هنا هنا *>>>>>*نــــــداء عــــاجـــل**<<<<< سيارتي مسروقة

لاحول ولا قوة الله بالله

الله يعينك اخوي ...

ابشر اول ما اشوفها باعطيك خبر

وجاري البحث في الرياض :)

واذا تبي نصيحتي خذ رقم موجه (( تفحيط )) وشف هم الآن في اي شارع

ورح دورها وراح تحصلها في موكب التفحيط

او قل لأي سواق لموزين يدورها لك وعطه مكافاة وبتحصلها <<<<<< طريقة مجربة

ما أقول الا الله يردها لك يارب

إن شاء الله ترجع سيارتك سليمه لكن هل رحت للحجز رح وشف وخلها أول شيئ أنا سيارتي حجزت بالعطله سحبت من قدام الباب من دون ما يحطون عندنا أي خبر وجلس عندهم حول الشهر
تحياتي

مشكورين اخواني

انا ماقصرت وماراح اقصر في الدوران وتمتير الشوارع

بس انتم لاتقصرون معي

وصوا احد تعرفونه يحب الدوران والهجوله

المواصفات موجوده عندكم

حبيت اقول لك معلومه

في واحد من اقرباي اتصل علي وقال لي

انه شاف موتر يشبه موتري بالضبط

في حي السويدي

وكان يمشي بسرعه جنونيه وكان يقطع الاشارات

ولا قدر يلحقه

يعني هو سارقها من حي الروابي

وجالس يدور فيها بحي السويدي >>>>>حسبي الله عليه

يالله يارب اخرس لسانه واعمي بصرة وشل اركانه واجعل الموت اغلى امانيه

قولوا امين


تكفون يا اخوان ساعدوني

من العصر وانا الف الشوارع















رايق

ان شاء الله تلاقي الحرامية و السيارة و الشهادة بكل خير باستثناء الحرامية

وادعي الله بنية صادقة وانشاء الله مايصير الا خير

الله يكون في عونكـ

وتعبك ماراح يضيع ان شاء الله ..

واتوقع لو تروح لوزارة التعليم العالي او الجامعه اللي تخرجت منها راح يفيدونكـ ويعطونكـ شهادة بدل فاقد .. لان الدنيا ماهي فوضى .. فيه كثير ناس تضيع شهاداتهم وتنشق وغيرها من امور التلف لكن في الاخير اتوقع لازم يكون فيهـ بدل فاقد ..

واتمنى ان ايمانك بالله يكون قوي وتتفائل بانك بتلقاها وماراح يضيع عليك شي ..

تحياتي لك

وان شاء الله ماراح نقصر بشي ..

تحياتي

فهد

لا حول ولا قوة الا بالله


يعينك ياخووي وادعي ربك بس



والله ياخذه اللي سرق السياره لا بارك الله فيه


وان شاءالله تلقاها بأسرع وقت بس انت لا تقصر


دوور بالشوارع وانا اخوك ومثل ماقالوا اماكن


التفحيط والقومات وتجمع الشباب


اخوك عاشق العباره

الله يكون بعونك اخوي رايق وان شاء الله في اقرب وقت تحصلها وفيها كل شي
وانت بعد لا تقصر دور في شوارع التفحيط والقومات
والله يوفقك ..

إنشاء الله اول ماشوفها راح أبلغكـ

وراح أوصي ع ناس يموتون في الدوران والهجوله

كان الله في عوتك صراحة ..
انت تقصد إن ااسيارة انسرقت من قدام بيتكم ..
طيب لف حارتكم شبر شبر ولف الشوارع اللي فيها القومات والتفحيط ..
وكمان لا تنسى قراءة سورة الأضحى في كل وقت ..
لأنها من الأسباب في البحث عن أي شيء يضيع لك ..

فكرتني بسيارة أبوي كريسيدا 82 يوم انسرقت في جدة من الخاسقية قبل 3 سنوات تقريباً
وكان فيها بضائع بقيمة 4000 ريال ..
والحمدلله حصلناها ثاني يوم في مخطط الأمير فواز الجنوبي عن العماير ..
هناك في خط حق قومات ..... وبعدها وقفها قدام عمارة وتركها شغالة ..
وبالصدفة كانت قدام بيت العقيد اللي بلغنا عنده أمس ..
وكان معدي من قدام السيارة وشاف رقم جوال كان أخوي حاطه عشان في شهر الحج تعرف الزحمة
ولما يصك على واحد يصير هذاك يتصل عليه ..
وبعدين العقيد يجزاه خير لما شاف السيارة شغالة أكثر من ساعتين وشاف الرقم عليها ..
أتصل بنا وبلغنا بمكان السيارة ..

شكلي طولت عليك ..
المهم إن شاء الله بتلقاها في أقرب وقت ..

امين يارب العالمين

الله يسمع منك

والله اني ما ادري وش اسوي

يعني كل شي راح مني بلحظه

دراستي وتعبي راح هدر

فلوسي ووظيفتي راحت علي بغمضه عين :eek:




رايق |5|

الله لايوفق من سرقها


اخوي الغالي

ولد عمي انسرق منه مسكيما 2002 قبل سبعة اشهر في الرياض
وكان فيها مجلد فيه اوراق مهمه جدا جدا وشهادات الخ

وهو حصلها بعد اربعة ايام موقفه في احد الحواري وفيها الاوراق كامله

خلك املك بالله كبير وان شالله تحصلها يارب وفيها شهاداتك ,,

والله انا في الاحساء مادري

اخواني

اولاً

انا حاط المعاملات المهمه هذي في السيارة

لاني الصباح بروح اخلص اشغال فيها

ومن حرصي اني حاطها من الليل في السيارة

ثانياً

انا بلغت الشرطة

ولاكن لا حياة لمن تنادي

تكون ساعدوني


















رايق

هلا اخوي ممكن تروح الى اقرب مركز شرطه
شكرا لك
؟؟؟؟؟؟؟؟؟؟

الله يردها لك

وبالنسبه لموضوع التعميم انا من سكان الرياض

وأن شأالله اتابع موضوعك بس سؤال ممكن انت بلغت العمليات ولا طلعت الى اقرب مركز شرطه
وبلغت وياليت تقولي وين انسرقت بالضبط

تحيتي لك

الله يردها لك ويشل يد سارقها

كان الله بعونك اخي العزيز، ولكن الله يهديك ماكان المفروض تحط شهادات ووثائق مهمّة بالسيارة.
أهم شي يكون عندك صور على الأقل...
وأرجو المعذرة لأني لست من سكان الرياض.

ربي يجبر مصيبتك ويعوضك بخير منها ..
أدعي لك من كل قلبي .