بأشتري مورانو مستخدم -- أبي رايكم

ولا كثير ولا شي
بعدين النيسان يمشي 400 الف بالراحة وبدون مشاكل بالمكينة او القير او الدفرنشات

ممكن الرجال مطلعه من شهر 9 عام 2005 وبالتالي صار له سنتين مو سنه واحدة
تحروا قبل لا تتكلموا

وبالنسبة للاخ فاقول لك اول شيك تاريخه بالوكالة ولا تشتريه حتى تفحصه بالوكالة وخصوصا القير
لانه من تقنية جديدة علينا واذا كان فيه مشاكل لا سمح الله فمافيه احد يصلحه الا الوكالة وهم معروفين بحدة سكاكسنهم ;)

وجعله مركوب العافية ان شاء الله

والله المـــوتر ماشــي كثــير بالنســبه 2006
بــس أنــت أفحصــها كبيوتــر وشف هل هي تستـــاهل ولا لا

السلام عليكم

السيارة ممتازة وسعرها ممتاز جداً جداً

واذا كان المشي الكثير بسبب الخطوط فهذا ما يأثر بالسيارة

انصحك بالاستخارة وافحص الموتر والله يوفقك

ومبروك مقدماً

يعني أتوكل على الله


وأشتريه لأني لازم أعطي الرجال خبر هاليومين



وصراحة داخل مزاجي الجيب





Mohammed07

مشكووووووووور

90 ألف !!!!
وين يداوم هذا

المورانو ما عليها كلام

ومن ناحية التطعيس ياخوي دخلنا الطعوس على مكسيما موديل 2003 وكرفناها كرف اليهود

ولاحراره ولابطيخ

اجل وشلون الموارنو ؟؟؟ ما اعتقد ان حرارتها تقوم الا اذا كان فيها خلل في المراوح او الراديتر

وفي النهايه

الله يوفقك

مين قال ترتفع حرارته عند ١٦٠
ياحبيب انا امش عليه ٢٠٠ علي خط الكليه وما ترتفع

المكينه ما يحتاج ممتازه و سعره معقول انا حقي الحين ماشي ٦٧ الف و موديل ٢٠٠٦
بس بنسبه للطعوس انا ما جربت لكن علي كلام واحد كان معه مورانو يقول تمام

وشكرا

من أهم الأشياء عندي


هل سعره زين ولا لا والشي الثاني هل أ؛د يشكي منّه من ناحية خرابات في المكينه أو القير أ, أي شيء

وهل المورانو بيعيش 5 سنوات لو كان استخدامه نظيف


تكفون ياشباب ردو علي قبل ما أتورط

يا أخوي، هذه السيارة أصلاً ماهيب حقت طعوس، يعني إذا أنت منت راعي طعوس لا تشيل هم الحرارة في التطعيس. أما إذا ناوي تدخل فيها الرمال لا تاخذها أبداً، ترى ما تجمل معك أبد، خصوصاً مع القير الأوتوماتيك من نوع CVT، فهذا النوع ممتاز في التسارع والشوارع، لكن إذا جيت في الرمال رح تحس إنك راكب كورولا من كثر ما يطيح العزم.
لكن الموضوع الثاني، وهي سرعة 160، فهذه لابد تتأكد منها. أنا شخصياً ما جربت السيارة. أعرف إنها ممتازة كسيارة، لكن ليس كجيب.

أخوي كامري


الرجال راعي سفريات بس

يعني السيارة يحافظ عليها


بالعربي من البيت للدوام


حتى البر ما قد طبّه

انا ماعرف السيارة ولا اعرف احد معه مثلها لكن موديل 2006 وقاطع 90 الف كثيررررررررة

الموتر ماشيء واجد 90 الف بسنه وحده :eek: وينه رايح ذا للقمر

90 الف ! وموديل 2006 واجد

السيارة جميلة جدا لكن مو كأنها ماشية زيادة شوي

انا سمعت كلام مثل ما قال البنشري انها بالطرق الوعرة المكينة تحمى للاخر

طبعا بالنهاية انت استخير

واذا تعرف راعيها زين وقالت ما فيها مشاكل توكل على الله

سألت واحد معه


مورانو من سنتين


يقول انه موتر بطران


ولا فيه ولا عله


بس يقول انتبه تراه دلوع


اما في الطعوس مافيه مشاكل عند خوينا


لا وبعد احسن من الباثفايندر في الطعس


لكن انا محتار الى الحين

لاني اذا اخذته ماني بايعه قبل

5 سنوات وخوفي اتدبس فيه 5 سنوات