اكورد 2008 او سوبارو 2008

وش فيها الاكورد عشان تقارن بالسوباروا ؟!!
الاكورد نفس مواصفات 2006 في 2007 يمكن زينون بس ومكيف خلفي :D !!

خذ لك سوباروا وانت مغمض يكفيك دفع رباعي ومتعه في القياده ..
وتكفيت نظرتها ماشاء الله .. صراحه سياره ماعليها كلاام .. واحلى شي فيهااا..ماتلقاها بكل مكان ( تمـيـز ) :)

ولو كنت مكانك .. رح لوكاله سوباروا وجرب قيادتها وناظر الفرق :)

ولاتنسى تستخير قبل كل شي

معليش اخوي فيه تعديل...
اذا ماخذ السياره تصبيره...وماتبيها تعيش وتفكر تبيعها...انسى السوبارو.
ماتجيب سعر..
بس بيني وبينك..اول مره اشوف واحد ياخذ تصبيره بمية ألف !!!
التصبيره لوزين بريال..يعني شي رخيص..انت ماشاءالله عليك تصبيرتك مفاطيح...يمكن عشان فارق الوزن ؟؟ امزح امزح عزيزي..
الله يرزقك بشي يرضيك..ودايم الشباب هنا يدوخون الواحد..دايم ينقلون الكلام..كنت اتمنى يردون الشباب اصحاب ال تجربه. لأن اللي يسمع مايفيدك بشي.
قبل مااشتري السوبارو..كل الخلق بدون استثناء..كلهم. م اغير سب بالسوبارو. بس انا دخلت مزاجي. وشريتها وراضي تمام الرضى.

انا معي سوبارو واثنين من اخواني معهم بعد سوبارو..واحد سته سلندر والاثنين اربعه سلندر..وكان عندنا وحده موديل 98 ولولا الحادث اللي جاها كانت وصلت الميتين كيلو هالسنه وهي ملعون ابو خيرها.
ابوي...السوبارو ولاتناقش.السياره يبانيه ميه بالميه ومصنوعه من شركة فوجي اليابانيه والمميزات اللي فيه من قير علاق ( بالدركسون) الى التحكم بأسلوب القياده ( رياضي ,عادي, انيق ) بضغطة زر غير الدفع الرباعي وغير انك مميز مو زي الهوندا من طالب الثانويه الى ابو عيال عنده. ماتحس انك دافع 100 الف على سياره. والهوندا وش فيها غير قير ودركسون؟؟؟ وبميه بدون مواصفات !!
حتى قير الهوندا عادي مو تريبترونيك اللي الحين ماتلاقي سياره مافيها هالميزه. بأي عصر احنا؟
وقطع غيارها ارخص من الهوندا..
وشركة اليمني صح محتكر القطع لكن فروعه بكل المملكه مو بس بالمدن الرئيسيه.
وش فيه بعد؟؟؟
المهم انا معي سوبارو 2002 والحين كملت 5 سنوات زي اللوز.لولا اني ادور سياره قير تماتيك ولا كان خليتها بعد زود.
تحياتي..واي سؤال واستفسار انا مستعد.

والله شوف وانا اخوك الكل يعرف الشي هذا انه السوبارو مالها شعبية مثل الاكورد ونادرا نادرا ماتوشفها بالشوارع

والاكورد منتشرة بكثرة وعندك الاعضاء مجربين في المنتدى غير انه الجديدة وسيييييييعة جدا من الداخل

ومريحة ولو على الستة سلندر صرفية ولا احلى مع النظام الجديد

وسعرها 106 الف

هذا الي اقدر افيدك وفيه وانا من ملاك اكورد 2006 وشكرا

والله بعد قراءة الـ60 رد أعلاه و <<<
صراحة حيرتي زادت بين السيارتين اللي صمن قائمتي

بالنسبة للأكورد
أحبها بس خلفيتها الغريبة وصغر حجمها الخارجي للعين المجردة وبالتدقيق لأول مرة نوعاً ما صغيرة بس صراحة ناس مدحولي كثير سيارة هوندا ممن اعرفهم يمتلكون موديلات اكورد من 2005 وطالع وأغلبهم عندهم 4 سلندر ويقولوا هدوئها و رساوتها حلوة وقالوا صحيح قطعها غالية بس مع المحافظة ما تحتاج الا الاستهلاكية منها وسمعنا انه قطع الأكورد 2008 نزلوا أسعارها 60% ( المصدر موقع هوندا أريبيا "سيرش google") والسيارة داخلياً حلوة وفخمة و وسيعة لكن..

السوبارو سيارة بكل المقاييس قوية وكفاية تقنياتها ومحركها نوع H وكمان 6 سلندر ودفع رباعي وتناسق وضعية المكينة ودفع رباعي يعني ما يحتاج والسواقة ناس كثير قالوا جنااااااااااااااااااااااااااااااااااااان وعندهم 4 سلندر واذا تبغى الجناااااااااااااااااااااااااااااااااااااااااااااااااااااااااااااااااااااان كله 6 سلندر وفل أخر حلاوة (وبالمناسبة مقارنتي زي مقارنة الأخ 6سلندر فل) والحيرة تقتلني لأن مقاعد السيارة الخلفية مررة ضيقة و انا عندي أهل وكأني مشتري سبور وانا ماشاءالله عليّ مليان حبتين يعني الكرسي على آخر شي
(قولوا ماشاءالله ولا تتريقوا وادعولي انحف زيكم ^_^)
وثاني شي وكيلها من ناحية القطع والصيانة والتعامل مخوفني حبتين و موديل 2009 ولا 10 مخوفني 3 حبات و سعر السيارة عند البيع مخوفني 10 مرات لأنه السيارة ما أبغاها اكثر من 3 أو 4 سنين لأني تحويشة العمر والبديل في التخطيط الخماسي وهذه دشرة وتصبيرة ... أنصحوني وأنصحوا الرجال

بعيد عن الذوق و الميول ... نبغى تجارب وبس مش اراء "وقالولي"

تحيااتي

السوبااااارو وبس

يكفي إنها تيربو ودفع رباعي

أما اللي يصوتوا للأكورد فأكيييييد عشانها شكل وهيبة "فارغة" أمام الشباب

ولا أداء ولا يحزنون

السلام عليكم ورحمة الله وبركاته
انا اشوف الكورد افضل
تقبل مروري

تم التصويت للسوبارووو ..

بها من المواصفات لا توجد في غيرها من المنافسين ..

تم التصويت ..أكــــــــــــــورد

بسم الله والصلاة والسلام على رسول الله .....
فيا إخوان اول شي عندما نقول سوبارو او اكورد فلا نرشح الييارة المحبوبة ونحن نجبر الاخرين على ان يوافقنا الراي وانما هي اذواق, ومثل ما قالوا:
"[COLOR=blue]لولا اختلاف الاذواق لبارت السلع", فهي بمثابة الذي يرتاح في الثوب واخر يرتاح في الجنز....[/COLOR]
ولكن اذا سألت عن راي في السيارات اقول سوبارو لان بها من المواصفات الكثير الذي ابهرني وجعلني اتحول اليها عن كثير من السيارات المنافسة لها....
متميزون دائما ان شاء ربي...و أسال الله ان يحبكم..
أخوكم...
مسلم لله

الاكورد افضل 100% يكفي اسمها اكورد

اكووووووووورد افضل

مرحبا، أنا صوتت للاكورد

يا أخي العزيز اختار سوبارو وانت مغمض اضمن واقوى |1|

شوفو يا شباب الليجاسي سيارة ممتازه جدا ما يبغالها كلام بس بعد سنه الازعاج داخل السيارة كانك في سيارة كشف

للاسف انا مع الاكورد

السوبارو وانت مغمض واسئل مجرب ولا تسئل طبيب الليجاسي 100%|1|

وانصحك اكثر شي بل6 سلندر لانها وببساطه تعطيك حتى ترضيك |1|
وتحياتي لك عزيزي|3|

اقول الليجاسي وانت مغمض من المواصفات الموجودة فيها ويكفيك 3 محركات في 1

اسمع عزيزي السوبارو حلوة و انا مجربها لكن فيها مشكلتين الوكيل سئ للغاية و عند البيع لكن تبي سيارة خذ سيارة لكن لا تفكرتبيعها
اما الهوندا فمرغوبة اكثر مع انها لاتعجبني