عندك سياره من شركة جيب؟ عندك مشاكل او استفسارات؟ تفضل بالدخول نجيب عن اسئلتك

مرحبا

شباب انا ودي بالجيب الشروكي بس مستغرب لقيت بالوكالة واحد 4×4
وواحد ليمتد وش رايكم انتم وش الفرق احس اللمتد شكله احسن
بس احب ابين شغله انا ودي بواحد لكن انا مانيب راعي طعوس وخطوط
فـ في شئ ممكن اقولهم عليه او نوع معين ينفع لي ؟ او يخفض من سعر الموتر
مع ان ما عندي مشكلة بالسعر لاني بدفع مقدما 35 - 50 الف
الموتر عاجبني وسواقتي رايقه أي نصايح تقدمونها لما اجي اخذه؟
لاني ما فهم بولا شي اول مره اطق موتر زين

جزاك الله ألف خير ما قصرت يالطيب:xyxwave:

ياعيني عليك ياخوي يا كائن حي

كفيت ووفيت ومثل ماقلت انت الظاهر المفروض انه يكون ديفيدي الخرايط موجود وشكلي بضطر اني اطلبه مستخدم من امريكا بس عشان الاعدادات وبعض المميزات الثانيه اللي بالنفيجيشن

وبالنسبة للامور الاخرى تسلم وماقصرت.. بس إذا تعرفون لنا مركز صيانة افضل من الوكالة بالشرقية الله يجزاكم خير لا تبخلون علينا

مرحبا..

أخوي a_alsaeed الريس مع التشغيل امر طبيعي ، وزين عرفت اليوكونكت لأن مثل ما شفت شرحها بيطول بس لا يهمك حاضرين للطيبين :tongue:، بالنسبة للساعة لازم عن طريق قائمة النافيقيشن ولازم يكون دي في دي الخرايط موجود في المسجل عشان تقدر تفتح القائمة ، طبعاً شوف لك أي دي في دي خرايط أمريكي ، الخطوات كالتالي:
اضغط NAV مرتين
اختر clock setup
بتجيك شاشة فيها displayed clock وفيها خيارين GPS clock أو user-defined clock اختر user-defined clock وضبط الساعة.
انت الظاهر ما شفت اعدادات الساعة لأن الدي في دي مو موجود وما قدرت تفتح اعدادات الجي بي اس.:rolleyes1:

نجي لجرس الحزام:
عندما تكون جميع الابواب مغلقه ومفتاح التشغيل في اي وضع باستثناء وضع التشغيل او البدء قم بربط حزام مقعد السائق

ادر مفتاح التشغيل الى وضع التشغيل لكن لاتقم بتشغيل المحرك انتظر حتى ينطفئ ضوء التذكير بربط حزام المقعد ثم انتقل الى الخطوه التاليه

في اقل من 60 ثانيه من اداره مفتاح التشغيل الى وضع التشغيل قم بفك حزام مقعد السائق ثم اعد تثبيته ثلاث مرات على الاقل في غضون عشر ثوان منتهيا بتثبيت الحزام

ضع مفتاح التشغيل في وضع القفل ستسمع طنينا واحداً عند الانتهاء من البرمجه

وانسى صوت الحزام ، قم باعادة نفس الخطوات لإعادة صوت التنبيه :wink:

ضغط الكفرات ميزة أساسية في السيارة وموجودة في الليميتد بس الاختياري انها تعطيك الأرقام بالضبط والظاهر هذا اللي انت تسأل عنه ،أنا ما عندي خبر إذا تقدر تضيفها أو لا :confused1: بس مادام عندك تنبيه ماله داعي تدفع عشان يعطيك أرقام ، روح أقرب محل زينة سيارات وخذ لك مقياس ضغط وإذا اشتغلت عندك لمبة التنبيه انزل شيك على الكفرات كلها.:smilie16:

السلام عليكم

أنا سيارتي جيب قراند شروكي موديل 2000 سته سلندر عندي مشكله يصرف بنزين زياده مره داخل المدينه بس مع الخط الطويل صرفيته حلوه . وكمان لما ادعس بريك يرج الدركسون .
أمل التكرم وأفادتي مشكوريين .

هلا ياشباب

أخوي كائن حي الحمد لله عرفت كيف اعمل اليوكونيكت بس الساااااعه الله يخليكم اللي يعرف كيفية تعديل الساعة لا يبخل علينا

وأبشركم الطلعة كانت من احسن مايكون والموتر ماشاء الله في البر

لاتبخلون علينا بالرد ياجماعة الله يجزاكم خير

أخوي كائن حي ماقصرت وجعل والديك للجنة يارب
اي والله الهوس زايد... بس عندي سؤال.. انا لما اجي اشغل السيارة تشتغل وتشخر مع التشغيل يعني كأني عاطيها دعسة ريس وحده وينزل على طول .. هل هذا الشي عادي مع الهيمي؟

وبالنسبة للساعة يخوك والله حسب ماقريت انها تضبط بس دورت لين عجزت وماقدرت اطلع المنيو حق الستنق فياريت الله يخليك تعطيني خطواتها ,,, واذا لك خبره كيف اقدر اشبك الجوال مع اليو كونكت ياريت تعطينا الخطوات وسامحنا على كثرة الأسئلة

والله يعييننا ننتظر لين يجينا احد ويفك لنا سالفة النافيجيشن لأن والله حرام الواحد يغير مسجل الوكالة وهو أفضل جهاز ,, أخوي معه موتر مثلي ويقول يبي يغير المسجل ويركب صيني لانه طال انتظاره حسب كلامه بس انا بنتظر..

أخوي بوشافي الله يكثر من أمثالك ويعطيك ألف عافية ويرحم لي والديك ياخوي وان شاء الله بعمل بنصائحك بكره ان شاء الله وانا واثق انه الفعل الصحيح والقيادة المثالية

وتحملوني عاد شوي عندي كم استفسار بعد .....<<<<< تعرفون توني جديد على السيارة ويوم عن يوم اكتشف فيها شي أبي استفسر عنه.

1- هل يوجد طريقة لإلغاء جرس إنذار الحزام؟؟؟؟

2- سيارتي للأسف مافيها خاصية إعطاء ضغط الكفرات ... هل يوجد طريقة لاضافتها او برمجتها؟؟؟

حاظرين للغالين

وكائن حي ماقصر في رده

لاكن بزيد عليه في نصيحه واللي هي

انسى ثم انسى ان السياره فيها دبل ثقيل اذا نزلت بر وحسيت ان السياره تعلقت في الرمل

نزل الهواء الا 10 وراح يطلع معاك انا معي قراند شروكي 2000 v6

ماعمري عشقت الدبل الثقيل الا يمكن مره او مرتين وبالنسبه للصوت عاادي

اساسن الدبل الثقيل مجهز للخروج من الاماكن الوعره جدا واللي تتعلق فيها السياره

يعني ماتمشي فيه ابد حتى لو 10 كلم هذا اذا تبي تحافظ على الدبل

يعني فقط اذا تعلقت السياره في رمل ولافاد الدبل الخفيف ولافاد تنسيم الهواء

وصدقني اذا حافظت على تنسيم الهواء قبل النزول الا الرمل القوي ماراح تحتاج له ابد

اخوي a_alsaeed سيارات الجيب صنعت لتتحمل الاستخدام الشاق ولا تسمع كلام اللي يقول انها ما تتحمل ، انا عندي نفس سياراتك وماعندي أي مشاكل. صح في أشياء تخرب بس كلها أشياء استهلاكية و ما فيه سيارة ما تستهلك قطع.

بالنسبة للخرايط انسى الموضوع حالياً ، كل اللي عندهم سيارات كرايسلر ودودج وجيب موديل 2005 إلى 2007 يدورو الخرايط ومو لاقين الحل وأنا واحد منهم ، أما الساعة فيمكن تعديلها فيه خيار في ضبط الساعة انك تخليها ما تشتغل على الجي بي اس ، شيك عليها وإذا ماعرفتها قول لي أعطيك الخطوات خطوة خطوة.

الصوت التعشيق مع الدبل الثقيل عادي ، ولا تصير هوسي ترى كل ما زاد الهوس زادت الخرابات.

لاهنت يبوشافي يشهد الله انك فرحتني بكلامك

الحمد لله السيارة من احسن مايكون مشيتها وان شاء الله يوم الخميس نجربها بالبر ونعمل بنصائحك لا عدمناها

في عندي تساؤل عن صوت التعشيق مع الدبل الثقيل
اخوي يقول انه هذا من البوشينق وتصليحه بألفين ريال.. مع ان واحد عنده شيروكي قال هذا الصوت عادي بس والله احسه قوي شوي ولا يمكن لاني مو متعود اسمعه؟

يعني لما اعشق الثقيل وامشي وجيت افضي القير وارجع ريوس اول ما اعشق يطلع صوت طقه.. هل هو طبيعي؟؟

أخوي الله يعطيكم العافية على هالموضوع المميز

أنا ولله الحمد توني شاري جراند شيروكي موديل 2005 - هيمي 5.7

انا من المعجبين بالشيروكي واول مره يصير عندي جيب وارجو انك تتحملني على اسئلتي

1- ناس كثير خوفوني من محرك الهيمي ومن استخدامه وقالوا انتبه منه يبغاله عناية ومن هالكلام يعني كأن عندك جهاز بالبيت مفيد بس يخوفونك الناس من استخدامه لانه يخترب.. هل هالكلام صحيح وهل يحتاج الهيمي بالذات الى عناية وأرجو منك تقديم النصائح بالنسبة له؟

2- الموتر وارد امريكا والحمد لله نتائج الكارفاكس لما كان بامريكا جدا ممتازه وأيضاً فحصته بورشة سهم على السستم حقهم حق الشيروكي مع الكمبيوتر وماطلع لي اي خطأ ولا كود سوى كود فصل البطارية في السابق.. كل شي فيه ممتاز ولكن المشكله عندي في شاشة السيارة حيث لايوجد الديفيدي حق الملاحة وبكذا لاملاحة ولاحتى تعديل للساعة الموجودة بالسيارة لانها حسب كلامهم مربوطه بالاقمار حق الجي بي اس.. سؤالي هل فيه طريقة لتشغيل الشاشة قصدي الملاحة مع خرائط الخليج او على الاقل هل يمكن تعديل ساعة السيارة؟؟

3- آخر سؤال الله يجزاك خير.. هل يوجد اي نصائح تنصحني فيها بالنسبة للسيارة يعني كيف اصينها واهتم فيها خصوصا مثل ماقلت لك اني اول مره اقتني جيب .. علماً بأني مو حق تطعيس يعني لو بروح البر بيكون فقط خوض في رمال وطلوع طعس بشكل بسيط وليس قص وقومات ومن هالقبيل يعني تقدر تقول تطعيس عائلي.. فهل من نصائح؟؟ وإذا فيه ورش تنصحني بالتعامل معها علماً بأني من سكان صفوى بالمنطقة الشرقية فياريت أماكن ممتازة ومو ((نصابة)) بالخبر - الدمام - القطيف.. او اي مكان..

أدري اني طولت بس تحملوني عليمي :)

تقبل تحياتي

الله يعطيك الف عافيه اخوي على المداخله بس لو تكرمت ممكن ترسلي رابط الموقع .

جزاك الله خير ماقصرت انت والاخ ابراهيم .

حاظرين لك

بالنسبه للمبه هذي لاتهتم فيها بالنسبه للسيارات الامريكيه

واذا تبي تريح بالك

افتح سوتش السياره على وضع قبل التشغيل مع الضغط على زر تصفير عداد الزيت

وراح تعمل عندك جميع عدادات السياراه وبعدها راح تطلع عندك ارقام اكواد سجلها

ورح في اول ردود في الموضوع هذا للاخ ابراهيم

راح تلقى قائمه في ارقام الاكواد اللي من المحتمل تطلع لك

ومعنى كل كود والمشكله اللي يحتويها

وبالنسبه للوصله حقت العادم اللي تجي تحت واللي تجي مع السيارات الامريكيه انصحك تشيلها



واللي يسأل عن الترهيم انا والله مالي فيه خبره

اخوي الصالحي التعديلات هذي انصحك تسال في موقع تطعيس .

حنا نسال الله السلامه لا تطعيس ولايحزنون وماسلمنا من المشاكل.الله يعينك .

السلام عليكم الظاهر ما حولنا احد يرد علينا ولا بلشنا في مواترنا ؟؟؟

الله يجزاكم خير عزالله افدتني اخوي بوشافي

عندي مشكلة جديدة >> الله يعين مع كحيلان بس والله يستاهل .

طبعا السيارة قراند شيروكي 2005 استخدام امريكي .. فجاه قبل امس شغلت السيارة وولعت علي لمبة تشيك انجن .. فالبداية حسبتها حقت القير بس سالت ميكانيكي قالي هذي تشيك انجن اللي مجننه البشر .

عاد هو يقول ثمانين بالمية هذي من حساسات الشكمان لان السيارة امريكيه .وطبعا قالي لازم فحص كمبيوتر عشان نشوف وش المشكلة.

انا مسوي فحص قبل ثمان شهور قبل مااشتريها وطلع لي لازم تصفيه مكينة .. بس الغريب اللمبة ماولعت الا هالحين لييييش ؟؟؟وهل تتوقعون الحل تصفية مكينة بس ..لان فيه اكثر من ميكانيكي قالي المكينة صافية ومايحتاج .وشرايكم

اخوي ابراهيم
اسعد الله يومك بكل خير
انا عندي مشكله في جيب شروكي سبورت موديل 2001 الحاصل اني رفعت الجيب انت خابر علشان البر بس واجهتني مشكله وعجزت احلها وهي رجه في السيارة بالرغم اني نزلت القير الى الحد الاقصى وغيرت الدفرنسات وغيرت العمود وطولته وكمان غير الجنوط ورجعت جنوطها الاصليه 15 انش الحديد وكل ذالك بدون فائده تذكر هو صحيح خفت بنسبه 50% بس اعتقد مو كفايه لانها تزيد مع السرعات العاليه وتختفي عند سرعه 130 كم .
الله يعطيك العافيه اذا عندك حل اسعفني لاني تعبت وانا اعالج الموضوع .
شاكر ومقدر تعاونك
اخوك ابو راكان .