هل من مساعدة
ابغي اركب مفتاح ريموت بصوت ولما رحت الغرابي في الرياض - تشتت تفكيري و ماني عارف ايش اسوي واي مركه افضل .
هل هناك ضمان لعدم فك شفرة المفتاح بحيث ان الاشارة الاسلكية ممكن تتداخل
توكل على الله وركب الريموت اللي يعجبك وبالنسبه للتداخل ومن هالكلام لا تخاف ما فيه اي خوف من هالشي هو الشي اللي يحيرك ويأخرك بتركيب الريموت الاشكال انك تحتار بالشكل اللي تبيه فيه انواع يجيك الريموت بتعليقه مع المفتاح وانواع تجيك بنفس المفتاح وكل ريموت يختلف بمميزاته عن الريموت اللي قبله وطبعا هذي ترجع لا اختيار الشخص وبالنسبه للضمان كل شركه يختلف ضمانها عن غيره .ولا تعتمد على الضمان كثير"
وبالنسبه للريموتات انا شفت ريموت اعجبني بصراحه يمكن انه مار عليكم هو يشبه ريموت الكامري اللي يجي فيه شاشه صغيره بس يختلف بالمميزات كثير
1ــ انذار صوتي وصامت
2ــ تشغيل السياره
3ــ شكله جذاب ومميز
4ـــجميع مميزات الريموتات من ابواب وشنطه وانذار موجوده فيه
بالنسبه لرقم 1 الصوتي معروف تقولي وش فا يده الصامت هذي الميزه اعجبتني كثير
لما تكون جالس بالاستراحه او اي مكان بضمن حدود الريموت لما تحطه على الصامت ويجي شخص يحاول انه يفك الباب يبين عندك بالشاشه انه فيه شخص حاول يفك الباب ويوضح لك اي باب من الاريع بشكل المجسم للسياره اللي يطلع عندك بالشاشه وتقدر تطب عليه وهو غافل على باله محد داري عنه لا فيه انذار ولا حوله احد
بالنسبه برضه طريقه حلوه انه تشغل لك السياره عن طريق الريموت وهذا الشي معروف ومن قديم موجوده هالحركه بس اللي اعجبني انه عندك دوام الصباح تقدر تشغلها على 6ونص وتطفي من حالها على 7 الا ربع يعني بدون اي تدخل منك يعني لو راحت عليك نومه ما عليك اشتغلت وتسخنت السياره وطفت من حالها الشغله كلها تبرمجه على الوقت اللي انت تبيه متى تشتغل ومتى تطفي
عن طريق الريموت لانه تجي فيه قا ئمه خيارات وبرمجه بالشاشه
اعجبتني ان كل هالمميزات بريموت وطبعا تقدر تلغي خا صيه برمجه التشغيل بوقت الصيف وتبرمجه من جديد بالشتاء وانت جالس عن طريق الريموت .
وطبعا يرجع اولا واخيرا تركيب اي ريموت على الفني اللي يركبه لك اذا كان بأصول وشغل نظيف او اي كلام من اي سلك شبك لك بالنسبه للريموت اللي تكلمت عنه سألت المحل عن الريموت وقلت له انه التشغيل اسمع انه يسبب انحراق السياره وسمعت كثير عن هالشي قال صح بس هذ اللي يركبلك اي كلام من اي سلك والسلام بس بالمحل نعطيك ضمان ونتحمل ما يصير بالسياره من امور تتعلق بالكهرب لانه عندنا فني يشوف نوع سيارتك ويتأكد من السلك اللي خاص بالسلف والتمديدات الصحيحه من الوكاله الخاصه بشركه السياره ومن هالكلام عاد الشي هو وذمته ما ادري عنه فلسفه زايده او كلام عن ثقه حبيت اني اشاركم بالموضوع واعذروني على الاطاله.
وعلى فكره فيه طريقه ان شاء الله احاول اني اعرفها من الشخص اللي سواها وهي انه يضاعف مسافه استقبال الريموت يعني بدل انه ما يكون استقبال لمسافه شارع يمتد ارسال الريموت لشارعين لا اي ريموت وراح انزلها بموضوع مستقل
كل الانواع الي في السوق ماعليها كلام بس تختلف المميزات فيه الي تشغل منها السياره ومنها الي تفتح فيه الشنطه ونوع يفتح الابواب فقط ولا تشيل هم تتداخل شبكه ولا شي ماعمرها صارت لكل جهاز ريموته مايقبل غيره
انت روح واختار الي يناسبك من حيث المميزات
أخوي gshfy اولاً ابي اعرف وش نوع سيارتك، اذا كانت يابنية او امريكية ركب ولا يهمك اما اذا كانت اوروبية فاحذر و تأكد انو الكهربائي شاطر و قد ركب قبل كده . ثانياً بالنسبة للنوع فأنا مجرب نوع اسمه(G motors USA) شكله شبه ريموت الجمس و زي رموت الفكتوريا الجديد بالضبط .بالنسبة للصوت اذا قصدك صوت البوري فهاذي يبيلها توليف و ياعالم تظبط ولا لأ ، واذا تبي صوت حق جهاز الإنذار فيبغالك نظام جهاز انذار كامل و هذا ما انصحك فيه لأنو مرات يعلق و يرن في نص الليل و يسوليك قلق.وبالنسبة لشفرات الريموت فهاذي لا يمكن تتشابه لأنو كل ريموت له شفره خاصة فيه...
تقبل تحياتي و آسف على الإطالة...
أخوك kareem505
