ما الفرق بين الدفع الرباعي المستمر والدفع الرباعي الجزئي في اللندكروزر؟؟؟

[COLOR=#0000ff]والحين بعدما خلوه دفع رباعي مستمر أكيد انه بيصير أثقل وأثقل.....السؤال كيف أدائه في الرمل والتطعيس؟

[/COLOR]

الدفع الرباعي المستمر في نزوال المنحدرات مثل الجبال المرتفعه يساعدك كثير ولا يستهلك البرايك

السلام عليكم

عن تجربه
الموتر جيد جدا
في الرمل لكن لازم تعمل حساب
لوزن السياره المرتفع
يعني ما تسوقها كانك تسوق سوزوكي
الا اذا كنت منزل هواء التواير
وفي هذه الحاله كل المواتر ممتازه

انا دوم انزل الهواء الى 15
لكن احيانا انزل البحر او البر مسافه بسيطه
بدون تنسيم الهواء

والسياره مثل ما قلت جيده جدا
( بس مو مثل التاهو z71 التاهو افضل في الرمل عن تجربه ايضا
بس يعيب التاهو كثره الاصوات في البر بعكس الكروزر سياره صلبه جدا )

بالنسبه للدفع الرباعي الدائم
بما ان السياره فيها تورسون lsd وسطي

فيمكن قياده السياره بالرمل بدون ما تغلق الترس التفاضلي الوسطي

بس تحس ان السياره غريبه لانها توزع العزم للامام والخلف
وانا دائما اغلق الترس التفاضلي (اشغل الدبل ) الوسطي لما اروح البر


هذه تجربتي عن الدفع الرباعي المستمر
في البر

اللاند القديم كان دفع رباعي جزئي يعني بعد سرعة 80 يفصل ....
اللاند الجديد اصبح مستمر ومبرمج عن طريق الكمبيوتر ففي القيادة الطبيعة الكمبيوتر يعطي 40% من قوة المحرك للكفرات الامامية و يعطي 60% من قوة المحرك للكفرات الخلفية...
وهذا الكمبيوتر إذا حس إن الكفرات الامامية تدور في الهواء يعني بوش يعطي الكفرات الخلفية 70% من قوة المحرك ... أما إذا حس الكمبيوتر إن الكفرات الخلفيه هي التي تدور في الهواء وزع قوة المحرك على الكفرات الاربع بالتساوي 25% لكل كفر ....
طبعا تقدر تفصل النظام بنفسك وتوزع القوة بالتساوي بين الكفرات وهذا يفضل استخدامه في البر...
اللاند الجديد مجهز بتقنيات قوية ومعقدة وتحتاج لواحد يتعود عليها
أما من ناحية العزم في الدفع الرباعي المستمر فهذا يرجع لعدة عوامل منها قوة المكينة في الاساس ووزن السيارة يعني فيه فرق في العزم بين سيارتين كلها دفع رباعي مستمر وكلها وزنها واحد لكن قوة المحرك تختلف ...
واللي اشوفه إن عزم اللاند 8 سلندر مش بطال ومقبول

والله اني شايف واحد يفحط بباترول عند محطة خزام قريب من الطعس


والله انقلب قلبه عجيبه واجتمعوا عليه خلق الله والرجال كان دب وشوشته طايره شكله توه قايم من النوم وماقدر يطلع حتى من الموتر الا بشق الانفس طلعوه من الباب الخلفي والعالم تعلق عليه اللي يقول ماهوب كفوا هالموتر واللي يقول ماشكر نعمة الله

المهم الدورية كانت جنبه والله ماسوت له شي!!

لكن من يفحط بباترول ولا لاندكروزر والله مهوب كفو هالموتر المواتر اللي زي كذا تفحط فيها يعني انقلاب بالراحة

لا يوجد فرق في الرمال؛ سبب الثقل إللي تشعر به هو أن جزء من قوة السيارة رايحة في تحريك الكفرات الأربع. لكن في الرمال كلاهما لابد يحرك الكفرات الأربع عشان يمشي. الفارق فقط في الشوارع، يعطي ثبات وتماسك في المناطق الزلقة. وبصراحة، أشوف المفحطين مجانين عموماً، لكن إللي يفحطو بلاند كروزر أو باترول، هذولا موب مجانين وبس، مختلين عقلياً!! سيارة بهذا الارتفاع والوزن، ويفحطون فيه!

للرفع ..........

أخي Creative ...

الدفع الرباعي المستمر في اللاند كروزر يكون شغال معاك على طول من تحرك الموتر لين سرعة 80 كم بعدين يفصل الدبل ويتحول الى دفع خلفي ....

أنا سقت الموتر وتفاجأت انه ثقيييييييييل في القومة ....يمكن الكورولا تروح عليه ...أتفق معاك انه صار أكثر ثبات بس خفة الموتر وسرعة انطلاقته مهمة جدا في الرمل.
للأسف اني ماجربته في الرمل ...وأتمنى من الشباب اللي جربوه يفيدونا...

مشكوريين ياشباب وما قصرتوا......أتمنى حد يوضح لي هذي النقطة....


طبعا الاند كروزر معروف انه ثقيل في الرمل بعكس النيسان باترول ..... والحين بعدما خلوه دفع رباعي مستمر أكيد انه بيصير أثقل وأثقل.....السؤال كيف أدائه في الرمل والتطعيس؟

سلبياته حق الاستعراض ما ينفع

حق تفحيط زي الدفع الخلفي

الدفع الرباعي المستمر طبعا أكثر ثبات وتماسك وخصوصا عند المنعطفات.