لكزس Ls430 مستعمل او Es350 جديد

خليك على اي اس 350 ما يعيبها اي شئ سياره بمعنى الكلمه وفيها كل ما تتمناه :D

430 خلاص انتهى زمانه! لو انه يطير كمان :p

اصوت ل 430شكل احلى واوجه واكبر

واسعاره الحالية في السوق تبدى من 135 الف ريال

وبالتوفيق

بما اني راعي لكزس ومريت بنفس الموقف والان التصويت 50% LS430 وكذلك 50% ES350

على فكرة انا اصوت للـ ES350

ولكن ولكن ولكن والله لو انا مكانك ماخذ غير GS430 مستعمل خفيف واتوكل على الله ياخي مواصفات + شكل + قوة + كل شي فيها وشكلها اجمل ومشيها اقوى واخف ونظام الملاحة مطور اكثر من LS430 مع ان لكزس LS430 لها مكانة خاصة بس كبيرة واحسها قريبة من السيارة الامريكية من ناحية الحجم الكبير ووالله يعينك ولكن فكر في GS430 فخامه قوه حجم متوسط مناسب وكل المواصفات فيها ولاتنسى انها GS430

والله يوفقك لاتنسى الاستخارة وصدقني ماراح يجيك الا الشي اللي ربي كاتبه لك

تقبل تحياتي

اخوي جرينيتش
انا اليوم داق على الوكاله قالي سعرها 148500 ريال ينطح ريال
واللون الابيض طلبيه كمان

يعطيكم العافيه شباب على تفاعلكم معي وتقديم رأيكم لي

الي الي محيرني بين الاثنين

حبداء في 430 :
ميزاتها انها تعتبر من السيارات الفخمه والمرفها وبرستيجها جدا قوي وكذا لك تضل افخم سياره بلكزيس وكذا يضل مركبها وثبتها افضل من ES350 وايضا اوسع وفيها مزايا اكثر
ولكن عيوبها اولا انها مستعمله ولا تضمن الي قبلك وش سوا فيها ولا تعرف تريخها وفي نفس الوقت مهما كانت جودة السياره اله ما تحتاج صيانه وكذا لك صيانتها ما ترحم وفوق هذا شكلها تغير يعني معك شكل قديم مو جديد


والان ES350:
مزياها انها سياره جديده وعلى يدك وفي نفس الوقت مو ناقصها شي من ناحيه الشاشه والرفاهيه الداخليه وانه شكلها جديد توه نازل 2007 يعني الي يشوفك على طول يعرف انها 2007 وكذا لك صيتنها ارخص 50% تقريبا او اكثر وضمنها لسع جديد
ولكن عيوبها اقل هيبه في الشارع من 430 وكذا لك لا تقارن من ناحية الثبات وحجمها اصغر من 430 وقيادتها اقل راحه من 430

تم التصويت ل اي اس 350 لقناعتي بالجديد

لكن سؤال كم وصل سعر الاي اس 350 اللي بشاشة

160 ألف والله حرام تحطه على سيارة ماتدري وش وراها

ولاسمح الله ممكن تطلعلك أشياء لايعلمها إلا ربك الواحد

خذ جديد أضمن لك وتكون عارف إنه ماتعلب فيها ولا مسمار

أما سالفة اللكزس والكامري واحد فهذي نكتة من العيار الثقيل

سر الكشخة مو بالماركة بل كم دافع على السيارة نفسها

شي جديد على يدك افضل من المستعمل
انصحك تاخذ اي اس
لكن شوف الجي اس الجديد اظنه افضل من اي اس

استخير ربك

خذ ال ES و ماراح تندم

انتبه من المستعمل ترا بعضها مصدوم والله أنا شفت LS430 موديل 2006 لون لؤلؤي ب 160 الف ريال في معارض النسيم بالرياض المهم السيارة مصدوم الوجه وشف قيمتها نازله فالمستعمل يخوف جدا فتنبه لذلك وعليك بالاستخارة قبل الشراء لعل الله يختار لك الصالح ...
وبالتوفيق ...

هو صحيح أنا فكرت مثلك LS430 أو ES300 أو GS300 و تراك نسيت ال GS300 شكل جديد ومواصفات وشكل جميل

1- بالنسبة للـ LS430 هو حلو وما فيه أي كلام لكن بعد ظهور الشكل الجديد اتجهت الناس للجديد وبالتالي طاحت أسهم القديم ولو أنه جميل وأكرر أنه ما عليه كلام لكن هذي حال السيارات إذا تغير الشكل قالوا الشكل القديم

2- بالنسبة للـ ES350 والله حلو ولا يشبه الكامري ولا مقارنة هذي سيارة وهذي سيارة صحيح لو كملوها بلمبات ديجيتال LED خلفية كان ضبط ... لكن هذي حركات الشركة يبون يخلونها في موديل السنه الجايه أو اللي بعدها.

3- ليه ما فكرت في الـ GS300 بصراحه شكله حلو ولو أنه رياضي شوي بس جميل جدا ولكني لا أعرف عن استخدامه شي ..

على العموم انا صوت لل ES350 (بلوتوث - كاميرا خلفية - ملاحة - عداد جميل - شكل جديد -آي بود يمكن - زينون -حساسات - ستارة ) يكرف حسب علمي وشكرا

وفي النهاية أقول لك خلك على اللكزس ولا تطلع منه مثل ما قال أحد الأخوان فوق لأنه ياباني وعملي ولا يطلب كثير وبيعته بعد الاستخدام ولله الحمد سهلة وبقيمة مرضية...

هذا مالدي والله أعلم ,,,

زي ماقال أنا معاه........

والله لو معي هذا المبلغ اخذ 430 او اخذ BMW 750 او اخذ مرسدس S500


يابوي اذا صرفت هذا المبلغ الضخم لاترضى الا بفئة تستاهل هذا المبلغ


اذا شريت ES ترا انت وراعي الكامري واحد :D


مع التحية،،،