ميركوري قراند ماركيز استخدام نظيف و شبه جديد ، وش رايكم فيها ؟

أ بـو بـد ر @user_52547 · 12-08-2007

السلام عليكم

أفكر أشتري ميركوري قراند ماركيز استخدام نظيف و شبه جديد .. يعني مثلا موديل 2005 و فوق .

أتوقع ألقى 2005 نظيفة بحول الخمسين ألف ريال إلى الخمسة و خمسين .

فما أدري وش رايكم في السيارة ؟

بالنسبة لي ما لي أي خلق أروح للورش و لو لأبسط شي .. فهل هذي السيارة راح تجملني ؟

و وش رايكم في فخامتها و رفاهيتها ؟ هل هي فعلا على الصورة اللي نعرفها عن السيارات الأمريكية الكلاسيكية ؟

تعرفون الفورد كان له سمعة زمان غير جيدة .. لكن ما شاء الله مع انتشار سيارتها و كثرة مشترينها خصوصا في الأربع سنوات الأخيرة يدل على إن الجودة ارتفعت و السمعة السيئة بدأت تتبخر .

يا ليت استمع لنصائحكم المفيدة ..

ملك الماركيز @user_30609 · 23-08-2007

معي 98 وماشاء الله ماقد فتحت الكبوت حقه إلا في غيار الزيت
ومع اني داعس له ومعطيه من الخير ولا قال اح
تحسه يقول عطني اعطيك
وسعره ارتفع شوي واغتنم مواسم التخفيضات
الحين ملاحظ انه زاد على اسعاره حول 4000 ريال او اكثر

أ بـو بـد ر @user_52547 صاحب الموضوع · 23-08-2007

السلام عليكم

مشكورين يا الطيبين و ما قصرتوا في المشورة .

أخوي فيصل بن محمد ، أعتذر عن التأخر ، أنا قرأت ردك ، لكن كنت مستعجل و ما أستطعت الرد و انشغلت بعدها .

____________________
المشكلة إن فيني صفة التردد بشكل مبالغ فيه .. مرة أبي سيارة كلاسيكية و مجربة و مرفهة مثل الجراند ماركيز و الفيكتوريا .. و مرة أبي سيارة شكل جديد مثل اللومينا أو الكابريس .. و مرة أقول خلني أجدد سيارتي الكامري 2003 و بلا صرف فلوس .

يعني التردد المبالغ فيه صفة سيئة ، الله يبعدها عنكم ..

الله ييسر لي و لكم ..

المارودر 2004 @user_47732 · 15-08-2007

هلا فيك ابو بدر

وعرفت تختار موتر
طبعا السياره غنيه عن التعريف
وبالنسبه للسعر بحدود 50.000 المبلغ هذا يجيب لك 2003 نص فل
طبعا الاسعر مولعه نااار 2005 لقيته ب 60.000ريال

كامري الشيوخ @user_28957 · 15-08-2007

كان معي ماركيز 98 و99 ووحاليا معاي 2006 صراحه مواتر ماعليها كلام

سيارة تضعها على يمناك تتحمل واقتصادية خصوصا الشكل الجديد فخامة مابعدها

فخامة

طاوي الخطوط @user_44551 · 15-08-2007

الجراند مركيز سيارة بكل معنى الكلمة
ولكن ....
لابد ان تحافظ عليها وتستخدمها استخدام محافظ ولاتعطيها احد يسوقها غيرك
وصدقني افضل سيارة تمر علي لحد الان

King Marauder @user_31160 · 14-08-2007

الماركيز سيارة ما عليها كلام أبداً والأغلب إنك راح تحصلها بحدود بـ 63 ألف تقريباً فل كامل 2005

لكن نصيحتي لك خذ لك كراون فكتوريا سبورت قير أرضي وإذا كنت ما تحب السيارات الرياضية البحته فالفكتوريا سبورت شكلها الخارجي رياضي وشكلها الداخلي فخم جداً فهي تجمع الشكل الرياضي والشكل الفخم

وإذا فكرت بالفكتوريا فالأخ فيصل بن محمد يبي يبيع موتره .. وموتره ما شاء الله نظيييف جداً وسعودي وخالي من الصدمات والمشاكل موديله 2005 فل كامل

وإنت شوف الي تعجبك فكتوريا أم ماركيز :)

وبخدمتك يالغالي ....

بالتوفيق

GTA_IV @user_21800 ROCKSTAR · 14-08-2007

اذا خذيت الفورد منتب خسران إن شاء الله|1|

سياره جمييييييييييله ومريحه

بالتووفيق

فيصل بن محمد @user_24620 · 12-08-2007

اجابه مختصره جدا

الميركوري من افضل السيارات الامريكيه وانتشارها دليل على جودتها

فهي مريحه وواسعه ومشاكلها قليله خاصه اذا كان استخدامك للسياره جيد

الله يوفقك بالسياره النظيفه بس اهم شي تكون نظيفه مره

والله الموفق