وش افضل صالات الفورد وبحدود كم احصل فور 98

الله يكون بالعون بس هل عليها ضمان والا لا لان اغلب الصالات تضمن لك القير والمكينة والدفرنس

اخوي انا شاري ماركيز 99 اسود فدرالي فل كامل بـ 35000 ماشي 136000 بصراحه نظافة السياره خياليه بس سبحان الله طلعتها من هنا وانفرط الجربكس من هنا يعني السيارات الاميريكيه حظك ونصيبك يعني انا مجرب السياره وفاحصها قبل لا اشتريها ومجرب الجربكس ونسبة المكينه 99 بالميه بس في نفس يوم طلعتها من المعرض راح الجربوكس

هلا اخوي فيصل سبورت
انا معك في ان النظافه لها دور بس لاحظ اغلب الصالات يقولون لك نظيفه وعليها ضمان سنه واطلع وافحص يعني بالعربي ما اظن ان الصالات راح يغامرون بسياره وانا عن نفسي ابي ستاندر بس يكون نظيف
تحياتي ومشكور على المرور

مشكلتكم تتكلمون على الفكتوريا بشكل عام ونسيتو انه فيه شي اسمه فل كامل ونص فل واستندر


وسعر هالفكتوريا هذا يختلف عن هذا الفكتوريا وهذا نظيف وهذا غير نظيف وهذا ماشي كثير وهذا مامشي

كثير وهذا مصدوم وهذا مو مصدوم وهذا شبه جديد وهذا مكسر

كل هالامور لها علاقة بالسعر يعني مافيه سعر معين وهو بالاصل يتارجح من--- الى


لاني عندي استعداد اجيب فكتوريا موديل 99 اغلى من 2001 بسبب النظافه وووو الخ


الاسعار ليست هنا في المنتدى وانما في السوق فهو الفيصل في تلك الاسعار


وللمعلوميه احتمال تحصل فكتوريا موديل 98 نظيف نظيف مره وتحصله مثلا ب 30 الف وتحصل بالمقابل فكتوريا

موديل 99 ب 28 الف

والله الموفق

الاخ / جذاب
مشكور على المرور الكريم لكن انا لاقيها اقل بحدود 28 ألف وناوي انتظر شوي يمكن تنزل
تحياتي

الاخ / نابولي ........ ابو ريان ............ ال تي زد

يعطيكم العافيه ومشكورين على المرور الكريم ....... وبالنسبه لي انا اقيم في الرياض بحكم العمل والا أنا من سدير وتحديداً من المجمعه

انا لقيت استنادر 98 بـ 24.500 ريال بس واحد من اصحاب الصالات نصحني بالانتظار شهرين اذا كان عندي سياره لان السيارات بترخص شوي ... على قولته .. لان يقول مافيه بواخر شحن جايه للملكة واسعار الشحن مرتفع واغلب اللي في الصالات تكون في الغالب مخزنه في المستودعات ويكون اصحابها ماهم مستعجلين على بيعتها مو مثل لما كل شوي تجيك دفعه من امريكا وتبي تصرف اللي عندك قبل وصولها

بحكم دخولي الموقع باستمرار لقيت مواضيع شبيهه بمواضيعي واذكر واحد يمدح في صالة (تداول العالميه ) اللي في طريق خريص

في الاخير اشكركم على تجاوبكم واتمنى اللي عنده راي ما يبخل علينا فيه
اخوكم
خالد

مساء الخير

باختصار واحد من ا لشباب تو شرى فورد فكتوريا نظيف بمعنى الكلمة من الصدام الى الصدام وكل قطعه سليمة

سعره 30 ألف وماعتقد انك بتلقى انظف منه ماشاء الله وكالة

انا وحسب خبرتي مع الصالات فإني أشوف ان أحسن السيئين هم : البيان و تداول ( في الرياض طبعا )

والسيارات الامريكية لو فيها خير في بلدها .. ما جتنا ولا طبت عندنا ..
لكن الله يعين .. ما وقفت عليها .. نحن شعوب مستهلكه حتى النخاع .:rolleyes:

ولا تزعلون علي .. ترى محاكيكم شاري 3 سيارات من الصالات خلال 5 سنوات .

اما عن سعر الفكتوريا النظيفة فطبعا مع رفع الاسعار الخيالي من قبل الصالات فقد تجدها بحدود 30 - 36 الف اذا كانت نظيفه وهذا للموديلات اللي ذكرتها في موضوعك .


والله الموفق

|3|