بصراحة تحطمت كليا : حقيقة الاوبيروس 2008 ؟ ارجو الدخول !

والله السيارة مرررررررة ممتازة عند الوالد موديل 2005 فل اوبشن وماشاءالله زي الحلاوة بس انت اذا كنت تبغى تجرب قيادتها الوكاله يعطونك تجربه واذا مااعطوك محلات التاجير كثيرة ومو ضروري تكون فل اوبشن لان المكينه وحده والقيادة تقرببا ماتفرق اللهم في وسائل الراحه بتكون اكثر والله يعطيك خيرها ويكفيك شرها مقدما

قهر مفروض ينزلزن كامل المواصفات فيه ناس تشتري

ألـــــف مبرووووووك

|1|

جزاكم الله خير وما قصرتوا خاصة : ابو عبدالعزيز ... وكذلك الاوبيروسي .
رحت امس للوكالة اجبرها ثاث مررره < واحد طماع مايشبع.
والله مريه اريح من سيارة اخوي (الافالون) مواصفاتها كلها موجودة في الافالون ماعدا تهوية المراتب . الاوبيروس موجود بها منقي هواء بخلاف الافالون . ومواصفاتها جميلة نوع ما باعتبار سعرها المعقول . الي معجبني فيها كثير ومريحني واقولها بصراحه للابو عبدالعزيز والاوبيروس وكل من يملك ابوبيروس . ان الناس تذمها وتسب فيها لأنهم مايعرفوا وش سر القيادة . فإذا ذمها الناس بعد ذلك تطيح من عيونهم لانها كورية وومايدرون انها افضل من الافالون مع احترامي لهذه السيارة .
فأحسن شيء ان الناس ينظرون لها نظرة قاصرة لاجل تجنب العين والحسد . وان شاء الله بتطلع الاربعاء بعد مايلمعونها واللون طالع عمركم على الطاعه ( فيراني ) فل اوبشن . الداخلي بيج مع لون يميل للسواد .
وابشر وعلى خشمي وجزاك الله خير يابو عبدالعزيز على هذه النصيحة .

السلام عليكم ورحمة الله وبركاته مبروووك أخوي .. وبالنسبة لحيرتك أنا لم تواجهني أي مشكلة من اول ماشريت الى الآن انا قد سويت حادث وغيرت الصدام الأمامي والأنوار الجهة اليمنى وبالعكس ما تأخرو طلبو القطة ثلاث ايام ورحت أستلمتها من عندهم انا أتكلم عن الحاج حسين... اما وكالة كيا السعودية أنا أشوف انها احسن من الحاج حسين بكثيييييير ولا تشيل هم أخوي باذن الله تتيسر الأمور وصدقني والله وخذ الكلام من شخص مجرب لهذي السيارة انك ماراح تندم وانك راح تشكر ربك ان الله روقك بهذي السيارة ... وشكرا |3| |3|

مبروووووووك أخوي
والله يعطيك من خيرها ويكفيك من شرها
بس بالله سو نصيحتي اللي كتبتها لك علشان الله يبارك لك فيها

وبالله قبل لا أنسى
ماهي مواصفات الأوبيروس الفل أوبشن 89000ريال اللي انت بتشتريها انشاء الله؟؟؟وياليت بشيء من التفصيل لو سمحت
والله يعطيك العافية
أخوكم أبو عبدالعزيز

ياهلا ابو هشام . وكذلك ابو عبدالعزيز
والله ان كلام هالشخص حيرني وجعلني بين فك الرحى لا الى هذه السيارة والى هذه .
فترددت بين سيارتين . لكن ابشرك انت وابو عبدالعزيز : رحت للوكالة واخبرتهم بما حصل لي واخبرتهم هل كلام هالشخص صحيح . فقال لي : ان هذه الكلام صحيح بس كانت على وقت الحاج . يقول صحيح ان الحاج كان عليه ملاحضات بس الان تحول الوكيل الى كيا السعودية ويقول بنفتح فرع الشفا للصيانة بعد شهر تقريبا يعني اي شيء يصير لك وكذا الصيانة السريعة .
فعزمت صراحة واحجزت اللون ويمكن الاربعاء استلمها . لاني بصراحه مقتع بقيادتها بعد ما جربت 2007 و2008 فمريحة جدا مقارنة بافالون 2007.
واشكر ابو عبدالعزيز على سرعة الاستجابة فلك مني جزيل الشكر والعرفان .

السلام عليكم.......
هلا والله أخوي جاري البحث
شخبارك؟؟؟عساك بصحه وعافية
بالله أخوي الاوبيروس فل أوبشن ما هي مواصفاتها بالتفصيل؟؟

نرجع للموضوع
كيا السعودية للسيارات لديها كفائه بالصيانة والايدي العاملة بشكل جيد
ولاكن ينقصها شيء مع وعودهم بتحسين ذلك ، وهو قطع الغيار .......!!!
فعلا قطع الغيار ليست متوفره تماما بمستودعاتهم بالمملكة وإنما القطع الاستهلاكية والضرورية موجوده لديهم
وهم بصدد توفير مستودعات ضخمه لذلك ولاكن في المستقبل القريب انشاء الله
وأما القطع النادرة حدوث مشاكل بها بإن طلبيتها من كوريا يستغرق ما بين أسبوع إلى 4 أسابيع...!!!
وأما المتوفره بالمملكة ما تأخذ أكثر من كم يوم ويوفروها لك

بسم الله ماشاء الله
الأوبيروس ما تحتاج لكل هذا أخوي
الحمد لله مشاكلها قليله جدا إذا حافظت عليها وداومت على الصيانة الدورية
ولاكن يظل الهاجس الوحيد في حال لا سمح الله تعرضت لحادث ....هل القطع أغلبها متوفر أم لأ؟؟
الله أعلم
عموما أصحاب الاوبيروس الشكل السابق (2004-2006) ممكن يأخذون القطع من الوكيل السابق
أما الأوبيروس الجديده فمالهم غير الوكيل الجديد

في الختام أنا أشوف بصراحه مستقبل كبير للوكيل الجديد (كيا السعودية) وراح يتلافى أخطائه بشكل سريع إنشاء الله

ونصيحه من أخوك أبو عبدالعزيز
أنك تصلي صلاة الإستخارة وتشتري السيارة وتتوكل على الله ، وأول ما تستلمها إنشاء الله شغل شريط سورة البقرة وأقرى الادعية
ولاتنسى تأمن عليها
وكل شغل بإذن الله راح يكون تمام ومريح وممتع
ملحوظة: النصيحه هذي مو بس للأوبيروس وإنما لأي سيارة راح تقتنيها بإذن الله ، علشان تحل البركة فيها بإذن الله

تحياتي لك والله ينور بصيرتك لما هو خير لك
أخوكم أبو عبدالعزيز

صبحكم الله بالخير جميعا ,,,

أخوي .. " جارى البحث "

الله يكون فى عونك على الحيره اللى إنت فيها ..

قبل فتره بسيطه كنت منزل موضوع محتار فيه بين الماركيز 2008 أو 2007

والشباب الله يعطيهم العافيه ماقصروا وكانوا فى قمة التواصل والمشاركه ..

لكن اللى صار إني شفت الأبوريوس وفيه واحد من الشباب مدحها لى

فالنيه تغيرت ,,,

المهم ,,

دقيت عليهم أمس على فرع الخبر وقالولى نفس الكلام اللى إنت قلته

إن الفل أوبشن عليها عرض وصارت ب88100 ريال

إستغربت بصراحه لكن قلت يمكن يبون يمشون سوقها

عاد طلبت منهم تست درايف قالولى ماعندك مشكله أخذت موعد يوم الخميس ,,

الحاصل ياطويل العمر والسامعين إني واقع بنفس الحيره اللى إنت فيها ,,

فاللى نتمناه من الأخوه الأعضاء إنهم يكملون المسيره حتى تزول هذه الحيره ..

والله يكتبلنا جميعا الخير حيثما كان ويرضنا به ,,

ودمتم سالمين ,,

أخوكم أبو هشام ..

ارجومن الاخوة : ابو عبدالعزيز .. الاوبيروس . وكل من لديهم اوبيروس . قراءة الرد هذا
اشكركم من اعماق قلبي على سرعة استجوابكم لي من ملاحظات .
بصراحه خيمة علي سحابة الحرمان بعدما جربت قيادة الاوبيروس في احد الوكالات . فكانت المفاجئة ان السيارة بالفعل تستحق قيمتها بل ان القيمة قليلة في حقها اقولها بصراحة . لكن المشكلة رحت اليوم لأختار اللون في الحوش حقهم . فجاني احد الاشخاص ممن يعملون في شركة كيا . فقالي : انت بشتري اوبيروس . قلت : نعم . قال نصيحة من اخ محب لك . ابتعد عنها . قلت : لماذا : قالي اني جربت السيارة والسيارة ماعليها كلام حقت خطوط ورسمية بحته وجميلة وراسية ومريحه لكن عيبها الي يغطي عى مواصفاتها صيانتها الفاشله . قلت كيف : انا كنت اعمل في الصيانة ومن ثم انتقلت فقال : واجهتنا مشاكل بالنسبة للسيارة . قلت كيف : قال لا قدر الله لك . صدمت بالسيارة وجيت للوكالة تشتري القطع التالفة فقالي ان اغلب القطع غير متوفرة في السعودية ويطلبونها من الخليج وتأخذ فترة طويلة لكي تحظر عندهم القطع
وان سعرها بعد ماتطلعها من الوكالة يطيح منها 15 الف هذي مفروغ منها .
فأقول لكل من لديهم اوبيروس هل كلام اخينا صحيح بالنسبة لسعر قطع الغيار وان اغلب القطع غير متوفرة وهل ان سعرها رديء بعد البيع . فسبب لي كلامه خمول وهبوط العزيمه لاني كنت بطلعها الاحد تقريبا .
ارجوكم الاجابة على ماذكرت عاجلا غير آآآجل .

مبروووووووووك والله ونعم الاختيار |1| وصدقني ماراح تندم خذ الكلام من مجرب ... وشكرا |3| |3|

ان شاء الله بروح بكرة اخلص اوراق الاوبيروس . ويمكن الاحد تظهر فباركولي .
لكن اخواني (من امي وابوي اشقائي) الله يهديهم كيف اقنعهم . حجتهم الاولى والاخيرة انها ((((((( كورية)))))). وانها ماهي موجودة في السوق وان سعرها بعد البيع بهيض وقليل .
فما الحل معاهم تراني جاني الهم والغم ؟

فيها كاميرا امامية ذات قدرة لرؤيت اتجاهين متعاكسين يمين و يسار،،، و فيها ميزة أن الكفر الأمام قوي الالتفات يعني تستطيع أن تاخذ فوق تحت ولو كان الشارع ضيق نسبيا...

السلام عليكم

رحت عند الحاج ؟؟؟؟؟؟؟؟؟؟؟؟

ياخي الحاج مسحوبة الوكالة منه من سنتين والوكيل الحالي كيا السعودية والي عند الحاج كلها 2006

ياخي اذا وقفت على النفقيشن عندك الازيرا بنفقيشن ..

بس اللي يميز الاوبيروس قوة محركها ..

وربما الخامات الداخلية أفضل نسبيا

يااهلا وسهلا بالاخوة الذين شاركونا .
بالنسبة لسعرنها كما ذكر اخونا ((راعي الاوبيروس)) ان سعر السياحي 85 . هذا الله يحفظك سعر 2007 . يعني كلامك قديم . انا اكلمك عن 2008 وانا ذهبت لهم في وقت العروض . فكان عليها عرض قاصم لسعرها فسعرها بدون اي عرض (105) فوصل سعرها بعد العرض (88 ) فهذا كلام الموظف قبل اسبوعين . يعني الي حابكني (اي : مأخرني) جودتها ورساوتها . فأنا اريد موديل 2008 للتأجير فلم احصل فاحتمال اذهب للوكالة لاجل ان اقودتها لكن مشكلة الوكالة فقط تجربها على الدائري . فأنا ناويها نية بأن استلم طريق الخرج الذي كله تعرجات ومطبات لكي يظهر الطاحي من الصاحي . كما اشكر ابو عبدالعزيز الذي صمل وشاركنا في موضوعنا وكذا الاخوة الاعزاء .

حياك الله اخوي
كلامك خطأ أخوي
الأوبيروس نفذت من المستودعات بالسعودية بالكامل لموديل 2007
وللتو وصلت 2008
وهي منتشرة في بعض المناطق وأنا شفت كثير منها وخصوصا بالشرقية
وعلى العموم سبب عندم انتشارها بالشكل اللي انت تبغاه يعود إلى ان الأوبيورس ما هي كامري ولا أكورد ((مع احترامي لهذه التحف))
الأوبيروس تصنع من المصنع بأعداد محدوده

في عام 2003 لم يصنع منها إلأ 35000 سيارة فقط.......!!!:eek:
وبعد النجاح الباهر لها رفع المصنع من طاقة انتاجه لها
وهكذا

والسيارة ولله الحمد لا عيوب بها ماشاء الله
وضمانها يكفي 5 سنوات مفتوح الكيلو مترات

تحياتي لك اخوي

حياك الله اخوي
بعيد الشر عنك
وإنشاء الله ما تدخل ها المستشفى او غيرها وأنت بصحه وعافية
على العموم هذا رأيك البحت لأنك ما أقتنيت او جربت الأوبيروس أو الأزيرا

شركة هيونداي وكيا شركة واحده
ذات مصانع واحده
وثنتينهم رقم واحد بكوريا وتمثل تهديد كبير على تويوتا
وذلك بتصريح من رئيس شركة تويوتا

والأزيرا أحلى شكلا <<< هذا رأيك
ومضمونا هذي أختلف معاك وبقوة

تحياتي لك اخوي