صباح الخير ياشبيبه
تصدقو ياشباب اني متابع للمنتدى من اربع سنوات وتوني اسجل اليوم
كنت اقرا فقط لكن اليوم عزمت وسجلت والحمدلله على كل حال
المهم........
انا ياشباب عاجبني الكابرس مره سواء الجديد او القديم , وقلت ودي اجربه ورحت للجميح الي في الدمام طريق الكباري وطلبت من الموظف تست درايف والصراحه ان تعامله معي كان جدا راقي ومحترم, المهم ان السياراه التي جربتها كانت ال تي زد سته سرندل اللون ابيض
الموتر ماعليه كلام متماسك كانه قطعه وحده في المطبات واريح من الموديل الي قبله ووسيع والمكيف ممتاز جدا مع ان السياراه واقفه بالشمس من الصبح والتجربه كانت بعد صلاة العصر يعني الجو لسا حار , صراحة السياراه دخلت مزاجي بقوه .
والي احلى بعد ان سعرها نزل واجد 98000 ريال بعد ماكانت ب 114000 والسبب انه 2008 على وشك ينزل
لكن ياشباب لاحظت شغله في الكابرس مادري هل هي عيب والا انا غلطان
الي هي ان الدركسون ثقيل شوي يعني يتعب شوي السواقه ماهو زي الماركيز
ماادري اذا هو عيب والا تشوفون انه عادي
وهذا كل الي عندي واتمنى منكم انكم تردون على موضوعي لانه اول موضوع لي
يعني ترفعو معنوياتي شوي ويعطيكم الف عافيه
اخوكم ترنيدو
