بالنسبه للسفاري1 قير عادي سعره 117000 ريال من الوكالة والتماتيك (التيبترونيك) سعره 122000 ريال
و السفاري2 سعره للقير العادي 127000 ريال والتماتيك سعره 132000 ريال
والسوبر سفاري الفل اوبشن العادي سعره 154000 ريال والتماتيك سعره 159000 ريال
وانا اقول لك من وجهة نظري انه اقوى جيب عزم وتحمل موجود في الساحه بلا منازع وسعره معقول جدا. انا شخصيا افضل السفاري2 حيث انّه فخم من الداخل ولا يفرق عن السوبر سفاري إلا ب
1- الفتحة
2- الزينون
3- الدف لوك (اعتقد في الباترول ما تحتاجه)
4- كشافات الضباب
5- الوسائد الهوائيه الجانبية وليس الأماميه
6- اسيات متحركة كهربائيا
مواصفات السفاري2
1- مسجل سي دي وكسيت وست سماعات
2- تخشيبة
3- مثبت سرعة + تحكم في المسجل من الدركسون
4- عدادات برتقاليه جميله زي الفل اوبشن
5- وسادتين هوائيتين للسائق والراكب الأمامي
6- ريموت كنترول مدمج في مفتاح الموتر
هذا اللي اذكر لكن صراحة هذه المواصفات مع مكينة الفتك الخرافيّه و بسعر 127000 للقير العادي و132000 للتماتيك مغري جدا . بالنسبة للشكل على كلام الموظف يقول مافيه تغيير إلا في 2010 إن شاء الله
مشكور على هالمعلومات القيمه اخوي ..
عندي تعديل بسيط على كلامك :
السوبر سفاري يفرق عن السفاري 2 بـ ( المواصفات الموجوده بالسوبر سفاري ) :
1- الفتحة
2- الزينون ( عالي وواطي )
3- الدف لوك
4- كشافات الضباب
5- الوسائد الهوائيه الجانبية وليس الأماميه
6- اسيات ( المراتب الأماميه ) متحركة كهربائيا
7- البوصله
8- مراتب جلد ( ومتوفره مخمل )
9- الطبلون ليزر برتقالي ومتوفر بالسوبر سفاري فقط على حسب علمي والسفاري طبلونه برتقالي عادي
تحياتي
