بعد تجربتي مع البيجو ... رأي عنها بكل صراحة... الرجاء من الاخوة الدخول

abo sirag @user_40021 · 24-07-2007

السلام عليكم /

اليوم يا اخواني قررت ان اروي لكم تجربيتي مع سيارتي البيجو 206 ... مع نهاية الاجازة الصيفية تكون قد كملت خمسة سنوات معاي
وان شاء الله تكون اول واخر سيارة اوروبية اشتريها .. ومع نهاية الموضوع اريدكم ان تحكموا على السيارة ... هل جابت حقها ؟؟؟
وراح اشرح لكم طريقة استخدامي للسيارة . بسم الله نبدأ/

السيارة / بيجو 206 هاتشباك ..
المحرك/ 4سلندر .. 12صمام 1400سي سي ..
الموديل /2003 م ...
السعر / 28100 ريال اقل نوع من الوكالة ..

المحافظة وطريقة الاستعمال /

1/ الزيت كل 3000كلم (عند شركة قلف اكسبرس )...
2/ فلتر الزيت كل 5 تغيرات للزيت ...
3/ فلتر الهواء مرة واحدة الى الان ...
4/ تغير السرعات عند وصول الامبير الى 3000 دورة بالدقيقة ...
5/ 4دقائق لتحمية المحرك حتى لو في الظهر ...

ايجابيات السيارة /

1/ اقتصادية في استهلاك الوقود (20ليتر من جدة الى المدينة بدعسة واحدة + المكيف) 23 ليتر مع الدعسات المستمرة ...
2/ لاتحرق الزيت بسرعة حتى عند تبديل الزيت كل 3000كلم .. تبقى لزجة ...
3/ الديكور الداخلي جيدة ومرتبة و افضل ما فيها مساحة الدرج كبيرة ..وايضا شاشة المعلومات..
4/ السيارة مناسبة لشخصين السائق والراكب الامامي ..فقط اما الركاب اللي في الخلف لا يشعرون بالراحة ...

سلبيات السيارة /

1/ ضجيج داخل المقصورة عند السرعات العالية ..وانعدام الهدوء في الشوارع الخشنة....
2/ سماع صوت طقطقة عند تغير السرعات ...
3/ المحرك ليست رياضية ... مثلا عند التبديل من الخامس الى الثالث ... ماتشد معاك ...
4/ السيارة ليست راسية في الخط ... وانما عند وجود الرياح والاتربة في الخط تعتبر افضل من الكورولا ...
5/ حساسة لدرجة انه لو ماصلحت الخلل راح تخرب عليك حاجة ثانية ...
6/ لا يمكن التعديل عليها بكثرة .. مثال كثر السماعات والمضخمات تؤثر على السيارة وعلى الكمبيوتر بشكل سلبي ...

القطع التي استبدلتها خلال الفترة /
1/ البواجي .
2/ صحن الكلتش .
3/ اقمشة الفرامل الامامية .
4/ السير الموجود بالقرب من المكينة ..
5/ عوامة البنزين (خلل مصنعي المفروض كانوا يغيروه ولكنهم صلحوه مؤقتا ) حسبي الله عليهم
6/ عامود التوازن 70 ريال الواحد..( طبعا بسبب شوارع جدة النظيفة)

اسعار قطع الغيار/ (للي يبغى ياخد فكرة عن اسعار القطع )

1/ البواجي 27 ريال .. 21ريال بعد الخصم ( لا يوجد منه تجاري )
2/ صحن الكلتش 570 ريال بعد الخصم ( الطقم كامل ) ...
3/ اقمشة الفرامل 130 ريال تقريبا او 135 ريال ..
4/ السير 45 ريال الاصلي ..
5/ عوامة البنزين 460 ريال بعد الخصم ..
6/ منظم البخاخات 315 ريال بعد الخصم ..
5/ الكمبيوتر 2500 ريال بعد الخصم ..

المطارحات والسباقات /
1/ مع الايكو ما اكلت عيش (طبيعي الايكو 16صمام .. البيجو 12 صمام )..
2/ مع الياريس اوتماتيك ..الى 60 كلم بعدها الياريس طار عني ..
3/ مع الهيونداي اكسنت تقريبا تعادل ...
4/ شيفروليه افيو 2005 او 2006 زي بعض لما الثالث بعدها كسرت خشمه ...
5/ فلوكس واجن بولو برضوا اتفشلت لانه 16 صمام ..(يعني استجابتها سريعة )
6/ مع الكورولا برضوا ماقدرت ..الا بعد ال140كلم اقدر اجيبها في الشد ...

ضمان الوكالة / سيء الى ابعد الحدود ..

الخلل الفني /
1/ خلل في علبة الاشارات ..قالوا راجعنا بعد اسبوعين علشان نطلب من فرنسا ..حتى لما ركبوا طقم الاشارة
ما ركبوه زي الناس ..
2/ عداد البنزين كان يخطيء في القراءة . قالوا غيرنا العوامة وكتبوه في الفاتورة ..بالرغم انهم صلحوه مشي الحال ..
لحد ما خلص الضمان وفترته 2 سنتين .. رجع المشكلة لين ما اشتريت وحدة جديدة ....

اسرار الوكالة /
1/ انهم ناويين يتخلصوا من البيجو بنهاية شهر 9 .. زي ما اتخلصوا من دايهاتسوا .. والسوبارو ...
2/ الفنيين داخل الشركة غير مؤهلين احسن واحد فيهم جنسيته سيرلانكي ... وفي المعرض يقولوا احنا
جايبين خبراء فرنسيين من فرنسا ... نصب عيني عينك ...
3/ اقل السيارت خرابا هي ال206 واكثرها ال607 ومن ثم ال307 حسب كلام الموظف في الشركة ..

واخيرا ايش رايكم في السيارة ..وفي اسعار قطع الغيار . وفي استخدامي لها ؟؟؟

الرجاء منكم حفظه في المفضلة ... اخوكم عمر 206

abo sirag @user_40021 صاحب الموضوع · 12-08-2007

3

320e

أقول سيارة بها خرابااااات إذن المشكلة في السيارة

مافي سيارة راح تدوم طول عمرها وما تخرب ... كل سيارة وحسب استعمالك لها ...

ولكن الفرق هنا / بعض القطع استهلاكية لازم تخرب وتتغير كل بعد فترة .. مثل صحن الكلتش والاقمشة الخ ...... ...

اما الخرابات اللي نشتكي منها ... الخراب اللي يحصل بسبب اهمالنا للسيارة وايضا عدم عمل الصيانة اللازمة ..واحيانا الخلل المصنعي من الشركة ...

وبالعكس اعرف ناس معاهم 206 و 307 وما شاء الله مبسوطين منها ...

naas @user_52161 · 11-08-2007

بيجو 406 او407 جربها ثم نتكلم

320e @user_47162 · 11-08-2007

أقول سيارة بها خرابااااات إذن المشكلة في السيارة

abo sirag @user_40021 صاحب الموضوع · 10-08-2007

M

Muhannad2

ركبتها مره وماعجبتني من ناحية الديكور

احسها فكرة التصميم غبية

بس كنت ناوي اشتريها بس شلتها من راسي

كرهتها

الاخ مهند / اولا الحمد لله انك ماشريت السيارة ... لان السيارة لو خربت راح تكره عيشتك ..وتضطر تبيعها ...المشكلة مهو بالسيارة .. المشكلة بالوكيل بالبيد ... رحت اشيك عندهم الخلل اكلوا فلوسي واخر شي ما عرفوا يشخصوا المشكلة ....

اما انه الديكور ماعجبتك .... بعض الناس يقولوا حلوة وكل واحد له رايه الخاص ...

اعطيك مثال العدادات اللي في 206 و 307 وايضا في المازدا 6 والبي ام كلها برتقالية وشكلها حلو ورياضية .... ولكنها مزعجة للعين احيانا ...

اما عدادات الكورولا مثلا لونها سماوي.. البعض لا يحبوها .. ولكن البعض يقول انها افضل لانها هادئة ولا تزعج العين ...

abo sirag @user_40021 صاحب الموضوع · 10-08-2007

X

XXXSAMIXXX

بالنسبة لي أحب البيجو 307 شكلها رياضي وأنيق وألوانها جميلة ومن الداخل رائعة جدا لكن ال206دخلتها راسي صقع في السقف وحسيت اني مختنق فيها ولم أرى أي شيء جميل فيها...طبعا هذا رأيي الشخصي المتواضع....وأقولك أخي عمر عقبال السيارة اللي تعجبك :)

تحياتي لك |3|

الاخ سامي / اشكرك على المرور والمشاركة ...

طبعا كل الناس لها ذوق خاص في اختيار ما يريدونه ... وبالنسبة لك احترم رايك ..ولكن شي طبيعي السيارة صغيرة بمعنى الكلمة .(.يعني لاتفكرها جمس) كما ان السيارة تجاملني ايام رمضان في جدة وبالأخص مكة شوارعها صغيرة وزحمة ..اقدر ادخل بين السيارات بكل سهولة ... وبخصوص انه راسك صقع ( شكلك ماشاء الله طويييل ):D ...ال 307 انا ركبتها صحيح السيارة حلوة ...ولكن صاحبي يقول انه خرابات ال307 اكثر من ال206 ..

XXXSAMIXXX @user_40685 · 10-08-2007

بالنسبة لي أحب البيجو 307 شكلها رياضي وأنيق وألوانها جميلة ومن الداخل رائعة جدا لكن ال206دخلتها راسي صقع في السقف وحسيت اني مختنق فيها ولم أرى أي شيء جميل فيها...طبعا هذا رأيي الشخصي المتواضع....وأقولك أخي عمر عقبال السيارة اللي تعجبك :)

تحياتي لك |3|

Muhannad2 @user_43232 · 10-08-2007

ركبتها مره وماعجبتني من ناحية الديكور

احسها فكرة التصميم غبية

بس كنت ناوي اشتريها بس شلتها من راسي

كرهتها

abo sirag @user_40021 صاحب الموضوع · 30-07-2007

ب

بيجو الأناقة الفرنسية

مشكور أخ عمر على طرحك لتجربتك مع السيارة

ورأي أن السيارة مشاء الله ماخربت

إلا أشياء استهلاكية مثل الأقمشة والسيور والكلتش

هذي أشياء استهلاكية لابد من تغييرها بعد كل فترة

والخلل ممكن في علبة الأشارات وعوامة البنزين

هذي نقدر نقول عليها خراب

واختلف معاك في الرساوة السيارة جد جدا راسية

مقارنة بحجمها ومن ناحية أنه مايمديك تعدل عليها سستم

واحد من الشباب أعرفة شايل المقاعد اللي ورى ومخليها

كلها أوفرات وسماعات

وصوت الضجيج الخارجي شيء طبيعي بالنسبة لسيارة

بحجمها صغيرة وبسعرها يعني بالله بالسعر هذا تبغى الشركة

تحط طبقات عدة لكتم الضجيج أما

المحرك فاتفق معاك بأن صوته عالي جدا

وبالنسبة لعزم السيارة اختلف معاك فيه بالنسبة على أنه

صغير إلا أن أدائه جيد جدا واستجابتها جيده جدا

ومن ناحية المطارحات الكورلا والأيكو والأكسنت والصني

هذي أنا مجرب معاها والله ماتقوم علي والمطارحات تعتمد

على حاجتين السواق و على تمرينك للسيارة على الدعس

إذا أنت ما مرنت السيارة على الدعس فثق تماما أنك إذا جيت

تبغاها تدعس راح تخذلك

وأنا ترى ماني قاعد أقول كلام من الهوا

أنا عندي 206 أقل نوع قير عادي موديل 2000

والسيارة مشاء الله تبارك الله ماشية 204000

وماشية زي الطيبين

وفي حاجة اذا كنت تغير من الخامس للثالث واستجابتها

سيئة زي ما تقول معناته أنو في سيارتك حاجة لأني عكسك

وسؤال لك كم أكثرسرعة قد مشت سيارتك في خط مستوي

وهل قد جبت طبلونها ( تقدر تمشي السيارة 200 في طريق جدة مكة)؟

واتفق معاك في أنة الميكانيكيين أول مايشوفو سيارة أوربية كأنه شاف جني

وترى قطع غيار السيارة ترى مرة مرة معقولة أخوي معاه تيرسل

علبة الدركسون التحتانية 2700 ريال وأنا عندي 1250 ريال

والثاني معاه مكسيما والله القطع غالية والهوندا مرة غالية

خوي غير الرديتر حق الأكورد2005الله يرحمة ب3000 ريال

و المشكلة أنه الناس لما تجي تقارن قطع الغيار تقارن لك تجاري

مع أصلي الوكالة لأنه في تجاري وفي أصلي وفي وكالة

واخيرا آسف على الإطالة وشكرا

احترم رايك ..وواحد من اصحابي يقول ان عند اخوه 206 موديل 2000م عدى ال140000كلم وما شاء الله مااشتكى منها ... وهو جربها على طريق جدة مكة قدر يجيب ال180 كلم بالراحة وكمان السيارة ثقيلة وراسية في الخط ... بس انا اول ماطلعت السيارة اكثر شي قدرت اجيبه 195 كلم وكانت السرعة تزداد بس انا خفت ورفعت رجلي ... اما الحين اكثر شيء اجيبه 173 كلم .فقط ...
وبخصوص الاصوات المزعجة عندك الياريس انا مجربها مع ان مقاس الكفرات واحده الا ان السيارة هادئة من الداخل في الشوارع الخشنة ...
ولكن هل من الممكن يكون الموديل القديم اقوى من الجديد ؟؟ لانه الفرق كبير بين اللي تقوله وبين اللي اشوفه في سيارتي .....

واطلب منك ممكن تشرح لي الطريقة اللي مرنت فيها السيارة؟؟؟
بالنسبة لي اول 1500كلم ما كنت اشغل المكيف وكمان بالنسبة للسرعة ماجبت اكثر من 80كلم ...
والبنزين ما عمري خليتها تنزل عن الربع ....

بيجو الأناقة الفرنسية @user_25185 · 29-07-2007

مشكور أخ عمر على طرحك لتجربتك مع السيارة

ورأي أن السيارة مشاء الله ماخربت

إلا أشياء استهلاكية مثل الأقمشة والسيور والكلتش

هذي أشياء استهلاكية لابد من تغييرها بعد كل فترة

والخلل ممكن في علبة الأشارات وعوامة البنزين

هذي نقدر نقول عليها خراب

واختلف معاك في الرساوة السيارة جد جدا راسية

مقارنة بحجمها ومن ناحية أنه مايمديك تعدل عليها سستم

واحد من الشباب أعرفة شايل المقاعد اللي ورى ومخليها

كلها أوفرات وسماعات

وصوت الضجيج الخارجي شيء طبيعي بالنسبة لسيارة

بحجمها صغيرة وبسعرها يعني بالله بالسعر هذا تبغى الشركة

تحط طبقات عدة لكتم الضجيج أما

المحرك فاتفق معاك بأن صوته عالي جدا

وبالنسبة لعزم السيارة اختلف معاك فيه بالنسبة على أنه

صغير إلا أن أدائه جيد جدا واستجابتها جيده جدا

ومن ناحية المطارحات الكورلا والأيكو والأكسنت والصني

هذي أنا مجرب معاها والله ماتقوم علي والمطارحات تعتمد

على حاجتين السواق و على تمرينك للسيارة على الدعس

إذا أنت ما مرنت السيارة على الدعس فثق تماما أنك إذا جيت

تبغاها تدعس راح تخذلك

وأنا ترى ماني قاعد أقول كلام من الهوا

أنا عندي 206 أقل نوع قير عادي موديل 2000

والسيارة مشاء الله تبارك الله ماشية 204000

وماشية زي الطيبين

وفي حاجة اذا كنت تغير من الخامس للثالث واستجابتها

سيئة زي ما تقول معناته أنو في سيارتك حاجة لأني عكسك

وسؤال لك كم أكثرسرعة قد مشت سيارتك في خط مستوي

وهل قد جبت طبلونها ( تقدر تمشي السيارة 200 في طريق جدة مكة)؟

واتفق معاك في أنة الميكانيكيين أول مايشوفو سيارة أوربية كأنه شاف جني

وترى قطع غيار السيارة ترى مرة مرة معقولة أخوي معاه تيرسل

علبة الدركسون التحتانية 2700 ريال وأنا عندي 1250 ريال

والثاني معاه مكسيما والله القطع غالية والهوندا مرة غالية

خوي غير الرديتر حق الأكورد2005الله يرحمة ب3000 ريال

و المشكلة أنه الناس لما تجي تقارن قطع الغيار تقارن لك تجاري

مع أصلي الوكالة لأنه في تجاري وفي أصلي وفي وكالة

واخيرا آسف على الإطالة وشكرا

abo sirag @user_40021 صاحب الموضوع · 28-07-2007

مشكور اخوي omar والاخ ابو نايف 2007 على الردود وان شاء الله ياريت من الاخوان
التكرم بالرد ... وابداء رايكم باسعار قطع غيار البيجو ؟؟؟ هل هي غالية مقارنة بالهوندا والنيسان ؟؟؟؟

# OMAR # @user_7317 Banned · 26-07-2007

مشكور اخوي على تفاعلك وردك ..
ولكن صدقني مافي احد يشتري سيارة اوروبية يتوقع انه راح يقدر يصلحها برا الوكالة ..
غير ورش الوكالة ماتنفع ابدا .. كثير ناس دفعوا مبالغ كبيرة من اعطال صغيرة والسبب ان الورش اللي برا الوكالة مايعرفون للسيارة ..

يعطيك العافية عالتجربة واتمنى باقي الاعضاء يقتدون فيك ونشوف مزيد من التجارب مثل هالتجربة ..

أبو نايف 2007 @user_32612 · 26-07-2007

شكرا اخوي عمر 206 على طرحك الموضوع

كتابة تقرير عن سيارة بعد استخدامها ل5 سنوات يفيد في كشف عيوب ومزايا السيارة ويعطي صورة واضحة للمقبلين على شراء هذه السياره

تقبل مروري

abo sirag @user_40021 صاحب الموضوع · 24-07-2007

s

saymyname ss

صديق لي استأجر هالسيارة وجربتها وبصراحة السيارة ماتقول انها بمستوى الكورولا او حتى الاكسنت ، السيارة من داخل تحسسك انك بسيارة اوروبية فخمة لان العدادت برتقالية ومقاعدها مثل البولو والقولف وبهامزاية جميلة اخرى غير متوفرة بالسيارات اليابانية او حتى الامريكية وبنظري من داخل افضل من الكامري ومثيلاتها...

عيبها المحرك ضعيف جدا وصوت المحرك عندك بالسيارة لكن بالمقابل عجبني فيها استجابتها السريعة على الرغم من ضعف المحرك...

على فكرة فيها عيب غريب جدا ! السويتش حق الكبوت قعدت ساعة ادور عليه لين حصلته ومكانه مو واضح ابدا !!

كلامك صحيح اخوي /
الطبلون وعداد السرعة لونه برتقالي .. تحس كأنك راكب بي ام ...
ايضا عند الجلوس في مقعد السائق تحس كانك راكب مازدا 6 يعني رياضية .. على عكس الكورولا كانك راكب فووق وماسك الدركسون تحت كانك بتسوق تريلا ...
وايضا شاشة المعلومات بامكانك تغير اللغة (الاسبانية .. البرتغالية.. الفرنسية .. الالمانية .. الايطالية ) وايضا سوف يقوم الكمبيوتر بتنبيهك على شكل رساله . بان الباب الامامي اليسار او اليمين مفتوح .... بغض النظر يوجد حساس للمطر
كلما زادت شدة المطر تزداد سرعة مساحات الزجاج ... والانوار الامامية اذا كان الطريق مظلم فان الانوار العالية تقوم بالتشغيل تلقائيا .. ويوجد ايضا برنامج للرحلات والسفر .. يقوم الكمبيوتر باظهار نمط قيادتك للسيارة
كل عشرة دقائق .. ومعدل استهلاك الوقود ... وعدد الكيلوا مترات التي يمكن قطعها بكمية الوقود الحالية ...
ولكنها فقط في المواصفات الاوروبية ... وايضا متوفرة في البيجو 307 ...
ولكن اختلف معاك انه استجابة المحرك سريعة لانها 12 صمام ... اما الكورولا 16 صمام ...

saymyname @user_11518 · 24-07-2007

صديق لي استأجر هالسيارة وجربتها وبصراحة السيارة ماتقول انها بمستوى الكورولا او حتى الاكسنت ، السيارة من داخل تحسسك انك بسيارة اوروبية فخمة لان العدادت برتقالية ومقاعدها مثل البولو والقولف وبهامزاية جميلة اخرى غير متوفرة بالسيارات اليابانية او حتى الامريكية وبنظري من داخل افضل من الكامري ومثيلاتها...

عيبها المحرك ضعيف جدا وصوت المحرك عندك بالسيارة لكن بالمقابل عجبني فيها استجابتها السريعة على الرغم من ضعف المحرك...

على فكرة فيها عيب غريب جدا ! السويتش حق الكبوت قعدت ساعة ادور عليه لين حصلته ومكانه مو واضح ابدا !!

abo sirag @user_40021 صاحب الموضوع · 24-07-2007

#

# OMAR #

افهم من كلامك ان السيارة موب عاجبتك مرة ..
الصراحة احب اسمع عن سيارات بيجو لانها معجبتني بس سمعتها تخوف ..
ولكن في شي غريب اخوي .. انك كريم جدا بتغيير الزيت ولكنك تبخل بتغيير فلتر الزيت ..
يعني تغيير الزيت كل 3 الاف كيلو ماله داعي .. اغلب الشركات تقول ان تغيير الزيت مع الفلتر يكون كل 5 الاف ..
ولكن تغيير الفلتر كل 15 الاف كيلو ؟؟
السيارات اللي ببيتنا ساب وفولفو تربو اثنينهم فكل اللي اعرفه اني اغير كل 10 الاف زيت (موبيل ون) مع الفلتر ..
ولكني اروح مع كثير من الشباب عندهم سيارات يابانية مثل هوندا او تويوتا او لكزس وهالنوعية من السيارات تحتاج تغيير زيت كل خمس الاف .. وانا دايم اصر عليهم انهم يودون سياراتهم الوكالة اضمن من غش المحطات .. وكل الوكالات تغير الفلتر كل خمس الاف مع الزيت ..
وعلى فكرة وكالة هوندا وتويوتا تغير الزيت ارخص من المحطات .. واذا لقيت فرق لصالح المحطات تلقاه خمسة او عشرة ريال بالكثير ..

شي ثاني اخوي ودي اسألك اياه ..
كم متوسط دخولها للورشة ؟؟ يعني كم متوسط الوقت بين كل خراب والثاني ؟؟ ست شهور .. سنة ؟؟
وايش اهم الخرابات اللي مرت عليك ؟؟ وكم دفعت تقريبا بتصليحات السيارة غير القطع الاستهلاكية والصيانة ؟؟

وشاكر لك على نقل هالتجربة ..

اخوي omar أنا ما اقول لك إن السيارة مو عاجبتني ... ولكن المشكلة انه لا يوجد لدينا الفنيين يعرفوا لهذه النوع من السيارات ... وبخصوص الزيت بإمكاني أغيره مع الفلتر كل 5 آلاف كيلو ولكن أغيره كل 3 آلاف لأنه منها يفحصون عندي ماء الرديتر وزيت الدر كسون وزيت الفرامل...الخ... ويعبوه لي من عندهم ...سبحان الله ممكن تنقص مويه الرديتر وأنا على غفلة وانتظر لما الـ 5 آلاف كيلو ممكن تسخن علي السيارة ويحدث ما لاتحمد عقباه... وبالنسبة لقطع غيار السيارة أنا أشوفها متوسطة .. ولكن المشكلة في شغل اليد حق الميكانيكيين مبالغ فيها ...مثلا .. لما جيت أغير صحن الكلتش .. رحت لواحد متخصص في البيجو قال لي شغل اليد 600 ريال فقط ... مع العلم بان السعر الطبيعي المفروض مابين 250 إلى 350 ريال .. وفي الأخير غيرته عند واحد صاحب أبوي واخذ 150 ريال شغل اليد ....

وأيضا بخصوص إدخالها للورشة ..اعتقد انه الواحد لما يحافظ على سيارته ايش دعوه يودية للورش ... أما لو كان قصدك عشان افحصه هذا له قصة طويلة معاي ... خلاصتها لو ما عرفوا المشكلة طبعا بعد ما يقول لك غير هذا وغير هذا ... إما يقول لك أنت موسوس .. او انتظر لما يظهر الخلل بشكل واضح بعدين جيبها عندنا ...

على فكرة أنا لو وديت سيارتي للميكانيكي ... بيقول لااااااااااا .. كأنه شاف جني ... راح يقول لك جيب ياباني جيب كوري جيب أمريكي .. بس أوروبي ما اعرف ...:confused: :confused:

RR1000 @user_16244 · 24-07-2007

عمر 206 تعجبني صراحتك.... عموما احس استخدامك جدا ممتاز بس بالنسبة للزيت زي ما قال اخوي Omar طريقتك غريبه نوعا ما ... يعني انا مثلا كل 4000 او 5000 اغير الزيت مع الفلتر وفلتر الهواءكل 10000 او 20000 بالكثير... بس بصراحة الـ 206 افضل عندي من سيارتي الـ 407 من ناحية قلة الأعطال... واهمها القير إللي تقول فيه جني مرة تمام وتبديلات مريحة ومرة يخرعك...:mad:

# OMAR # @user_7317 Banned · 24-07-2007

افهم من كلامك ان السيارة موب عاجبتك مرة ..
الصراحة احب اسمع عن سيارات بيجو لانها معجبتني بس سمعتها تخوف ..
ولكن في شي غريب اخوي .. انك كريم جدا بتغيير الزيت ولكنك تبخل بتغيير فلتر الزيت ..
يعني تغيير الزيت كل 3 الاف كيلو ماله داعي .. اغلب الشركات تقول ان تغيير الزيت مع الفلتر يكون كل 5 الاف ..
ولكن تغيير الفلتر كل 15 الاف كيلو ؟؟
السيارات اللي ببيتنا ساب وفولفو تربو اثنينهم فكل اللي اعرفه اني اغير كل 10 الاف زيت (موبيل ون) مع الفلتر ..
ولكني اروح مع كثير من الشباب عندهم سيارات يابانية مثل هوندا او تويوتا او لكزس وهالنوعية من السيارات تحتاج تغيير زيت كل خمس الاف .. وانا دايم اصر عليهم انهم يودون سياراتهم الوكالة اضمن من غش المحطات .. وكل الوكالات تغير الفلتر كل خمس الاف مع الزيت ..
وعلى فكرة وكالة هوندا وتويوتا تغير الزيت ارخص من المحطات .. واذا لقيت فرق لصالح المحطات تلقاه خمسة او عشرة ريال بالكثير ..

شي ثاني اخوي ودي اسألك اياه ..
كم متوسط دخولها للورشة ؟؟ يعني كم متوسط الوقت بين كل خراب والثاني ؟؟ ست شهور .. سنة ؟؟
وايش اهم الخرابات اللي مرت عليك ؟؟ وكم دفعت تقريبا بتصليحات السيارة غير القطع الاستهلاكية والصيانة ؟؟

وشاكر لك على نقل هالتجربة ..

abo sirag @user_40021 صاحب الموضوع · 24-07-2007

B

BMW_FaN

اهلا اخي
صراحه استعمالك للسيارة ممتاز فأنت محافظ عليها و استغرب من الاعطال اللي ذكرتها
عموما

البيجو مايستحمل الاجواء عندنا

و صاحبي كان عنده بيجو بس فئه اكبر و ما اذكر شو كان اسمها
بس كانت كثيرة الاعطال لدرجة انه يوميا يروح الصناعية
الحراره ما رحمته مع انه غير الراديتر و بعد 400 كيلو استخدام ردة الحراره ترتفع !!!!!
اعطالها غريبه و عجيبه و تصليحها كان مكلف فباعها و ارتاح منها

في النهاية

جيد ان البيجو كمل معاك 5 سنوات

مشكوور اخوي على المرور ... على فكرة عداد السيارة الى الان 86324 كيلو .....

BMW_FaN @user_50454 · 24-07-2007

اهلا اخي
صراحه استعمالك للسيارة ممتاز فأنت محافظ عليها و استغرب من الاعطال اللي ذكرتها
عموما

البيجو مايستحمل الاجواء عندنا

و صاحبي كان عنده بيجو بس فئه اكبر و ما اذكر شو كان اسمها
بس كانت كثيرة الاعطال لدرجة انه يوميا يروح الصناعية
الحراره ما رحمته مع انه غير الراديتر و بعد 400 كيلو استخدام ردة الحراره ترتفع !!!!!
اعطالها غريبه و عجيبه و تصليحها كان مكلف فباعها و ارتاح منها

في النهاية

جيد ان البيجو كمل معاك 5 سنوات