هلا والله بالغالي أبو أسد وشرفني وجودك وأذكر اني دردشت معاك مره عالماسنجر أيام ماكان معك الهايلكس 2005 واللي ما أرتحت فيه أبد
وحقيقة أنا أسعد بمشاركاتك ونقدك خاصة وانك انسان لك خلفية حلوه في منظومة الدفع الرباعي ..
الصور ولا تغلى عليك أبشوف مركز أخر وأحمل مع انها ظاهرة عندي !! يمكن محجوب عندكم ؟
أنت لو لاحظت في كلامي اني قلت العيب اللي عندنا من الوكيل وليس من الشركة لأني شفت الهايلكس حق جنوب أفريقيا وعليه جميع الكماليات ماعدا
لون الغمارة عندهم رصاصية ومايجي أحمر مثل عندنا
الحوض يجي مثل الايسوزو بدون شناكير فقط
والا موديلهم يعتبير شخصي أكثر من ما يكون حق شركة أو عمال ,
وبيني وبينك اللي أعرفه عن جنوب أفريقيا انها بلاد فقيره وأغلبهم الوانهم سود فأستغرب على مواصفات سياراتهم ومتخوف بعد اني أسوي زيارة وأشتري الموتر وأشحنه لأن الفكرة هذي ركبها براسي أخوي الحبيب الخل الوافي في أحدى ردوده .
ولعلمك يوم قعدت أقرأ في الكتالوج حق السيارة لقيت ان فيه مواصفات رهيبه لدول جنوب أفريقيا !
منها مفتاح مع الريموت مع جهاز انذار .
لمبة الغمارة اذا ركبت وسكيت الباب ما تطفى الا بعد 15 ثانية او اذا دخلت المفتاح وشغلت , يعني أنظمة ذكية ومتطورة
بس في المقابل اللي لاحظته ان سياراتهم سرعتها قليلة مقارنة بالوارد للشرق الاوسط وهذا قريته في قسم ناقل الحركة ( القير )
يعني يعلموك أقصى سرعه تستخدمها لكل نسبة من القير ولا حظت ان في الغيار الاول لدول الخليج تقدر توصله الى 48كم بينما لدول أفريقيا 44كم , بالنسبة للغيار الرابع للدول الخليجية 180 أما للأفريقيين 167كم ؟؟؟؟؟؟؟؟
يعني ما عندهم سرعه ولاحتى وجود انذار 120كم , طبعا هذي المقارنه لنفس المحرك الموجود على 2006 المكون من اربع اسطوانات سواء للغمارتين العادية او الدبل !
بس اللي فرحني شوي ان مواصفات المحرك ذو 6 سلندرات موحده وماهم كاتبين ولا محددين لا خليج ولا أفريقيين ؟ الترس الاول يعطيك الى 54كم أما الرابع 180كم .
وبصراحه أنا بصبر الين نهاية 2009 ان شاء الله اذا تغير الشكل وطوروا في المحرك كان بها مالم فأبجرب وأطلب طلبية من عبداللطيف جميل وأشوف اذا كان بيستطيع توفير لي سيارة بمحرك أقوى .
هلااااااااااا والله وسهلااااااااااااا
مع أني بصراحة ما أذكرك زين :D هههههههههه <<< كب العشاء خخخخخخخخخ
بس تقولي أنك مسولف معي في الماسنجر؟
هل كنت مسجل من زمان بأسم غير أسمك الحالي
وعطني إيميلك على الخاص مرة ثانية (لأني بصراحة معليش أقولها الي ما أشوفه أكثر من سنة مثلا أقوم بحظره وحذفه لأني وبكل صراحة أنساه معليش على ذاكرة الشياب ههههههه ولا احب قائمة الماسنجر تمتلي وأحط في أعتقادي أنه ما يدخل أبدا) ترى مو متأكد أني حاذف أيميلك أو حاضرك بس أرسله لي
عموما خلنا من هذا
يعني أفهم من كلامك أن مافي طريقة إلا انك تروح لجنوب أفريقيا؟
على فكرة ترى رحت كلمت البازعي وأبوجميل عن توفير على الأقل غمارتين دبل S-GLX ناقل حركة آلي 4 سلندر ولا وافقو :( قالو معليش ما نجيب حبة إلا بالكمية علشان يكون تكلفة أقل علينا وغير كذا يكون ما نجيب كمية ما نظمن أنها تمشي علشان كذا ما نجيب الهايلكس تماتيك خير شر <<< قهر
ويارجال وسع صدرك
بس بصراحة ترى دلاخه الي بيطلع لجنوب أفريقيا أو دول مثلها علشان يجيب هايكلس 4 سلندر :p
يا 6 سلندر يا بلاش :D
للمعلومية فيه أنظمة حلوة الهايلكس 6 سلندر
أولها ترى أغلبه الي أشوفه في الصور ديكوره يجي بيج مثل الفورنتشر وهذا شيء عاجبني بقوة ويجي مثل جنوطه بعد يعني طالع رزه وغير كذا وأهم ميزة صراحة صرقعت براسي مثبت سرعة!!! أعتقد عقب هذي الميزة وش تبي أكثر من كذا وأيضا فيها ميزات الدفع الرباعي الي يتميز فيها الفورنتشر VX2 مو بس دبل إلا أنظمة مساعدة للدبل مثل أعتقد نظام شبيه بالدفلك وغيره يعني الموتر عسل |1|
طبعا هذي المواصفات هي من موقع تويوتا البرازيل ترى طارتهم يسار مثلنا
وميزت ترتاح فيه يعني ترى حتى أعتقد قطع غياره سم سم فرونتشر 6 سلندر من ناحية الفرامل والاشياء الميكانيكية وغيره ألخ ما عدى البدي حق 4 سلندر الهايلكس يصلح له.
المشكلة على كم بيكلف ترى يمكن يطلع عليك بغالي من جنوب أفريقيا
على فكرة جنوب أفريقيا طارتهم نفس طارتنا يسار أو لا
وأين الدولة الي في جنوب أفريقيا تفكر تأخذ السيارة منها
ومن وين جايب مواصفاتهم ممكن أشوف الرابط تويوتا حق جنوب أفريقيا
أذكر لحقت على موضوعي الي كتبته عن الهايلكس فيجو الجديد موديل 2005
ذكرت مواصفات وأشياء ما تتوقعها في الهايلكس أبدا بس الوكيل يسلملي على حذف المواصفات والأضافات السخيفة
المهم كنت كاتب في الموضوع نفسه أني حاسب أغلى هايلكس عندهم 4 سلندر وهو ديزل 3 لتر قير تماتيك ودبل فل كامل تماما جنوط وأنظمة ABS+EBD+AIRBAG تدري كم حسبت القيمة من العملة التايلندية إلى العملة السعودية
طلعت القيمة 56000 ريال سعودي تقريبا!!!!!!!!!! شوف كيف المواصفات وكيف السعر
بس ترى طارتهم يمين!
وهنا يباع بأغلى من 75 ألف ونوع S-GLX يوصل إلى 80 ألف ولا فيه مواصفات تستاهل أخ يا القهر :mad:
وعلى طاري الروابط جرب هذا الرابط حلو في التحميل ولا أعتقد أحد أشتكى منه ومنتشر بكثرة في التحميل
http://www.m5zn.com/
وما أدري ما وادي أحطمك بس موضوع طلبية من عبداللطيف جميل أغسل يديك ما أعتقد بيوافق غير كذا أذا كان بيوافق صدقني ترى أعتقد بيتعدى قيمة الشاص!
أنا قد كلمتهم قبل أول بخصوص لطلبية لراف فور 6 سلندر كنت أول مجزم عليه قالولي ما نجيب!!! صراحة قهروني قلت ليش حاطين طيب قسم الطلبية الخاصة (أخبره في جدة بس كلمتهم عن طريق الهاتف المجاني)
عموما أذا أنت فعلا لاقيلك واحد يقدر يضبط وضعك هناك في أبوجميل فأفضل شيء لأن بلاش السفرات الخارجية تدخل في متاهات جمارك وتكاليف شحن ومدري أيش وغيره
وعلى طاري تعديل الروابط
أنت أرفعها في موقع تحميل أخر وحطها في رد أخر فأنت مالك صلاحية بتعديل الروابط من نفس ردك السابق
أخوك أبـــــــــــوأســـــــــــد|3|
