اليومين اللي فاتوا استأجرت لي ألتيما 2008 4 سلندر اوتوماتيك
مثبت سرعة مخمل نظام Abs
بصراحة السيارة جدا ممتعة في القيادة واعجبني نظام البصمة حيل.
بس للأسف كان قبل أمس عندنا ثلوج وأمطار والقيادة خطرة في هالوقت
وتعبني نظام الجير الجديد وخصوصا ان هذي الفئة مافيها نظام التحكم بالتماسك
فعند الاشارة اجلس 10 ثواني السيارة ماتتحرك والكفرات تدور لحالها ونظام الجير
الجديد عزم السيارة واحد فاضطر احطها بالعادي واحرك الجير على + على 3 او 4 الين تمشي السيارة معي !!
النظام غير مريح في الثلوج والامطار ويصلح للأماكن الجافة لأنه يعطي السيارة انطلاقتها بدون هدر عزم السيارة .
اعجبني في الجير سلاسته ونعومته .
انطلاقتها هائلة وماقدرت اختبر قوتها بسبب الجو السيئ جدا .
الفرامل ؛ طبعا الى أي بي اس شغال على طول بسبب الثلج بس لاحظت يوم اضغط الفرامل السيارة تسحب تقريبا 2 متر ويوم اغير الضغط يعني بعد مايكون الاي بي اس شغال اضغط بقوة اكبر السيارة تسحب تقريبا نص متر يعني تتوقف بشكل ثابت كأنه في نظام ثاني يتداخل مع الاي بي اس واعتقد انه نظام BA
وهو مايسمى بالضاغط المؤازر للفرامل وريحني كثير هالنظام بس لو التحكم بالتماسك موجود كان ارتحنا اكثر .
السيارة بوجه عام خفيفة <= اعتبرها عيب
ممتعة في القيادة
صرفيتها اكثر من رائعة
نظام الجير ماينفع في الامطار والثلوج بس يمكن مع التحكم بالتماسك تتغير النظرة
النظام الصوتي مايعيبه أي شي
نظام البصمة ممتع ومريع
العدادات ذات المؤشر الاحمر اعجبتني بصراحة
السيارة ماشية 22 الف
والتجربة في كندا
والتجربة لمدة يومين فقط
تحياتي لكم
