السلام عليكم
هذا اول موضوع لي في هذا الموقع واتمنى ان اجد حل لمشكلتي من خبراء الموقع
سيارتي كابريس 2000LTZ فيها اكثر من مشكلة وما ادري هل هي مشاكل مترابطة او ان كل واحد منها مالو علاقة بالثاني
1- السيارة فيها كتمة عند القومة وصوت بعد المشي عليها لمدة طويلة وديتها لاكثر من واحد (من بينهم احد الوكلاء) وعملوا تنظيف بخاخات وتغيير بواجي مع اسلاكها وتغيير منظم الهواء وتغيير طرمبة بنزين . الصوت راح والكتمة خفت لكن لايزال فيها كتمة وخصوصا بعد ماتوصل لسرعة 80 احس انها كتمت وكان عزمها راح وكانها مش قادرة تغيير في الجير او معلقة وتستمر لمدة واحتاج اني ازيد الدعسه علشان يرجع العزم
2- مع الكتمة اللي تصير الهواء حق المكيف يكتم و يصير يطلع من الفتحات اللي عند القزاز الامامي واذا رفعت رجلي من البنزين يرجع زي طبيعي
3- الحرارة تكون طبيعية ولكن احيانا ترتفع الى قريب النص وترجع تنزل وشوية وترجع ترتفع الى قريب النص وعلى هذي الطريقة
4- استهلاك البنزين احس انوا مو طبيعي ابدا . قبل تنظيف البخاخات كان وصل الى 26 ليتر /100 كيلومتر وبعد التنظيف نزل الى 19 ليتر /100 كيلومتر
5- مع الدعسة والقومة احس انو فيها هزة مو طبيعية زي انو السيارة تبغى تغيير ومش عارفة تطلع للقير اللي بعده
واحد من اصحاب الورش قالي انوا منظم الهواء اللي يبيعوه بعض الوكلاء تجاري (سعره بعد الخصم 400 ريال) وقال اذا تبغى المشكلة تروح خذ من الجميح او التوكيلات وسعرهم حوالي الالف ريال (حسب قوله) وحتنحل المشكلة
ياريت تنصحوني جزاكم الله خيرا واذا فيه احد يعرف احد كويس في جده وعنده طولة بال انوا يمشي معايا لين ما تنحل المشكلة جزاه الله كل خير لانه كل اللي مريت عليهم ما عندهم وقت يسمعون وعلى طول يفتون واذا ما انحلت المشكلة قال اصلا القطعة كان لازم لها تبديل
