تقرير مبسط عن البرادوا 2007

شكل الصور انتهى مدتها صارلها اكثر من 6اشهور

وين الصور

والا انتهت ؟؟

يعطيك العافية على الصور والله يعطيك من خيره ويكفيك شره

بس يا أخوان أبي أسألكم سؤال ... عندكم صور للبرادو 2008 ؟ وهل بيتغير شكله ولا بيبقى الشكل زي ماهو عليه ؟

معليش اخوي مرور الكرام على التأخير اليوم رحت الوكالة واكد لي الموظف ان السيارة الان وصلت جده وتجي على نهاية الاسبوع القادم ان شاء الله ان خلاص عزمت بمشيئة الله على vx1 يعني سعره مناسب بالنسبة لي واحس ان الفروقات اللي بينهم مش مهمة بالنسبة لي شخصيا بالعلم انها بصراحه روعة بس انا ما تفرق معي اهم الشي السعر هو اللي يفرق معي تقريبا 7 آلاف تفرق معي
ويعطيك العافيه على ها المعلومات واذا عندك المزيد ترى زودنا وبخصوص الامور الميكانيكية يعني قطع الغيار الاستهلاكية
مثل فحمات البريك والسيور اسعارها معقولة ولا مبالغ فيها . وشلون صرفيه البنزين يعني كم تعبيه السيارة فل

وبخصوص السيدي حق السيارة انا ودي اركب شاشة ان شاء الله ما ادري وش الزين معلقه في السقف ولا في مساند الرأس
واكيد بحتاج الى مشغل دي في دي اغير المسجل كامل ولا اقدر اضيف قطعة معينه واذا غيرت يجي dvd معه مسجل كاست

شكلي ازعجتك بس عاد سامحنا اخوي

وينك ياعيد شاكر .؟؟؟

أستلمت السيارة ولا توك ؟

خبرنا بآخر أخبارك .

معليش أخوي عيد على التأخير كتبت لك رد طويل وطار ما أدري وين ؟

على العموم نرجع لموضوعنا الأساسي :

الفروقات بين 1 و 2 :

1- الشاشة في 2 أكبر وأوضح وأجمل وتحمل إضافات ، في 1 فقط إتجاهات مع كمبيوتر رحلات مثل المتبقي من البنزين ومعدل متوسط الصرف.
2- مثبت السرعة موجود في 2 ولا يوجد في 1
3- فتحة السقف في 2
4 - الدعامية الأمامية + عوارض السقف موجودة في 2 ولا توجد في واحد (وفعلاً المخصصة لـ 2006 تركب على 2007 لأنها نفس الشي) .
5- المرايا الخارجية بالنسبة لـ 2 تصفط من الداخل بلمسة زر مع وجود إشارات على المرايا الخارجية (لم تكن موجودة على 1 موديل 2006)
6- أهم نقطة وجود فرامل ABS على 2 ولا توجد على 1 (مع أنه بعض موظفي الوكالة يقولون 1 فيه فرامل ABS وبعضهم يقول لا يوجد ما أدري من الصادق) .

وبالنسبة لسؤالك عن تركيب الدعامية :

الأسعار كما ذكرت في احد الردود

ولا أعلم أين تجدهم بالشرقية

بس عندنا بالرياض موجود بالغرابي

والمحل الي ركبت عنده وصفه كالتالي ( واعذرني على الوصف إذا ما كان واضح )

طريق المطار القديم بإتجاه الجنوب تجيك الإشارة الي على يسارك وزاة المالية

تروح مع الإشارة يسار

يصير البريد المركزي على يمينك

تجيك أول إشارة لف معها يمين

بعدين تجيك إشارة لف معها يسار

بعدين أول لفه يمين حتى ينتهي بك الشارع حرف T

شف المحل على يدك اليمين على الزاوية

متخصص بتركيب الدعاميات وعوارض السقف والخطوط الخاصة بلاند كروزر بأنواعه بما فيهم البرادو .

ومواصفات البرادو بشكل عام لموديلات VX

راح أذكر لك الأشياء الأساسية الي تجي أساسي على كل الفئات 1 ، 2 ، 3

1- ثلاجة
2- مراتب مخمل
3- جنوط 17
4- محرك بسعة 4.0 بقوة 240 حصان
5- دركسون جلد
6- بوصلة وكمبيوتر رحلات
7 - جناح خلفي
8- غطاء كروم على العادم
9- مفتاح مع ريموت مدمج
10 - أكياس هوائية للراكب والسائق
11- مسجل كاسيت + أم بي ثري سيدي
12 - قير أوتو 5 سرعات أو عادي 6 سرعات
13 - تخشيبه + كروم
14 - قير التعشيق وقير الدبل مغطى ومخيط
15 - مكيف ألكتروني لمس مع إمكانية فصل للحرارة للراكبين مع مكيف خلفي ألكتروني
16 - ميزة تشغيل السيارة الذكي . ( وهذي ميزة أكثر الناس ما تعرفها ) يعني تضع المفتاح بالسلف ومن أول لفه يشتغل يعني ما يحتاج تعلق عليه حتى يدور المحرك

صدقني حركة إذا تعودت عليها راح تكتشف أنها رائعة بمعنى الكلمة .

وهناك الكثير لكن هذا الي أذكره الآن ..

وإذا عندك أي سؤال آخر أنا حاضر
وآسف جداً على الإطالة .

في الخبر روح شارع مكة في الثقبة تلقى ضالتك. أظن في الدمام فيه مكان أفضل لإكسسوارات السيارات، لكني الصراحة ما أدل في الدمام كثير.

في الرياض روح شارع الغرابي.

في انتظارك اخوي مرور الكرام

اخوي مرور الكرام بالفعل ما فيه دعامية ولا عوارض سقف توني راجع من الوكالة ويوم شديت معهم في الكلام راحو طلعو اوراق وتأكدو من كلامي وقالي بالفعل ما فيه دعاميه ولا عوارض قلت له ليه اجل تأكد لي اكثر من مرة انه ما يفرق عن 2 الا الفتحه والمثبت قال عادي هذي الدعامية اكسسوار تتركب وايضا العوارض . بس مش عارفين سعرها يقولون موجود حق 2006 هل هي اخوي نفس حق 2007 وسعرها عندها خيالي . ممكن توصف لي المحل اللي ركبت عنده وكم تاخذ من الوقت وياريت اللي يعرف محل بالشرقيه يركب يكون افضل بعد ولا في الحسا احسن واحسن
وما ذا عن شاشة المعلومات نفسها ولا تتغير اخوي مرور الكرام واذا في شي ثاني يفرق عطنى خبر الله يخليك

شكر اخوي مرور الكرام وبالفعل الظاهر انهم غيرو في 2007 .. ويمكن الموظف مضيع كعادته انا عموما بمر الوكالة بعد بكره وبتأكد من الموضوع لانه بالفعل قالي واكثر من مرة انه ما يفرق عن vx2 الا الفتحه ومثبت السرعة فقط

أخي الكريم عيد شاكر

المعلومة هذي أكيد حيث أنني كنت أملك VX 1 موديل 2006

وأنا بنفسي ركبت له دعاميات من الغرابي وأنا بنفسي سألت عن أسعارها بالوكالة ..

أما بالنسبة لموديل 2007 فهو نفس المواصفات لم يتغير شي بالنسبة لـ VX 1 إلا التالي:

1- تغير المسجل حيث أصبح يشغل mp3
2- أضافوا إشارات على المرايا الخارجية حيث أنها في الموديل السابق كانت كروم.

أما في حالة كلام الموظف فهي لا تتعدى أمرين :

1- الموظف مضيع كعادة ( بعض ) موظفي الوكالات .
2- أن تكون الدفعة الثانية تغيرت وزادوا هذي الإضافات مع إني ما ظنيت لأنه بصير مثل 2

وتحياتي لك ،،،

ملاحظة بسيطة : سبق وأن جربت موديل 2006 وبعته لظروف معينه وما زالت لدي الرغبة في إقتنائه مرة أخرى ... لما تحمله السيارة من مواصفات رائعة .

اخوي مرور الكرام من قال انه ما يجي فيه سلة في السقف او الدعامة الموظف اكد لي انه نفس مواصفات الفي اكس 2 بس يفرق الفتحة ومثبت السرعة انت متأكد من المعلمومة للي عندك

الله يعافيك ويرزقك سيارة مثلها

الأسطوانة المشروخة :


الين أرتفع

الله يجزاك خير على المعلومات القيمة.

لكني أشوف البرادو سعره مبالغ فيه جداً. أول ما نزل الVX كان يباع بـ 100،000 في 2002، ليش الحين صار بهذا السعر المخيف؟!!

الفتحة أساسي بـ VX 2 ومثبت السرعة أيضاً ..

VX 1 ممتاز ومواصفاته حلوه جداً

بس حبيت أفيدك وأفيد الأخوان بمعلومة بسيطة :

VX 1 يجي بدون دعامية أمامية وبدون عوارض بالسقف (السوداء) ..

وسعرها بالوكالة :

الدعامية 1150 تقريباً

عوارض السقف : 400 تقريباً

أما سعرها بالغرابي كالتالي وعليها ضمان وتركيب 100 %

الدعامية 550
العوارض 300
المجموع 850 فقط ويتغير شكل السيارة 180 درجة تصبح من الخارج كأنها فل كامل

مثل سيارة صاحبنا كارلتون في الموضوع ..

وعلى فكرة أنا لقيت الأسبوع الي راح عند نفس المعرض الي لقيت عنده الفل كامل الجلد

لقيت عنده VX 1 لون لؤلؤي جديد وكالة على الزيرو

بسعر منافس 115500 فقط لا غير

اسم المعرض بن وزير

والوصف تجده في أحد ردودي السابقة !

جميع أنواع VX تجي بثلاجه ..

وأكد عليك أخوي أنه الجلد ما زال إختياري في VX 3

والوكالة تبيع المخمل الفل كامل بقيمة 134000

والجلد طلبية ... متأكد من هالموضوع 100 %

لأني أشغلتهم من كثر ما سألت !

شكر اخوي كارلتون على الرد وانا بالفعل اليوم رحت للوكالة علشان اتأكد اذا وصلت السيارة ولا وقالي الموظف انه يبقالها اسبوع تقريبا علشان توصل وانا بتوكل على الله وباخذ الفي اكس 1 بالنسبة لي ماشي الحال وبالفعل فيها ثلاجة ومكيف الكتروني وكذلك المسجل اما الاسيات تجي عادي مش كهرب الكهرباء تجي في 3 فقط . اذا ما عليك كلافه اخوي كارلتون شلون صرفيتها معك في النزين يعني كم تعبيها وكم تظل عندك تقريبا