السلام عليكم ورمه الله وبركاته
كيف حال الشباب انشاء الله ان كلكم بخير ونعمه
اولا احب اهدي الموظوع لاخوي ابو فنه
زي ما تعرفون انا معي ليجاسي 6سرندل 2006 وصار لها معي قرابه الخمس شهور
والحمدلله السياره ممتازه وعمليه وما عليها كلام (ماشاءالله)
وطبعا كل سياره فيها ويجيها مشاكل وعيوب و مميزات وراح ابدا بالمشاكل
اول مشكله صادفتني بعد 6 ايام من شرائها الي اهي ان فيه واحد نذل مشخ البويه
واهي ماكملت الاسبوع الاول والله انه قاهرني الى الان ودي اعرفه بس
ثاني مشكله صادفتني بعد تقريبا شهر ونصف الي اهي ان انبير الحراره
يصك ال H وبدون تدرج يعني توعادي وفي ثانيه H الشكله ان السياره حرارتها عاديه
اطفي واشغل يرجع طبيعي وهاذي صارت فقط ثلاث مرات من شريت السياره وبين كل
مره ومره من شهر الى ثلاث اسابيع طبعا من اول مره رحت للوكاله قالو غريبه انت اول
واحد تصيرله ويمكن من حركه الطبلون في بدايه تشغيل السياره وقالو لاتهتم دام الحراره ما ارتفعت
ما عليك قلت زين وان صار شي جيتكم المهم طبعا بعدها بفتره وانا احودي في الخرج الا واشوف
واحد معه ليجاسي اربعه سرندل واوقفه (واقط وجهي عليه) واساله عن المشكله قلت يمكن يعرف شي
والله الرجال ما قصر قال لي اذا جيت تشغل ودقيت سلف انتظر الى ان ترقى العدادات وتعود وبعدين شغل
لانه اثنا الحركه هاذي يقوم كمبيوتر السياره بتفحص الانظمه الموجوده فيها وسويتها و اختفت المشكله
وثالث مشكله ان حجم السياره ضيق شوي من الداخل ومع العلم اني سبق وان ركبت فيها سبعه اشخاص
منهم طفلين وليست لمره واحده لاكن بالنسبه لي هاذي المشكله ليست مهمه لان مقظاب الباب الي ورا
(المكان الي نفتح به الباب الخلفي) دايم مغبر لان محد يركب معي ورا ماب الى انا لحالي
وهاذي تقريبا كل المشاكل و الان ابااتكلم عن المميزات
اخر ميزه اكتشفتها فيها ان فيها نظام لحزام الامان (السواق والراكب ) وهو عباره عن شي
مثل الماطور او البكره الي ينلف عليها الحزام اذا فكيته وعملها انها في حاله وقوع حادث لا
سمح الله تشد بسرعه وبقوه وتردك للمرتبه ولا اقصد بها القفل اللي يقفل اذا شديت الحزام بيدك مثلا
هاذي مرتبطه بالحساس حق الايرباق عند خروجه وتستخدم مره واحده ققط واذا اشتغلت تخرب
ويخرج منها دخان ومكتوب بعد اذا شفت دخان هد اعصابك مو معناه ان فيه نار وهاذا كلام الكتلوج
(ياخوفي اصدم لا قدر الله واقول للي معي لاتخافون هاذا نظام في الحزام ويكون اصلا اشتعال نار ونروح فيها)
واكيد هاذا النظام يرفع من مستوى الامان فيها
وثاني ميزه هي الكفرات نوعها برجستون لاكن تقييمها ممتاز وادخو هاذا الرابط وشوفو انا خذت اسم الكفر
وبحثت عنه في ذا الموقع والموقع خذته من نادي السيارات الي تجي مع جريده الجزيره كل اربعاء
http://www.1010tires.com/tire.asp?tirebrand=Bridgestone&tiremodel=Potenza+RE050A
اخوي معه التيما 2005 6سرندل وكفرانه كلهن خربن ما كملن السنه الاولى وطبعا مقارنتأ به هاذي اظنها افظل بثلاث مرات
والميزه الثالثه ان السياره عمليه وانا اشرح لكم قصدي مثلا النوار الخلفيه اذا خربت في اي سياره كيف تفكها
اكيد يختلف من سياره الى سياره لاكن في اليجاسي من الشنطه فيه غطاء من البلاستيك تفكه بمفك موجود مع
عده السياره وتغير الشمعات من داخل ومثال ثاني الاستبنه كيف تطلعها اليجاسي فيها شنكار بلاشتيك الي هو ترفعبه
الغطاء وتعلقه تحت الزجاجه الخلفيه شوفوها في الوكاله وتاكدو كان بوددي ان احط صور لاكني مستعجل ولا لي في
الانترنت واجد (ما اعرف كيف ) يبيلي اخلي واحد يحطها وشغله
وفيه غيرها واجد
الميزه الرابعه القير وهاذي ما اكتشفتها الى تقريبا بعد شهر ن شرا السياره ان فيه ثلاث وظعيات للقياده وهي
الدي العادي والسبورت والتغيير اليدوي طبعا اكيد تعرفون الاولى والاخيره بس السبورت هو الجديد
وطريقه تشغيله انك تظع القير على العادي بس لاترقي او تنزل كذا يعشق من نفسه زي التماتيك بس يطلع العزم من جد
انا جربته ثم جربت العادي (انا الى اعشق) وبه التسارع افظل حتى اخوي راعي الالتيما من شريت سيارتي
وهو ينتقد عزمها (بحكم انه متعود على الالتيما ) لاكن يوم جرب السبورت قال من جد سيارتك قربت من الالتيما
وجاكرته اول ما انطلقنا اهو فحط وانا لا فتقدمت عليه وشويشوي وراح
وجاكرت التيما 2006 وراح في البدايه وقربت منه (بحكم ان ال rbm الى 7 (نفس السياره طويل ))الى صرت جنبه
ثم عود يتقدم حتى اهو ماتوقع اليجاسي بهاذي القوه اهو راح وكفرات سيارته ورا عند كفرات سيارتي قدام
الميزه الخامسه ان السياره فيها لمسات حلوه ولو اختفت ما من ظرر بس انها حركه مثلا عند مؤاشر الوقود
فيه سهم صغير يدل على مكان فتحه التانكي ومثلا النوافذ اذا انا قفلتها تنطفى انوار الازرار التي تفتح بها النافذه
ومثلا اذا اطفات السياره يشتغل نور السقف واذا دقيت سلف ينطفى (قبل التشغيل) ومثلا اذا كان الباب مقفل ففتحته
تكون عكس اغلب السيارات فتدفع القفل للامام ثم تفتح الباب اسرع وغيرها
الميزه السادسه في السياره نظام اسمه نظام منع تفريغ البطاريه اذا اطفات السياره ينطفى النور الامامي
تلقايا واذا تركت نور السقف شغال ينطفئ تلقايا بعد نصف ساعه الااذا كان المفتاح في السياره الخ
وغيرها الكثير من المواصفات المميزه (ما شاء الله) واسف على الاطاله الطويله وعلى عدم توفر الصور
والي عنده اي اسئله يامر واجيه اطامر بس يتحملني لاني هاذي الايام مشغول شوي
واحب اظيف اعتذار لاخوي ابو فنه لاني تاخرت في الرد
