أيهم أفضل الأهلي أو الراجحي في نظام التأجير ??????

الفرق بين التأجير الموعود بالتمليك بين البنكين هو:
البنك الأهلي:
1- الرسوم الإدارية 3600 ريال
2- توجد دفعة أخيرة
مصرف الراجحي:
1- الرسوم الإدارية 2500 ريال
2- لا توجد دفعة أخير

بالإضافة أن الدفة الأولى والأخيرة تختلف من وكالة إلى أخرى

وانا كذلك :D

بعد اذن كاتب الموضوع

ممكن يا اخوي تفيدنا عن هذه الطريقة
لان ان شاء الله ناوي اشتري بس ما معي كاش

انا ماخذ من الراجحي سيارتي السوناتا ودفعت دفعة أولى 27250 ومع الرسوم الادارية الاجمالي 30000 الف ريال وطلع علي إجمالي السيارة 81000 الف ريال والقسط 912 ريال على خمس سنوات طبعاً نزلوا لي في النسبة لأن راتبي عليهم

يعطيكم العافيه يا إخوان على تجاوبكم معنا

وأنا نصحته بالراجحي لأنه ما يأخذ دفعه أخيره

المشكله إن أخونا عنده قرض من بنك غير الراجحي وباقي عليه سنه ويخلصه وما يقدر يأخذ قرض من الراجحي حتى يسدد الاول
عشان كذا هو أضطر لي نظام التأجير



يعطيك العافيه
حاولت أرسل لك ولكن هناك مشكله ما تصل الرسائل لك
ياليت لو ترسل إلي عندك نكون شاكرين لك

مع إني ما أتوقع في هالبلد في نسبه أقل من البنوك بنظام التأجير
كلهم شغالين سلخ في هالمواطن تقول كأن كل مواطن عنده بئر نفط في حوش البيت :)
الله المستعان

هلا أخوي
مثل مقال أخوي ابو أسد
خذها اقصاد افضل لك والسبب مثل مقال أخوي ابو اسد
ان نسبة الفايدة اقل
ــــــــــ ـــــــــــــــــــــــ ـــــــــــــ
وبنسبة لخوي captin999
البنك الاسلامي والمعروف هو الراجحي



أخوكم
S O S O 2 0 0 4

ابحث عن البنك الذي تعامله اسلامي 100%

شوف أنا بصراحة ما أنصح بنظام التأجير

بس أن كان ملزم ياخذ من الراجحي لأن حسب كلام واحد ثقة أي نظام تأجير فيه دفعة أخيرة حرام!!! والأهلي يفعل ذلك الشيء

وغير كذا كل الأثنين يحط نفس النسبة
لكن لو تحسبها راح تلقى الأهلي أكثر فايدة!!!
والسبب لأنه حاط عليك دفعة أخيرة أجبارية حتى ولو خلاها مثل القسط راح تلقى نسبة الفايدة أكبر بكثير

ونصيحتي ياخذها عن طريق الراجحي

كلهم نسبتهم 9.25%
بينما لو كان ينزل راتبه على الراجحي يصير نسبته 8.25%

بس نصيحة التقسيط أفضل بكثير حيث النسبة 4.85% والسيارة بأسمك صح أنها مو مأمنة بس أنت سو لها تأمين أصرف لك من نظام التأجير لأن لو صار حادث ولا مشكلة راح تتمرمط مرمطة ما بعدها

لذالك أنصحه أولا وأخيرا بنظام التقسيط ولا يبعد عنه وأحلى شيء لو يحط عليها دفعة قوية علشان اقل للفايدة لأن الفايدة في الراجحي تأخذ من متبقي قيمة السيارة عكس الأهلي!!

وكلهم في السوء سواء
البنكين نسبهم بالفائدة خياليه وغير معقوله
وانصحك بعدم اللجوء لاي منهما
واذا اردت نسبة فائدة معقوله والاقل بالمملكة تقارب نصف نسبة فائدة الاهلي والراجحي
ارسل لي على الخاص بسبب عدم الدعايه وحاظر لك بالخدمه

تحياتي

أتوقع الراجحي أفضل

ما يأخذون دفعه أخيره

شروطهم ميسره ماهي معقده مثل الاهلي

وما يطلبون تحويل راتب لأن هذا نظام تأجير والسياره بأسم البنك يعني ضامن حقه

هذا غير إن عندهم رقم مجاني 24 ساعه شغالين في حالة إن صارت لك مشكله إذا السياره من عندهم شاريها هذا الرقم مثلا إذا خربت السياره يرسل لك سطحه

8008973918

واحد من اصحابي قبل 5 ايام كان ناوي يطلع الاف جيه كروزر ... سعرها 100000 ريال كاش ولما قابل

مندوب الاهلي قال له الدفعة الاولي 23000 ..والدفعة الاخيرة ما ادري كم.. والاقساط على خمسة سنوات

بمعدل 1585 ريال ...والاجمالي 139000 ريال تقريبا ...

اما الراجحي يا خدون نسبة اقل بس شروطهم كثيرة وصعبة .. منها انه راتبك ينزل على البنك ...

وهدا كل اللي اعرفه ...