ساعدوني ياخبراء الجراند ماركيز ولكم الدعاء الصالح

السلام عليكم ورحمة الله وبركاته

اخواني الأعزاء

انا عندي مشكلة بسيارتي الجراند ماكيز موديل 2000

أولا ً السيارة امريكية وليست خليجية

اشتريتها من معرض وهي توها واصلة يعني والحمدالله نظيفة جدا ً

ماشية 90 الف

والآن صار لها معي سنة ونص تقريبا ً ولله الحمد لم أشتكي من اي اعطال

لكن قبل شهر طلع لي بالعداد لمبة صفراء وهاذي الكلمة

Check Engine

واكيد اغلبكم يعرف معناها اللي هي شيك على المكينة؟؟؟

وبصراحة احترت يوم رحت للوكالة قالوا لي عادي هذا يحصل مع السيارات الامريكية

وانا ماني مقتنع بكلامهم لان اغلب وكالتنا الله يهداهم ماعندك احد

فياليت تخبروني وش السالفة رغم ان السيارة ماشاءالله تبارك الله لحد الان نظيفة

وكل ماأمشي عليها هادية وكأنها توها طالعة من الوكالة

يعني مافيه اي شيء يدل على ان فيها خراب واضح لاجل تطلع لي هالكلمة؟؟

الا اللهم فيه ملاحظة بسيطة ولاأدري وش تفسيرها

اللي هي يوم اوقف عند اشارة واحطه على N

احس ان السيارة بتطفي؟؟؟؟ يعني كأن عزمها يطيح ثواني وبعدين ترجع طبيعي؟؟؟

------------------

أرجوكم ساعدوني والله يجزاكم الخير كله يارب وييسر لكم اموركم الدنيوية

وأي اسئلة انا حاضر بخصوص السيارة لاجل تساعدكم في تحليل المشكلة

هذا ولكم كامل التقدير والإحترام

أخوكم

راجي عفو ربه