كيف أعرف حجم محرك سيارتي ؟

الله يعافيك أخوي START OVER
وأحب إني أضيف بالنسبة لمكينة ال400"
اتوقع انها هي هي 396"
ليش ؟
لأن تكلفة صناعة قالب جديد للمكائن مكلفة جداً
فهل من المعقول أن يصنع قالب لمكينة بفرق 4"
اللي منكم شاف بعيونه ختم 400"
على سرندل المكينة يقول لنا
احترامي للجميع

ابشر بسعدك
وترى كل القصايد منقوله
ياراكب اللي شعار الجمس رمز(ن) له =جمس(ن) ِرجل سايقه ماهو يدانيها
جمس(ن) اليا حافه السواق ماملّه= واليا بدا بالمسافه تقل يطويها
فوقه ........... يعرف الدرب ويدلّه= مناطق الصنف والصمان محصيها
قطع الفيافي هوا باله وطبع(ن) له= دار يجيها صباح ودار يمسيها
معه الرساله و...... صديق(ن) له =ولوازم الدرب فوق الجمس شاريها
×××××××××××××××××××××××××××××××××××××××
ياراكبن جمس(ن)جديد(ن) مجهز**** من وارد الممتاز اخر طرازي
يقطع تخاتيخ الفيافي ليـــافز **** يشبه زاروق البحر يوم نازي
سواقه لا بغى الدرب ماأهتز**** صليب رأي ولايجيه اهتزازي
صليب رأي وماكر العز في عز**** صليب رأي ولنواميس حازي
×××××××××××××××××××××××××××××××××××××××
انا اشره على اللي يشري الجمس ويبيعه 0000 يكود حده حد من بعض الاحوالي
وانا ويش ابا بالجمس لو مراميـــــــعه 00000 ليا من هواجيس العشاء ضيقت بالي
ولاشفت صدري كاثرات مشاريـــــعه 00000وقامت هواجيسه تحده على الجالي
تنحرت به دوا تطارد جرابيــــــــــعه 00000 رفيق الرفيق اليا عطا العثعث البالي
×××××××××××××××××××××××××××××××××××××××××××××
ياراكب ألي عايرو ماه والزيت ... جمس(ن) على البيبان فية المراية
وارد جميع ومن حفيزة تنقيت ... ومســاعــدة زودت طقــمــة عنــاية
×××××××××××××××××××××××××××××××××××××××××××××
ياراكب الي صممته الولايات=الي مريكا في المصانع تصبه
تصميم شركة كرخان الخواجان=وموردن من نينيورك ومصبه
اكبر مكينه صقطت للونيتات=خمسه صفر واحد ودبه ودبه
ما يدخل الا عن طريق الوزارات=ومديرها وقع وعاهد للربه
صدفه دخل بالواسطه والحيالات=ثم قيل يا سواق اخذه وخبه
بالجدول السري دخل بالوساطات=حتى سبيراته تجي في سطبه
ساعت فتح بابه عطوه السوتشات=شغل اليا الما مع قزوزه يكبه
قام يتلفت وش تقول القزوزات=لا هي تقول ابغيك ماما وببه
وقام يتلفت وش تقول المرايات=لاهي تقول اصويحبك وين مربه
××××××××××××××××××××××××××××××××××××××××××××
حييت ياجمس اجداد مشاريه = عبارتين بإمية الف شريناه
اربع مئه وخمسين من عند اهاليه= اخر مديل بعالم الشرق عزاه
حالف حرام اني لسوقه واعديه= يوم إن ولد امه قصر ماتهقواه
جمسٍ الى شفته اعزالك تقهويه= ياطيب طيب القهوجي كان قهواه
تقول معزومٍ لحفلة سواريه= جاك إمتشيك وإمتعطر ومحلاه
سواه لطوال الشوارب إمسويه= ولايركبه ياكود حامي حمياه
حر ٍ كفخ من روس عالي مباديه= قرمٍ تلطم واشقر ........ طفاه
ياليت راع الجمس يومه يسميه= على اسم عنتر وإلاابو زيد سماه
حيثه شنب يستاهل المدح زاهيه= .......... ابو من لاقمز له وحياه
من حشمته مركبوا اهل الدلع فيه=ولاسوقوه اولاد دادا إوداده
ولاساقه الخكري ولااحمر عتاريه= وبنات العليا ماتعلن زواياه
والجمس احبه حب غالٍ إلغاليه= حبٍ عضيم حب نمر ٍإلوضحاه
من حشمته لجيت اسافر اماليه= ولاخلص المشوار جيت اترظاه
واشيب عيني يوم اجيله واماليه=مثل الذي وسط الخلا شاف لاماه
خطرٍ الى ناديت يقول لبيه = ومن دون سايق يشتغل من وراء داه
هو ميتٍ فيه وانا ميت فيه= لوهو جديد احب شوفه وطرياه
لقمت المس فوق بديه وادريه= بلاشعور قمت ادور شفاياه
حالف يمين اني لابيه ولا اهفيه= لوربحوني بالف الف إ مدلاه
يوم الردي يبيع صاحبه بجنيه= والله مابيعه دامه ام الطلي شاه
حتى وانا بالمسجد الفرض اصليه= ادعي الجمس ياعسى الخلد مثواه
وان كان عني راح ماني بناسيه= كود البدو حب المقاطين تنساه
تحرم علي نوره حرامٍ مقفيه= وتحرم علي البيض من كل منحاه
ياوين اباالقالي حريصٍٍ واوصيه= لاغبت عن جمسي يزوره ويرعاه
في ذمتي يبغالي الروح لفديه= هوملته عمر المعنا ومخباه
ومن جلدي الباليه لوقي سماريه= ومنهو سعى للجمس ماخاب مسعاه
يالايمي بالجمس غادي وسفيه= بلاك ماشفته ولاشفت حلياه

MR.GMC
تسلم حبيب قلبي على التواصل الدائم
وهذي قصيدة أنقلها
وأهديها لك
ياركب اللي جاهز(ن) للمطاريش= جمس(ن) حمر كم طرشةً قد طرشها
عليه سواق عيونه مغاطيش = شايب ومبطي في عيونه غطشها
يمشي من الحوطه بوقت المغابيش = وعبا من اطرف شيشه من شيشها
وعدل رفارف موتره بالشواكيش= وتله على الخط الشمالي جمشها
واليا ترادى جريها قال ذا ليش؟= دبل لها ثم بالثلاثه نعشها
واليا ذكر له مركز(ن) فيه تفتيش = خريت كم من غبشةً قد غبشها
مجرب مسرى الغداري مع الحيش= ولو داس له بيضة حمّره مافقشها

شكراً اخواني mr.gmc و bxb111 و start over
وآسف على انقطاعي
- الاحصنة لها طريقتين لمعرفتها معادلة رياضية توجع الراس
أو بقياسها عن طريق جهاز اضن اسمه الداينوميتر وتلقاه عند ورش
الترهيم ( التزويد )
- 502 و601 ماله وجود مثلها مثل ال511 والدليل أن جي ام تستخدم
المحرك 496"
-8100سي سي ليكون هو المحرك الاساسي لشاحنات النقل الثقيل لديها
ولو كان هناك محرك
أكبر لما بخلت به جي ام على شاحناتها .
- نعم الكابرس القديم نزلت عليه 454" على حد علمي حتى آخر موديل
من اللي يسمونه ابوعرب
1976-1977م
وهذي معلومات خفيفة عن مكاين الكابرس
1966م - 396"
1973م - 454"
1974م - 454"
1975م - 400"
1995م - 350" ltz
1996م - 350" ltz
1995م - 350" ss تختلف عن ltz في نظام ضخ الوقود
1996م - 350" ss تختلف عن ltz في نظام ضخ الوقود
كلامي خطأ يحتمل الصواب وكلام غيري صواب يحتمل الخطأ

كم واحد وواحد قال أبي أعرف حجم مكينة سيارتي
ولا أدري كيف ؟
ها أنا أتعب من أجل الاجابة
على هذا السؤال
اليوم سنعرف بمشيئة الله رمز المكينة حجم 294"
والامثلة كمايلي :
[CENTER][COLOR=darkslategray]1GKEK13V15J177305[/COLOR]