smt
اختصار Sequential Manual Transmission (ناقل الحركة العادي التتابعي) ..
وهو يختلف عن نظام التريبترونيك Triptronic الموجود في أغلب السيارات الثانية مثل النيسان والأودي والبي ام ... بس ظاهريا كلهم لهم نفس الفكرة...
الجير له الوضعيات P و R و N و D و S و + و –
ما تقدر تحرك الجير عن وضعية الـ P إلا اذا كان محرك السيارة شغال و ايضا الضغط على دواسة البريك ...
في حالات الطوارئ لا سمح الله ... اذا السيارة ما اشتغلت ... ولازم تنسحب ... الجير يجب أن يكون على الـ N ...
انزين كيف تحرك الجير إذا السيارة ما تشتغل ؟؟!!
هذي وظيفة زر الـ Shift Lock الموجود جنب الجير ... خليك ضاغط على الزر وحرك الجير ... حتى بدون بريك ...
السيارة ما تشتغل إلا إذا كان الجير عند الـ P أو N بس تقدر تطفي محرك السيارة على أي وضعية للجير ...
*) سؤال : في السيارات ذات المفتاح العادي ... ممكن تطفي محرك السيارة بدون ما تطفي الراديو ... يعني تحرك المفتاح حركة وحدة إلى وضع الـ ON .... لكن الأوريون بالمفتاح الذكي إذا ضغطت على الزر كل شي ينطفي ولازم تضغط عليه مرة ثانية عشان تشغل الراديو ... شلون تطفي المحرك بدون ما تطفي الراديو ؟؟!!
جواب: الفكرة كلها في الجير ...... إذا طفيت السيارة والجير على الـ P السيارة تطفي بالكامل... لكن إذا كان الجير على الـ N المحرك فقط يطفي ... والراديو يتم شغال ... وما تقدر تطفي السيارة بالكامل إلا إذا رجعت الجير على الـ P.
