

لانه من غير المنطقي ان تجد سياره منتشره بهذه الكثره ويجيك شخص يقولك تعبانه وما تتحمل وحقت مده بسيطة

وبعدين بتتعبك .....

بالنسبه للفورد ما ادري انت تشوف كم سنه ما تغير وجالس على حاله ومشغله الشركه المكيف ونايمه نومه عميقه

والشركات الاخرى في تطور مستمر .......!!

يعني انت 2003 يجي واحد يوقف جنبك 98 وتعديلات بسيطه جداً

بقيمه بسيطه وتطلع يمكن أجمل من سيارتك وشوف الفرق 2003 و 98 ..!! وحتى لو 2006 معاك بنظري شي يقهر

وايضاً يعيبه الاصوات الداخليه والبلاستيك المستخدم ومافيه حد معاه فورد من اللي اعرفهم وبعض من شباب المنتدى

وحتى 2003 إلا وأشتكى من هذه الاصوات الداخليه المزعجه

فبإختصار اشوف الكابرس افضل

وبالاول والاخير هذي وجهه نظر ويمكن احد يخالفني فيها او ينضم معي .

وبالتوفيق عزيزي ومرحباًُ بك مره أحرى ,,,,