مرسيدس ابو عيون ينتع بعد اخر تعشيق

الله يعينك..
اتوقع لو انت رايح الوكاله من البدايه احسن لك.

السلام عليكم ورحمة الله وبركاته
الله يعطيكم العافيه يا شباب ..
بالنسبه للصفايه غيرتها .. وما تغير شي ...
لاكن اعتقد انه فيه صفايه ثانيه تجي عند الكفر الخلفي .. هذي ما ادري عنها ...
وفحص الكمبيوتر .. فحصتها اكثر من مره وعند كذا ورشه ..
واحد يقول بلف الهوى ....؟؟ واحد ما يدري ايش العله ..
والعالم الله انهم ماهم عارفين يستخدمون الفحص على الكمبيوتر ...
وبالنسبه للحساس .. ( ايرماس ) غيرته وقيمته 900 لاكن بدون جدوى ..
وجاريه المحاولات ..
واللي عنده شي لا يبخل علينا به ...
هذولا الميكانيكيه لعبو علينا بما فيه الكفايه ..

والله يجزاكم خير على المشاركات
اخوكم

ابو حـــــازم

السلام عليكم ورحمة الله وبركاتة
اذا بدلت الصفاية على كلام الاخوان وراحت المشكلة الحمد الله

انا كانت تصير معي على مكينت الشبح وغير حساس الهواء (كسكليتر) وقيمته 850 ريال بس المشكلة كانت لمى اكون ماشي 120 وادعس على البنزين كان يطيح عزم الموتر وبعدين يقعدله فتره 5 ثواني بعدين يشبك ويمشي يسرع
ولا اكن انصحك بفحص الكمبيوتر او الي راح يطلعلك العلة بضبط وسعر الفحص من 100 ريال الى 150

السلام عليكم ياخوي سيارتك تنتع او تقطع انا صارت لي المشكله امس وحليتها اليوم وبفضل من الله صفايه البنزين غيرتها والسبب كنت امشي على سرعه عاليه حول 220 والسيارة قامت تقطع خففت شوي وباقي تقطع بس اقل من 140 ماتقطع كلمت المهندس وقال لي بدل الصفايه لاني فكرة ان البخاخات تحتاج تنظيف رغم ان البنزين عندي لما يوصل للربع اعبيه فل علشان مااعدم البخاخات وطلع كلام المهندس صحيح بدلت الصفايه بعد عناء وتعب والحمد لله 100% شيك على الصفايه

والله ياخوي تنظيف البخاخات مفترض من البداية تقطع مو بعد التعشيقات..
اتوقع يبي لها برمجة كمبيوتر او شي من هذا القبيل..سوي فحص كمبيوتر وانشاء الله راح تحل المشكله.
وسيارتك غريبه موديل98 ماكينة فياجرا..لان الفياجرا طالع من 99 وقبله شبح :D

عموما الله يعطيك خيرها ويكفيك شرها..

السلام عليكم
تصحيح مكينة سيارتك ياخوي شبح ماهي فياجرا لان الفياجرا 99

وبخصوص المشكله هل لمبة الانجن اشتغلت عندك؟؟

اعتقد ان سيارتك تحتاج تنظيف بخاخات
ويمكن بس تبديل بواجي يكفي وتكون السيارة تمام