السلام عليكم
يا اخوان انا هالايام ادور سياره ولقيت عندنا في الكويت سوبارو ليجاسي GX موديل 2003 قير توماتيك (توبترونيك) ونظيفة عند الوكالة .. لقيت وحده ماشية 18.000 تقريبا لكن 2.0لتر .. والثانية ماشية حول ال30.000 بس 2.5لتر ..
ولقيت موديل 2004 ماشية حول ال 30 اظن بس 2.0لتر ،،، الصراحه انا مفكر اخذ 2.5لتر ،، وابي رايكم
بالنسبة للأسعار ،، موديل 2004 سعرها 3650 دينار = 47000 ريال تقريبا
أما موديل 2003 الاولى والثانية نفس السعر كلهم 2950 دينار = 38000 ريال تقريبا
بنفس الوقت لقيت فورد فوكس عند الوكالة موديل 2006 والعداد 000 جديدة وبقراطيسها .. وسيدان مو هاتش باك ...... الصراحه شكلها حلو لكن المشكلة حجم المكينة 1.5لتر يعني ضعيفة نوعا ما ،، مع العلم انها قير توماتيك (وتوبترونيك) .. سعرها 3500 دينار = 45.500 ريال تقريبا
بنفس الوقت لقيت كورولا 2007 XL-i جديدة عند الوكالة (1.5 لتر اظن) سعرها 4100 دينار = 53ألف ريال سعودي
لكن صغيره مقارنة بالليجاسي
وكذلك الفوكس صغيره شوي
الصراحة انا طالب على قد حالي وعلى قولتهم مد رجلك على قد لحافك .. والصراحة الليجاسي حلوه وشكلها نظيفة لكن متخوف منها لأنها مستعملة مقارنة بالفوكس والكورولا الجديده .. مع العلم اني ماراح ابيعها قبل 4 سنوات عالاقل
ابي رايكم يا اخوان وهل الليجاسي تتحمل السفر والاستعمال 4 سنوات ثانيه (من غير خرابات)؟ مع العلم ان عمرها 4 سنوات الآن غير ال30 الف اللي ماشيتها.
وبالنسبة للتصويت اتمنى تصوتون للسيارة اللي تشوفونها أفضل من الناحية العملية ،، يعني بدون تحيز لسيارة معينة |11|
شاكر لكم مقدما
اخوكم
ابوعمر
:rolleyes:
