نيسان موران

عندي سؤال عن صرفيتها

انا ابغي السيارة بشكل اساسي لسيراتي الدوام

ونحن بالامارات الوحمة عندنا فضيعة ... يعني بين بيتنا ودوامي اقل من 40 كم اخذ لي ساعة ونص لين اوصل .... يعني فية اماكن السيارة ما تكشي فيها من الزحمة !!!

شو الصرفية تتوقعون عالية !! ولو تححدون يكون افضل

اشكر كل من دخل وشاركني موضوعي

بالنسبة للسيارة انا قارنتها بكثير .....

الانفنتي .....غالية وما اقدر لها .... مع انها وااايد حلوة

شفر أكتيفا .... ما عجبني شكلها و صناعتها استرالية مدري كورية

البرادو ..... حجمها وايد كبير علي

كان خاطري بالطوارق .... بس اخوي كان شاري شراتها ولعوزته وااااايد لحد ما باعها وافتك ....

يعني ما بقى لي خيار الا المورانو ....

البارحة سرت وكالة العربية للسيارات اللي عندنا بالامارات واستفسرت عنهم

كانو مسوين عرض 2006على 111000 درهم

سعر حلو ... سالته شو الفرق بينها وبين 2007 قال مافيه فرق ...

توكلت وحجزت السيارة ....

ان شاء الله اخلص اوراقي .... واخذها

سياره ممتازه جداً

ومريحه وفخمه

وبالنسبه لصناعتها فهي يابانيه بالكامل 100%

اذا كنت تبي تسمع كلام الناس ما راح تشتري ولا سيارة
لان رضى الناس غايه لا تدرك

اذا كانت السيارة عاجبتك خذها وتوكل على الله
ولا تنسى انها نيسان:::يعني ارقد وامن

هلا بــك أخوي . .
المورانـو ياباني . .
تـصـنـيـع أمــريــكــي . .
مــع واحــد من الــشــبــاب . .
شـــاريــه موديل 2006 على وقته 125 ألف ريال . .

مميزات الـسـيـارة :
[COLOR=dimgray]1- شـكـل جـميـل لابـأس به ولالكن الإنفينتي أفضل . .[/COLOR]
[COLOR=dimgray]2- قــوة السيـارة ممتازة . .[/COLOR]
[COLOR=dimgray]3-لابـأس بها في الخطوط الـسريـعه . .[/COLOR]
[COLOR=dimgray]4- الأنــوار الأمــاميــة زينون العالي والواطي . .[/COLOR]

عيـوب السيارة:

[COLOR=dimgray]1- قــطــع الــغــيـــار ((ناااااار)) وغــير متوفـر . .[/COLOR]
قـصة قطع الغيار:
رحت أنا وصاحب السيارة للوكالـة لان منكسرالإصطب الأمامي يمين . . سألنا عن الإصطب قال 4600 ريال
قال طيب مشكور وطلع . . راح يدور محلات قطع الغيار مالقا راح التشليح الي بالرياض . . مالقا الا مورانو واحد بالتشليح كله مالقا الى اصطب يسارسأل عنه قال الي بالتشليح بـ 3000 ريال . .
راح الوكاله شراء اصطب يمين بـ 4600 ريال . .
قالوله تعال بعد اسبوعين علشان يجي الأصطب . .
ومره أخرى خرب علية العكس بس العكس على الضماان . . قعد شهرين ونص مافيه عكس بالمملكه الا بجيزان ومحجوز لواحد بجده ((كيف راح جيزان ماادري لان الوكاله سيئه)) . .
المهم انتظر ما جاء العكس وأخيراً فكو عكس سياره جديده وركبوه له . .((يعني الوكاله تفك السيارات الجديده وتبيع القطع لما تجي القطع الي طالبينها))

[COLOR=dimgray]2- ســــوء الــــوكـــالـــة من جميع النواحي [/COLOR]
الصيانة . . توفير قطع الغيار((كما ذكرنا)) . .الخ

[COLOR=dimgray]3- لايوجد عزل صوتي جيد .. [/COLOR]

[COLOR=dimgray]4- السيارة غير مرتفعة . .((في المطبات يحك))[/COLOR]

[COLOR=dimgray]5- الدفع الرباعي الدبل خرابيط (( مايصلح للبر))[/COLOR]
.............................................
شــوف لــو تقدر تزيــد 40 ألف وتأخــذ انفينتيFX
احسن لـك لان قطع الغيار ما فيه فرق الا 100 ريال
وشكــل قـــوي . .
................................................
مــاخــاب مـن اسـتـشـار ولا نـدم مـن اسـتـخــار
................................................

تحياتي:

A L R A J H I

................................................

بنسبة للسعرها 117 الف 2006 بس مو كل الالون متوفره ... طبعن هذا علمي فيهم قبل شهر تقريباً

يخوي الـ FX أكبر من المورانو ..... شلونتقول اللي ما يقدر ياخذ الـFX ياخذ مورانو

ونسيت أخوي أقولك السيارة قمة في الروعة .. وكشخة والشبابية للابعد درجة ... انشاء الله بخذ لي واحد من السيارات هذي المتعددت الاستخدامات
ه

والله مورانو ما عليهااا كلام

سيارة من احسن سيارات وصرفيتهااا للوقود معقووول جدا وحتى سامانها رخيصة ومعقولة

موديل 2006 بتلاقيها اقل من 125000 درهم ..... والله انصحك بهالسيارة

المورانو مبني على قاعدة الألتيما، ونفس مكينة الألتيما أيضاً. لكن تفرق عنها إنها يمكن تحويلها من دفع أمامي لدفع رباعي بضغطة زر، وخلوصها الأرضي مرفوع قليلا بحكم أنها سيارة دفع رباعي. تصميم أمريكي وتجميع ياباني، غالبية القطع صناعة أمريكية.