وش رايكم بمرسيدس SLK ؟

fR00r @user_20161 · 16-09-2007

مرحبا شباب ..
مبارك عليكم الشهر ..
حبيت آخذ رايكم في الـ SLK من ناحيه الأداء و الخرابات ، لأنها الصراحه مرررره خشت مزاجي و افكر اشتري وحده ..
لكن المشكله سعرها غالي شوي و اخاف اتندم بعد ما اشتريها (203000 للسته سلندر SLK280) غير الـ16000 ثمن الشاشه ..
فهل تنصحوني فيها ولا اشوف شي غيرها ؟
المرشح الثاني هي لكسز GS300 ..
و شكرا ..

C A D I L L A C @user_3378 · 17-09-2007

فكرت بأودي T T ?

BMW Z4

عندك هوندا S2000 قويه جدا و سعرها 120 الف درهم بس

او نيسان 350Z
بورش بوكستر المحرك 2.7
كايمن 2.7 ايضا
متسبيشي ايفلويوشن

جميع السيارات المذكوره بسعر او اقل من سعر ال SLK

فليش ما فكرت بها الخيارات كلها و توجهت لل SLK الي سعرها جدا غالي بالنسبه لمحركها و مواصفاتها .؟ ؟

fR00r @user_20161 صاحب الموضوع · 17-09-2007

والله اكثر من واحد يقولي نفس الكلام ..
سته سلندر بـ٢٠٣٠٠٠ مره كثير ...
والله البي ام ممتازه لكن غاليه الصراحه على مستعمل ٢٢٠ ..
على العموم مشكور على ردك و ننتظر المزيد من الآراء :D

كامري @user_798 · 16-09-2007

تقصد هذي ... سته سلندر وسعرها 203 والله سعرها غالي عشانها مرسيدس ولا لو ماركه ثانيه تحصلها بااقل من 150 الف

اخوي انا قبل فتره تقريبا الشهرين حصلت في المعارض بي ام الفئه السادسه مستعمله استعمال خفيف جدا ماشيه تقريبا 30 الف زي الي بالصوره حصلتها تقريبا ب 220 الف ريال ماادري هل هي الحد او السومه لكن اعتقد انها الحد ويكفيك اخوي شكلها وقوتها v8 بقوه 360 حصان الماني (( حصان الماني حطها بين قوسين ))

اصرفلك بالف مره من القبصه ذي (( القبصه يعني الصغيره :D )) الي ماتركب الا 2 ومكينه ماتقارن بالوحش هذا

بالنسبه لخيارك

دامك وصلت 200 الف تقدر تجيب GS430 بالراحه

لكن اذا بغيت كوبيه ترا تحصل بالمعارض مستعملات استعمال خفيف ونظيفات مره وطايحه بنصف القيمه

تحياتي