أيــن سـيـارات جلانت ميتسوبيشي وغيرها ،، مـاسر اختفائها من الشـوارع (مناقشة)

السلام عليكم :cool:
متسوبيشى آآآهه يامتسوبيشي لنكن واقعيين وين متسوبيشى اول ووين متسوبيشي الآن فرق السما عن الارض . نتكلم عن سوق السعوديه في اول الثمانينيات. في فئة الونيتات الجلنت كان ثالث اشهر ونيت حتى التسعينات والان تعداه الاسوزو في المبيعات وبفارق كبير . وفي اول التسعينيات وفي فئه السيدان الجلنت جي ال اس سوبر صالون كانت سياره مميزه بتقنياتها والتي خلفتها لوقت الماجنا الاستراليه والان رجعت صناعه امريكيه ونزلت في السعوديه من حوالي سنه تقريبا وفشلت فشل ذريع جدا الي درجه انه ممكن يمر الشهر ولم تراها . وخرجت تماما من منافسه سيارات بفئتها مثل السوناتا والاكورد التين تتنافسان على المركز الثاني في المبيعات بعد الكامرى في المملكه . ومن منتصف التسعينيات حتى 2004 كاقصى حد. اغلبنا يعرف اللانسر سياره ما عليها كلام وحققت مبيعات عاليه حتى انها كانت منافسه للايكو في وقتها والان وينها ووين مبيعات الاكسنت واليارس اللي يتنافسون على المركز الاول في فئتهم .
نجي لقاهر الصحراء وملك رالي دكار من عام 1991 كان ينافس الباترول في المبيعات وبعد 2000 بدات تقل مبيعاته عن اول حتى تفوقت عليه سيارات حديثه نسبيا في السوق مثل البرادو و الباثفايندر والانفوي .
هذه ادله واضحه على تباطوء متسوبيشى في تطوير سياراتها ومنافسة الشركات الكبرى والتي كانت في يوم اصغر منها بكثير مثل هيونداي التي كانت في بداياتها تعتمد على متسوبيشي بشكل كامل وقل اعتمادها حتي انفصلت عنها تماما في عام 2000
والان هيونداي سادس اكبر شركه مبيعات للسيارات في العالم فوينها ووين متسوبيشى .
اقول هذا الكلام وانا مقهورعلى متسوبيشى لان معي باجيرو 99 تصدقون رحت للوكاله الفرع الرئسي بطريق خريص اسال عن زيت القير الاتوماتيك الاصلي متسوبيشي درجة SP III لقيته جالون 4 لتر ب 160 ريال يعني اللتر ب 40 ريال والقير بياخذ 8 علب يعني 360 ريال والحمدلله اني ماشريته بعدها بشهرين رحت للكويت ولقيته ماتصدقون لقيته نفس النوع ولكن جالون 5 لتر ب 70 ريال واخذت جالونين 10 لتر ب 140 ريال شوف الفرق الدبل وزياده وسالت عن قطع اخرى ووجدت فرق كبير . الزبده للاسف شركة متسوبيشي ما عندها سياسه تسويقيه ولا وشلون تسكت عن مبيعات وكيلها العيسائي طول هذه الفتره وماتسال عن الاسباب اللي من اهمها اسعار قطع غيارها في السعوديه . الا اذا كان ما يقدمه وكيلها في السعوديه هو اقصى طموحها !!!! . |3|

شكرا أخوي على ردك والله كلام في الصميم لكن برد على نقطتين إذا سمحت



منظور محايد

أنا أقولك على قصة إنه فيه ناس أخذت 2 كابريس LTZ موديل 2000 والغريب بالموضوع هو إنه السيارتين عدت عليهم سنة إلا وألاقي وحدة ماشية زي الحلاوة والثانية مشاكلها ماتنتهي :confused: وغيروا القير مرتين على حساب الوكيل..

وفيه ناس تشتكي وناس تقولك والله عندي وماصار..

فنصدق مين؟؟؟؟

الزبدة إنه أنت والمكتوب عليك من الله ياتطلع السيارة معاك طيبة يا تطلع بطالة وتبهدلك..






ياخوي محد قالك إنه مقياس بس لما الواحد يشوف السيارة محركها V8 يقول أووووه هاذي تطرح كذا وتنطح كذا..
والميتسوبيشي مافيها
يعني ثقة الشيبان بالتويوتا ورغبة الشباب (عيال النعمة) بالقوة...أما على قد الجيب فمابيخاطر يتورط بوكيل الله بالخير


|1| العفو |1|

ماشاء الله عليك ... مع الموضوع اول باول ...انا الحقيقه من العشاق للباجيرو من فتره طويله ... كان لي في فتره سابقه علاقه باحد مدراء الفروع (استقال من العيسائي) وهو الي اطلعني على بعض المعلومات عن العيسائي و المشاكل الاداريه في الشركه ... بالاضافه الى الاصطدام بين جيلي الاداره في الشركه ... الملاك الاساسيين وابنائها الي انظموا حديثا لادارة الشركه ... شخصيا اجزم بان الشركه راح تتغير تغير جذري (اقصد هنا العيسائي) عند انتقال الاداره كامله (صنع القرار) للجيل الثاني ... طبعا حتى شركة ميتسوبيشي عليها الكثير من المآخذ في عدم انتشار سياراتها ... وانا مع بقية الشباب في حاجة الباجيرو لمحرك اقوى (8 سلندر) ... ولرفع قدراته خارج الطريق (كما هو الحال مع الاجيال السابقه منه ... والي كانت مصممه للبر اكثر) ...

تحيتي مره اخرى ...

ما يميز السيارات الالمانية والامريكية هو ان لها شخصية في التصميم حيث كل جيل تربطه علاقة بالجيل السابق تتجسد في وجود تطابق للبصمات بينما السيارات اليابانية والكورية تفتقد الهوية فتارة تجدها امريكية وتارة المانية واحيانا من الخلف الماني ومن الامام امريكي.

الميتسوبيشي خرجت عن السرب وكونت لها هوية مستقلة.. حيث لو أتت ميتسوبيشي بسيارة مفهوم Concept Car ودون شعار ستعرف انها من ميستوبيشي :cool: وذلك لوجود بصماتها الواضحة والراسخة على مر السنين |1|

الميتسوبيشي... عاشت أفضل ايامها في الثمانينات وبداية التسعينات.. وبعد النكسة اللي حصلت بسبب الادارة الوسطى في الشركة قاومت على البقاء في السوق وما اراه الان ان الميتسوبيشي تخطت تلك الازمة وهي قادمة وبقوة الى السوق..

جالنت الجديدة الاولى على مستوى السلامة والجودة في استخدام المواد الاولية للتشطيب الداخلي والخارجي


اللانسر الجديده ... شكل هجومي وقوة اعلى من المعدل الموجود ..


باجيرو الجديد.. الاسطورة تبقى اسطورة

الاوت لاندر الجديد.. اجمل تصميم في تلك الفئة (لم ينزل الى الاسواق بعد)

فعلا كلامك صحيح اخوي

انا خويي معه جالنت 2001 وماعمره دخلها ورشة

السيارة قوية وسواقتها ممتعه جدا(قير عادي)

الديكور الداخلي زباله

وطبعا هذا من الوكيل

اعرف واحد من الشباب معاه باجيرو 2003 مشتريه من ايطاليا

ماشاء الله انواع الفخامة وفيه بعد زينون بالكشافات وكالة

والسيارة ديزل بس عزمها حلو واقوى من اللاند كروزر الديزل

بس المشكلة انه بلشان بقطعها لانها مالها قطع هنا وتختلف قطعه عن الباجيرو السعودي

يعني اللي يقولي متسوبيشي ماهي عملية او قطع غيارها نار ؟

مادري هل انت جربتها علشان تقول كذا ؟ ...

انا كانت معي جلنت وحاليا سياره العائلة متسوبيشي ...

لاقطع غيار نار وبالعكس عملية اكثر من اي سياره يبانيه اخرى ... المشكلة ان الوكيل ضعيف ومانشوف اعلانات او عروض على سياراتها ...

العيسائي وكيل فاشل مع ان شخصيا افضل المتسوبيشي على اي سيارة اخرى ... لكن لولا وكيلها ...

وعندنا عبدالطيف جميل عرف يلعبها .. هالوكيل ناجح ناجح ناجح بكل المقايس .. تسويقيا اداريا و اقتصاديا .. اكل كل الوكالات والسعودين حاليا يفضلون تويوتا بفضل هذا الوكيل الناجح ...

مع حبي لمتسوبيشي الا انها لن ترتقي لمستوى التويوتا بسبب واحد .. هو وكيلها ..

الشعب السعودي رغبته في التويوتا اكثر والكابرس والفرود بس هدا ما يعني انه افضل من المستبيشي انا اشوف المستبيشي سياره عمليه جدااااااا وبعض الدول تعتبر اهل سياره مثل سوريا الكويت والبحرين لكن اذا تقارن سعرها بموصفاته اهنا المشكله اهي فخامته غير ملموسه لكنها عمليه اكثر والا يقول قطع غياره غاليه مو بكل شىء مستبشي ماجنا غير جيده الجالنت افضل بكثير ولانسر لا يعلى عليه وقطعه رخيصه جدا وعملي اعرف شخص تخيلي انه يقطع يوميا 200 رايح و200 كيلو جاي عنده لانسر حجم 1.3 فقط تخيل ولا شكى منه شىء تصدق او لا

الجالنت الجديده 2007 بصراحه شكله وموصفات ما تشجع على انتشارها بسعوديه تخيلي سعرها 85 الف وما فيه موصفات دي سبب مقنع يخلي الزبون ما يفكر بلجلنت اتوقع انه رايح تخسر كثير اذا ما تعدل شكله
ام الجيب ناجح

واسف على الاطاله جبايبي

اخوي انا بطعيك الزبده واقلك ليش ما تنتشر سيارات متسوبيشي بالضبط وحسب توقعي ...

مستخدمين سيارات متسوبيشي ما يشتكون من سؤء معامله من الوكيل ابد ..بالعكس الوكيل جيد المعامله مع الزبائن كن يشتكون من غلاء قطع الغيار ..

هذي مشكله .. والمشكله الثانيه ان الوكيل ما يوفر السيارات بمستوى مطلوب يعني مثلا الناتيفا ما يجي منها قير عادي نشوفها بس اوتو

وايضا الاوتلاندر ما جابها فل ابشن غير هذي السنه بينما تشوفها عند الزياني الوكيل في البحرين بفتحتين سقف وفل ابشن من زمان

وغير كذا الين لو تروح للوكيل وتسأل عن الضمان حق اي سياره يبيعها يقوللك انا اعطيك ضمان على المكينه والقير والدفرنس بس

وهذا غير ان للاسف شركة متسويشي هامله سوق الشرق الاوسط بشكل كبير حيث ان الانسر ما تنزل عندنا غير 1.3 من عام 2002

الى عام 2005 وهذا عييب بحق الشركه ..

كما ترى اخوي ان العيسائي جيد في معاملة العملاء نسبيا ..لكن من ناحيةالاعلانات والدعايات وتجربة القياده ومن ناحية تلبية متطلبات السوق والنظر بما يريده الزبون بعين الاعتبار هذا ما ينقصه بشكل اساسي

غير ان سيارات متسوبيشي تنقصها اشياء كثيره حتى تنافس باقي الشركات بكل قوي

يعني ايام ما طلعت الماجنا عام 2002 كانت الماكس هو الي ينافسها بقوه وكانت الماجنا تنافسها بشكل قوي سواء في السعر او المواصفات او القوه

لكن نيسان نزلت الالتيما وهذا الي طيح الماجنا وهذا غير الانسر الي ماهي قادره تنافس وهي بمحرك 1.3 فقط

اما الان العيسائي صار يجيب فآت اخرى محسنه من سيارات متسوبيشي مثل الاوتلاندر الفل ابشن المذهب ومثل الانسر 1.6 والانسر

الرالي ارت والجلنت بثلاث فآت مختلفه ..يعني صار ينوع في المواصفات اكثر وفي الاسعار

الان صار يعطي ضمان افضل واطول 5 سنوات او 100 الف كيلو متر وذلك باضافة 1500 ريال على سعر السياره

يعني تحسنة خدمته بشكل ملحوظ وهذا بعد ما فتح الفرع الجديد بالرياض وصار ينافس بشكل افضل من السابق

نستنتج ان المشكة ليسة من معاملة الوكيل للزبون حيث انه وكما اسلفت اخوي ان كل الوكالات غير مرضيه اصلا ..

لكن السوء في تسويق الوكيل للسياره واهتمامه بسوق سيارات متسوبيشي والنظر بعين الاعتبار لمتطلبان الزبائن ..المخلصين امثالي


تحياتي

حياك الله اخوي ... وشكرا على تجاوبك ... فيما يلي وجهة نظري على ملاحظاتك :




تحيتي