هو كان يسوقها كجزء من فلم جديد قاعد يسوي كله سيارات و سباقات
شفت دعاية الفلم علي التلفزيون .... شكلي بشوف الفلم عشان السيارات ولا إذا على الممثل ماأدخلة فلم ولو عطوني فلوس
السيارة عقب هالغشيم
هنا ألأخ شكلة حاط رجلة يشرد عن المنتج
تجون للجد, الواحد واللة لازم ما يعطي سيارتة لأي أحد خصوصا إذا هي زينة يعني إذا جاك واحد يبي سيارتك لا تعطيها لة إلا لاسمح اللة السالفة خطيرة حادث ولا شي لأن أولا فية ناس مايبي يخرب سيارتك بس مايعرف يسوق و فية ناس يبي سيارتك يغازل فيها ولا يتسابق إلخ
أتذكر واحد من الشباب كان معاة كابرس LTZ أول مانزل جاة واحد و بغا سارتة و المشكلة إنة مهوب خوية (معرفة بس) لكن الرجال وسيع وجة المهم صاحب السيارة إنحرج و عطاة سيارتة .... كلها كم ساعة ولا الرجال راجع و معاة الLTZ لكن من غير وجهية طلع مغازل و واحد لحقة فجاك هاذا و خم لة بصبة .... لكن تحسبون الرجال تأسف ولا شي أبدا عااادي أكل راس المسكين صاحب السيارة بالكلام و سوي فها رجال قال أية يبي يطلع يدور إلي لحقة بي يصفقة و بعدين جلس يلعب بلوت ...... المسكين راعي السيارة ماعندة يصلحها و جلست السيارة قدام بيتهم شهور لما تصلحت
قصة ثانية لواحد كان مطلع STS بأيام عزة و جاة واحد نفس الشي أكلة بالكلام و أخذ سيارتة قالة يبيها ضروري و عدم أبو أبوها... الرجال حاقد يبي STS بس مامعاه فلوسها قال خلني أخرب هاذي أجل
السوالف هاذي كلها صارت لناس أعرفهم و قدامي يعني محد قالي عنها
