مساء الخير ,,,
أولا بس حبيت اوضح شغله لاحظتها في المنتدى وبصراحة ترفع الضغط
يعني لو حبينا نسوي تصويت او مقارنة تلقى التعصب عند الاغلبية في المنتدى وإذا جا بيرد قال نوع السيارة وجنبها (( بدون كلام،، وانت مغمض ،،خذها وريح عمرك ))
وإذا جيت قلت له عطنا مقارنة مفصلة بين السيارتين تلقاه مايعرف الا شكلهم من برى
على العموم وبدون ماطلع من الموضوع
المقارنة :
الافالون الكابريس
1/ السعر 12000 (ا(ذكر السعر كان لليمتيد)) ** 84500 إلى 145000 ls , ltz , ss , royal
2/الراحة السيارتين نفس الراحة ونفس مستوى عزل الحرارة وبصراحة السيارتين مو ذاك الزود في العزل
3/ القوة 3.5 280 حصان ((6 سلندر فقط)) ** 6.0 أظن تكفي بدون ماكتب عدد الاحصنة((8 سلندر و 6 سلندر اختياري ))
دفع امامي للافالون
دفع خلفي للكابريس
4/أنظمة الامان السيارتين فيهم ايرباقات للسائق والراكب الامامي وفي الجانبين
السيارتين فيهم نظام مانع انزلاق
نظام مانع انحباس الفرامل ABS
نظام توزيع الكتروني للفرملة
الحساسات موجودة في الخلف للسيارتين ماعدا فئة الرويال يوجد امامي وخلفي
الافالون حلو فيها الدخول الذكي للسيارة الي مو موجود في الكابريس مع ارتفاع السعر
5/ المواصفات الداخلية أظن الاغلب شاف السيارتين وبصراحة انا أفضل ديكور الافالون بس أحس الازرار مادري وش تبي كأنها من بوريالين والكابريس اوكي ماشي لكن الهاند بريك يستعبط على باله راكب مع الديكور ومناك إذا رفعته تقول الله يخلي 2006
السيارتين يشغلون 6 سيديات مع مفخمات للصوت وانظمة كثيرة للصوت والحلو في الافالون ان كل قسم مغطى ومميزة الكابريس الي مدري الى الحين اشتغلت مع الشباب او لا النفاقيشن والبلوتوث بس لاتستانسون حتى جوال العجيب فيه بلوتوث ههههههههههههههه
6/ الرحابة بصراحة انا اشهد ان السيارتين إذا ركبت تحس أنك في بيتكم مو الوسع الي فيهم وخاصة في الخلف إذا جلست تحس انك في سيارة ثانية بعيده عن الي قدامك
7/ قطع الغيار الطول في العرض القطع الي رخيصة في الكابريس غالية في الافالون والعكس صحيح
>>> نظرية نيوتن
8/الشكل الخارجي أنا أفضل الكابرس من وجهة نظر لأن االافالون كبيررر بس مو مضموم على بعضه والشبك تحس مالهم خلق يفكرون بشكل هجومي والكابرس خلفيته كيف الحال ؟؟؟
*****))) نقطة مهمة جدا / كثر الكلام في المنتدى أن الكابريس ينقلب بسرعة حشا لو أنه دباب مانقلب على 140 والي يقول انه ينقلب اول ماينفجر الكفر هذا يعتمد على السواق واقصد إذا مسك بريك والكفر منفجر لو عنده مادري وشو بينقلب إذا كان على سرعة عالية ((مادري وشو = اختار السيارة الي عاجبك السيفتي حقها ))
وأنا شفت مقطع بي ام يفحط وانقلب هل هذا يعني ان البي ام ينقلب بسرعة ؟؟؟؟ المقطع موجود عندي الي يبيه يعلمني
طبعا تقولون وشو وجهة المقارنة اقولك التصرف هو وجه الشبة والحر تكفيه الاشارة
*)تراني ماقارن بي ام بكابرس ابد .....
يعني معقولة كل الوزن الي على الكابرس ومو راسي وينقلب مع اي حصى ؟؟؟
ياجماعة الي بيعلق على كلامي يعطيني دليل يصدقه العقل مو يقولي روح شوف التشاليح ولا خويك ولا ولد خالك منقلب بعيد الشر عنكم وعن جميع المسلمين
امانة ياشباب الي جرب الافالون يقولي هل الافالون على سرعة 160 ثابتة ؟؟
في النهاية آسف على الاطالة والسيارتين ماعليهم كلام وانا سيارتي كابريس وامووووت في شي اسمه افاالون والمسالة كلها مسألة ذوق لا أكثر ولا أقل
بالتوفيق للجميع ان شاء الله
تحياتي ,,,
