أرجو المساعدة لدي مشكلة في الكابريس 2004

ابويزن2004 @user_29455 · 29-01-2007

بسم الله الرحمن الرحيم

السلام عليكم ورحمة الله وبركاته

لدي كابريس إل تي زد موديل 2004

قبل فترة وديته عند التلميع الساطع

وطبعا فكفك المقاعد عشان يغسلها ,, وعند استلامي للسيارة لقيت في الطبلون علامة الإيرباج

ومن يومها كل ما أشغل السيارة تظهر لي العلامة وتبقى مستمرة على الطبلون

مادري ايش المشكلة ؟؟

سألت اليماني حق التلميع ايش سويت بالسيارة ,, قال لي أنا مالي صلاح

وواحد بنشري قالي انتبه ممكن الإيرباج يفتح فجأة بدون أي سبب ,, فأنا رجعت المقعدة على آخر شي ورا ,, ويادوب ألحق الدرسكون ,, عشان إذا فتح الإيرباج لا يجي في وجهي

فحبيت أستشيركم ,, لحين ما أفضى وأودي السيارة للشركة

هل هذه العلامة بسبب أنه فك المقاعد ,, وهل لها طريقة لتذهب بلا رجعة ؟؟ وهل ممكن الإيرباج ينفك فجأة بدون أي مقدمات ؟؟ أو صدمات ؟؟

ومنكم نستفيد

Saeed_1 @user_38255 · 08-02-2007

نفس اللي حصل معي

عند تشغيل السيارة تظهر لمبة ومعاها نغمة ..

لكن وديتها الوكالة عملوا عليها برمجة وخلاص

جراند ماركيز 96 @user_41516 · 08-02-2007

عندي لك حل جربه ما راح تخسر شيء ان شاء الله وهو انك تفصل اصباع البطارية الموجب (الأحمر يعني) وتتركه مفصول حق يوم أو 24 ساعة وان شاء الله بتظبط لأنو هذه الطريقة تعيد برمجة السيارة.

بوسند @user_15993 · 01-02-2007

انا فكيت المراتب وركبتهم مرتين وماطلعت لي العلامة
والسبب انه يعتمد على من يفكها
لاني وديت السياره عند محل تنجيد معرووف ولبس وفك المراتب ولبس الارضية ورجعهم
وبعدها بفترة رحت له وفك المراتب ولبسهم ورجع ركبهم من جديد
وشغله مضبوووط
يعني الخلاصه اذا جيت تروح محل تلميع او تنجيد او اي شي يحتاج فك المراتب تأكد انه فاك سيارات كواابرس من قبل وماصار شي لهم يعني شغله مضمون
وتقبلووو تحياااتي

عاشق الاوبل @user_769 · 01-02-2007

اشكركم على الموضوع المفيد للجميع

[COLOR=black]اصارتلي نفس المشكله وعند التلميع الساطع فاتمنى من الاخ رويال انه يعطيني رقم المحل الي بالصناعيه عشان اسير عليه ...[/COLOR]

سريع جدا @user_40931 · 30-01-2007

أخوي Triple

الحل هو :

ان انك تحط القير في N ثم تطفي السياره

بس انا ما أضمن انه تنجح معاك وأحط بذمتي شي أنا نجحت معاي وناس كثير أعرفهم عملوها ونجحت معاهم .....

Triple @user_34824 · 30-01-2007

مشكله هاذي ..

أنا ناوي قريب البس الارضيه حق اللومينا وبالتالي فك المراتب .. فـ أكيد حتطلع العلامه شالحل ؟

ابويزن2004 @user_29455 صاحب الموضوع · 30-01-2007

الله يعطيكم العافية جميعا

أسعدتني وأفادتني ردودكم الكريمة

جزاكم الله ألف خير

وهذا البنشري شكله إما غشيم وإما قاعد يتبهلل عليا الله يهيديه ويصلحه

وترا أنا بالمنطقة الغربية أخي (( الرويال )) وليس بالرياض ,, إذا تعرف مهندس أو مكان بالغربية لا تبخل علينا أنت والأخوان

وماقصرتوا والله يا أخواني

أكرر شكري وتقديري لكم

وفي أمان الله

سريع جدا @user_40931 · 29-01-2007

أخواني :

أنا كان معاي كابريس 2002 L T Z

قبل خمس سنوات تقريبا وديته للغرابي علشان اسويله تلبيسه ارضيه

المهم العامل قبل ما يفك المراتب حط القير في N وطفى السياره وقالي علشان ما تشتغل علامه الايرباج وتعلق

وبصراحه وقتها ما كنت أدري ان علامه الايرباج تشتغل اذا الواحد فك المراتب

وفعلا فك المراتب وردها والحمد لله ما ولعت .

ARMADAWOW @user_39776 · 29-01-2007

اخوي عندنا لومينا

فيه اللمبه الي تقول

والى يومك هذا وهي شغاله عادي

اما البنشري الي يقول انتبه لايطلع لك الايرباق قسم بالله انه نكته هذا ,,, ياخي وين شركة جنرال موتورز عنه ذا خخخخخخخخخ

ماعليك ترا مو ذات اهميه وكثير هاللمبه شغاله في الكابرس شغلة اسلاك تحت المقاعد وتقدر تطفيها بالبرمجة

الرويـــال @user_41675 · 29-01-2007

كان عندي كابريس 2002

نفس الشيئ سويت له تلميع

وفكوا المراتب برا

و لما رجعوها و شغلنا السيارة ... اشتغلت لمبة الإيرباق

و ظلت تعطي نغمة كل ما شغلت السيارة ..

و لا تنطفئ ابداً..

طبعاً السبب ليس خراب من الإيرباق و إنما بسبب تفكيك اسلاك المقاعد .. ثم إعادة تركيبها ..

فيه محل في الصناعية في الرياض اختصاصه هذه اللمبة لإطفائها ...

موب يفصل السلك !!!

و لكن أظنه يعمل برمجه له أو شيء زي كذا ..

بالنسبة لي .. ما جات معي المشكلة إلا يوم جيت ابيعها ... سويت تلميع .. وصار إللي صار ... وبعتها مثل ما هي !!

إذا تبغاه قل لي و أجيب لك رقم المحل ... (ترا في الريـــاض)

لكم تحياتي ..

*z06* @user_41601 · 29-01-2007

الكابرس قدها وقدود ولا تظن انه بيذيك دامك زين معه وترى هذه سيارة اسطورة وهي والجمس سيارة السعودية خصوصي
الايرباق يا محفوظ البقى والسلامة ما يفتح الاأذا مربوط الحزام واذا الحزام مربوط ما يفتح الا اذا كانت صدمة قوية وهو أصلا في الكابرس يفتح على حسب قوة الصدمة مثلا الصدمة ظعيفة يفتح 30 % وسط يفتح 60 % بحيث يحميك بلا ما يوذيك

أخوك *z06*

CamSHAFT @user_6565 · 29-01-2007

اخوي مابقى الا البنشري تسمع منه؟؟؟؟؟؟؟؟؟
عساه يضبط شغله اول:D
بالنسبة لعلامة الايرباق فهذا يعني انه مايشتغل مضبوط,, السبب اعتقد لأنه مربوط بالحزام بحيث ماينفتح الا اذا الحزام مربوط "كثير من السيارات كذا"
اعتقد ان اللي فك المقاعد لعب بسلك له علاقة بالموضوع,,
ولاتخاف الايرباج ماراح يطلع في وجهك زي ماقال مهندس السلامة عفوا قصدي البنشري:D
لأنه مايطلع الا بالصدمات ومو اي صدمات لازم تكون من الامام وقوية بعد
الحل؟؟؟؟؟؟؟؟؟؟؟؟؟؟

اذا انا مكانك اصلحها عند الوكالة واطلب فاتورة اخلي التلميع يدفعها وهو مايشوف الجادة:o