شريت كابرس موديل 79 وابي نصايحكم لحرارة الرياض

الله يبارك في عمرك
وابشرك الموتر نظيف ولله الحمد |1| بس حسافه انك بعت الكابرس كان زينته وخليته
وزين انك علمتني عشان انتبه له
بس بسألك يعني تنصحني اعبيه مويه خضرا المخصصه للرديتر ؟

فعلاً تسعاوي يجرح ويداوي|5|

وشاكر لك ويعطيك الف عافيه على مساعدتك يالغلي

حيا الله الغالي... مبروك عليك...

وبانتظار الصور..

تأكد من السيور والمروحة والرادييتر... إذا كان قديم سو له تسييخ ( عشان تنظف المسارات الداخلية من ترسبات الموية )خصوصاً مع الموديلات القديمة... وإذا كانت مكينته نظيفة أنا أضمن لك إنه ما يسخن بإذن الله لو تمشي عليه 200 مع المكيف في عز القايلة... مثل موتري اللي انت خابر رحت عليه سوريا وبسم الله عليه.. ( زي الألف )..

أهم شي لاتنسى الصور..:)

انشاءالله الف مبروك....
وماعليك ترى هالسيارة قوية جداً واذا هي نظيفة بتتحمل اكثر من حرارة الرياض انشاءالله..
انا كان معي 1988 صارله عشر سنين معي ومن سنة بس بدت ترتفع الحرارة وكان يبغالها رديتر لاني كنت اعبيه مويه عادية... وبعته من شهرين ونادم اني بايعه،،،،

وزي مايقولون ..
تسعاوي يجرح ويداوي
على الخط متساوي..
مافيه كابرس مثله مساوي!|1|

انا مدري عنها والله
تتحمل حرارة الرياض ولالا
لكن بشيك إن شاء الله
يعطيك العافيه يابطل|1|

الله يبارك فيك
شكلك كنت مجرم يوم كنت صغير :D
< اكبر مجرم يوم كان صغير
وبصراحه فرحتني وحمستني له يوم قلت ان سواقته ممتعه وماينمل منه|1|
وبالرياض عندنا يسمونه سفينه
المكيف جديد راعيه توه مركب له كمبرسر جدييييييييييييييييد وفريون يقول المكيف ثلجججججج ماشاء الله
وسمعت ان التضليل يأثر عالقزاز ويصير فيه تنسيم :confused:
هل هذا معقول ؟؟
لان واحد من اقاربي يقول لاتضلل ترا يخرب القزاز عليك(تضليل ابو هنود)
والصور إن شاء الله بنزلها اذا وصل الرياض وبالتصوير المفصل
تشمل داخلية السياره + المكينه+الشنطه بعد:D
وفي موضوع لحاله
والله يبارك فيك يابطل
يعطيك العافيه

هههههههههه يالبى قلبك والله
يعجبني اللي مثلك يحب المزح ولا يصير رسمي بزياده|1|
حال السياره طال عمرك ولله الحمد ممتاز جداً مع اني مابعد سقتها ولا بعد وصلت للرياض
لكني قد شفتها قبل وركبتها وعجبتني جداً ماشاء الله
ونظيييييييييييييييييييييييييييفه وراعيها اللي قبلي ماقد اشتكى منها(ماشاء الله تبارك الله)
لكن ممشاها كثير ومادري كم والله
وسعرها 10 الاف ريال سعودي:D
شاكر لك يابطل

دامه ما تتحمل غيرلها رديتر وشيك على المراوح لكن قبل تغير الرديتر اسال عن الانواع

الـــــــــــف مبـروك ,,,,,,,,,,,

وأنا أحترم الموديــــــل هذا وله مكانه غاليه في قلبي ,,,, ( أيام شباب ( قصدي طفوله :) ) كنت أسرق المفتاح من جدي وأخر لفله في ظهـــــر ,,,,,

سواقته ممتعه وماينمل منــه ,,,

وفي مكه عندنا يسموه الباخــره وفي ناس الحين يسموه تيتانيك ,,,,
,,,,,,,,,,,,,

نصايحي لك ,,,
شيــك على المكيف ولو مو بارد وديه عند واحـــد باكستاني ( تراهم يفهمو في شغلات هذي )

يعبيلك فيــرون ,, ويطلع المكيــف ثلج ,,,

وضلل الثلاث القزايز الخلفيه أســود داكن ,,, ماعليك المرور مايكلمك :)

ولا تنســى الصــور ,,,

والف مبروك مــرة أخرى ,,,

امزح معاك ياطيب بس ماقلت لنا كيف حال سياره ممتازه وكم ماشيه وكم سعرها !!!

كابرس وراك حاقد ياخي ههههههههههههه
شكلي بكبسك قبل اكبسها ههههههههههه