همممممممم
موضوعك جيد جدا
شوف فيه عدة اسباب على ظني
1- انها تكون استخدام امريكي
2- مثل ماقال اخوي اف جاي 2008 واضيف هم باعوه من مجرد ماتعووا عليه وفقدوا حس التميز فيه
3- انهم ماعرفوا له ويوم شراه كان متردد وما اعطاه حقه وعلى طول تخلص منه
4- انه ممكن جاب له سعر افضل او طلع كسبان
5- ياخي انا اقولك موتر ماشاء الله عليه روعه وكل يوم اكتشف فيه شي جديد و الدبل متشوق جدا لتجربته وعندي مقاطع كثيره شوفوا وش مسوي يكفيك انه ساحب ونيت دودج الصغير و الدودج ساحب كرفان كبير مغرزين وبدون اي جهد يذكر واسال الي مجربينه بالبر يقولون عليه غزال مهب شرط انك تستعرض فيه بالتطعيس قدام الناس بس مالها داعي بعد تطلع تخييم مع اخوياك ويقعدون يجرجرون فيك ويطلعونك كل شوي
6- هو فيه مشكلة المرايا وحلها بسيط ( سم بالله ودرعم :D ومتى ماسمعت بوري وخر) او تركب الدائره الحدبه
7- هو ينفع لواحد شباب وماعنده اخويا كثير وطلعاته كثير وراعي دوجان و شغل او توه متزوج وماعنده عيال ( انا اصر انه مافيها شي ) وخصوصا اذا لونه كان رايق غير الاصفر و الازرق
8- وللمعلوميه ماشاء الله عليه في الخط يعطيك نفس العزم الرائع بس لو تتعرض كفراته شوي بس كان صار رهيب ورائع من جد وبعدين تخيل تمشي 120 تحس انك ماشي 80 وش يعني لك
انا اتوقع الي باعوه كان هدفهم التجربه فقط وهي حركه جريئه وحرام عليهم هم الخسرانين
