شباب فزعتكم انا معي في اكس ار 2007 ودي ابيعه واخذ جي اكس 2008 وش رايكم ولاتهونون

نصيحه مني لك وانشاء الله تتقبلها انا اقولك زيد فلوسك والله يقدرك والحين فرصه سعره ترى بعدين رايح يطير الجديد واخ1لك من الحين افضل والحين ترى الناس تبي وادور 2007 لانه هو اخر موديل القصه القديمه والحيناصبر اشوي ويصير الجديد افضل مليون مره من القديم

أرى أن اللاند جي إكس الجديد أفضل بمراحل من القديم، تقنياته أعلى بمليون مرة وقوة أكبر واستهلاك أفضل بكثير للبنزين ومع هذا كله سعره أرخص.

مجنون اذا بعت مفخرتك 2007 لانه اجمل الاشكال واهيبهم
والناس تدورة كثير واحد من السلطنة كان معه 2004 هوه مزوده بنفسة
بعدين بغى يبيعه وجلس يبحث جميع وكلات عمان عشان فقط انه يحصل لاندكروزر 2007
وراح الامارات ولما رجع راح البريمي وحصل لاندكروزر اسود 2007 على الزيزو واشتراة
ولاندكروزر 2007 عند البيعة اغلى عن 2008
عالعموم انا ماانصحك تبيع سيارة مميزة مثل لاندكروزر 2007

خلك على موترك ولاتنسى انه فل كامل الله يعطيك خيره ويكفيك شره

تحياتي للجميع
قرات استفسارك اخوي
ولا لقيت سبب للتغيير
يعني انت ماقلت ليش تبغى تغير
علشان نتناقش بالسبب
ولكن الواضح انه بدون سبب
ولذلك خلك على راي اخوي
اترك عنك قول فلان وفلان
وسيارتك جديدة وترى رضى الناس
غاية لاتدرك يعني لو شريت
هالحين 2008 بيقولوا بكرى
لو صبر شوي واخذ 2009
كان احسن وهكذا والله
اتمنى ان معي مثل موترك
لو موديل 2005
منب حاسدك الله يطعمك خيره ويكفيك شره
ولكن ابين لك ان موترك ما شاء الله جديد
اجل اركد وخل عنك الخرابيط ولا يهمك
احد وانا اخوك
والله يكفينا شر انفسنا والشيطان
وشكرا للجميع

صراااااااحه ماله داعي سياره فل وجديده تغيرها الى اقل فئه عشان الشكل لو كنت مكانك ما غيرتها لعده اسباب :-

ثالثاً : الناس رغبات لأن فيه ناس الله معطيهم الريال وشغه مطامر مع الموديلات اهم شئ يركب جديد وبس ... وآخرين اهم شئ عنده موتر يشيله ولا يعرف الورش ,,,,,, و الاستخاره اهم شئ قبل اتخاذ القرار

اخوي لاتقارن القديم بلجديد مافي منافسة

ماطير الاسعار الا التكشخ

انا اقول مالها داعي الموتر اللي معك كشخة
زد على ذلك الناس ماراح تمدح فيك بالعكس يبي يحسدونك وكل راعي محل يبي يدبل عليك السعر
يعني خسارة فلوس على غير سنع الا اذا كنت مقتنع بالجديد اما المطامر ورا قال فلان وقال علان ترى مابها خير

رغم ان مالي بالتويوتا

لكن ما انصحك

اللي عندك بطل وترا الجديد الدبل حقه اليكتروني وكثرت الاليكترويات بالسياره

وعلى فكره والله ان الاليكترونيات ما دخلت بسياره الا خربتها

خلك على اللي عندك

الله يرزقنا وياك

إن كانك شبعان فلوس ولا عندك مشكله خذلك واحد زيادة على سيارتك واكشخ ولا ترد شي في نفسك

لكن ان كان ولا بد من بيع سيارتك فلا داعي وأصبر الين تنزل موديلات 2010 إن الله أحيانا وعندها موترك شيك راح يجيب لك قيمة طيبه وفي نفس الوقت أسعار السيارات غالية حالياً ويمكن يجي يوم وتشوف جي اكس آر فل كامل 2010 بـ 140 ألف أو أقل :)

بالتوفيق

رأي حكيم جداً. أنا شخصياً ضد تغيير السيارات من دون داعي، لكن لو إنك من هذا النوع، لعل هذا هو الرأي.

والله إذا فل كامل، ما رح يفرق عن الجديد إلا في شيئين: الشكل الخارجي، والسعة الداخلية. المحرك نفسه، لكن الجديد زادو قوته بإضافة تقنية تفاوت توقيت الصمامات فوصلت إلى 271 حصان، غير كذا ما فيه ذاك الفرق.

هل إللي معك فيه ونش أو دف لوك؟

حبيبي عندي vx-r2007 ماشي 16000
كان تفكيري مثلك بس من بعد ماشفت الجديد لا لن أغيره لمدة سنتين علما اني أغير كل سنة

بصراحه اشوف ان القديم افضل وخاصه الي عندك ماشاء الله كامل المواصفات حرام تغيره بمواصفات اقل لكن لوكنت انت مقتنع شخصيا في الموديل الجديد الله يوفقك واستخر

اقول خله عندك بس لو بعته بخساره لا تقول اني ماقلت لك

اقول بعه مادامه ماطاح سعره والى حسيت انه طاح لا تبيعه

ال2008 فرررررررق السما والارض عن2007 انصحك فيه وبقوه بس شف السعر كم

والله انا ماآنصحك تبيعها مثل ماقالو الاخوان

آصبر يجربونها الناس

ولاحظ انت عندك VX-R
وتبي GX-R

ومثل مايقولون خلك على مجنونك لايجيك من آجن منه

انا عكس راي الشباب

او بالاحرى انا من ايد

الي عرفته حاليا انه الموديلات القديمه مرفوع سعرها في السوق مثله مثل اي موديل يدخل عليه موديل جديد
بالاضافه الى ذلك عجبني راي احد اخواننا في المنتدى انه الاسعار الحاليه لموديل 2008 في الوكاله اقل من المتوقع ومن المتوقع ان ترفع الوكاله سعره مستقبلا مثل ماحصل مع كثير من سيارات تويوتا قبل كذا

يعني انك اذا بعت الي معك حاليا بتبيعه باكثر سعر واذا اخذت 2008 بتاخذه باقل سعر متوقع

اذا انتظرت لموديل او 2 سوف يتزل سعر الي معك اكثر واكثر بحكم انه الناس اتعودت على الجديد والجديد سوف يطلع سعره

انا راي توكل على الله واستخير مادام الفكره في راسك ومستعد لدفع الفرق حيث الموديل الجديد والتصميم الجديد والتطور في الراحه توفير الوقود الخ..
اما اذا كانت الفكره مجرد خاطر فقط فتذكر انه اللاند الي معاكمثل اي لاند ماشاء الله بيعطيك اقل شئ 15 سنه وانت بخير وعافيه ووفر فلوسك

الا بيعه وخذ موترن جديدن- بس كم تبي ؟؟؟؟