الازيرا الفل ولا تويوتا الاريون

الأزيرا والاوبيروس عينين في رأس واحدة اخي الكريم

ياخي الرجال عاجبته الازيرا وهو السبب الرئيسي في وضع الموضوع في هذا القسم

وطيب اذ حطه في القسم الياباني ايش راح يصير .... ولو ان الرجال مصر على الازيرا بتلزمون عليه

ياخذ اوريون .... بتطلعون مواصفات مش موجودة في المصنع ليش ... عشان هذي تحمل شعار

معميكم تويوتا .... ابيك تجاوبني على هالسؤال بس ((( تويوتا اول ما انتجت سيارة هل كانت جودتها

عالية مثل الحاضر ...؟ ))) ولا طلعت خطوة خطوة الى القمة... هيونداي وكيا في طريقهما للقمة

لتسقط راية تويوتا عما قريب ...



يعني اجيبلك مكينة 1,7 على الاوريون بتقول عشان مكينة تكون شينة

كان مصانع السيارات ماكبرت المكاين حطتها صغيرة وافتكت من الخساير حديد ومكاين



تحكم بالدركسون كهربائيا وذاكره لحفظ الاوضاع

اسطبات خلفية ليد

ستة سماعات بنظام انفنتي عالي الجودة

ستارة خلفية كهربائية مع تغييرات القير .. اذا كان في الريوس تنزل واذا رجع للدي وغير بالنمرة الثانية صكرت واذا كان القير بالبي تصكر

فتح الشنطة باللمس من الخارج

واشياء كثيرة لا اذكرها في هالفترة




ابيك تجاوبني على السؤال ... الحين انت اذا جيت تشتري سيارة بتشتريها عشان تبيعها ولا عشان

تستخدمها ؟!!!! ... اذا عشان تبيعها اسمحلي ( شلون عايش )؟!!




يعني ماملت عينك الاكسنت والالنترا .... يمكن عشان عندكم بالبحرين قليلة السيارات هذي

والناس عندكم تهمها قيمة البيع اكثر من المواصفات والراحة لو انها خردة اهم شيء اذا باعها ماتنقص ... تعال شوف عندنا كل محلات التأجير وتوصيل طلبات المطاعم وتعليم السواقه اكسنت

وابشرك موديلاتها 2001 و 2002 وطالع الى الحين شغالة ويكرفونها كرف الحمير العن من كرف الكامري ... وتقول خلهم يصلحون زي الكامري

وعندك نص الليموزينات ( تاكسي ) النترا وشغالة طول اليوم يعني 12 ساعة واكثر بعد

كرف × كرف لو انها فاشلة ولا تتحمل كان ماشفناها في الشوارع مع التاكسيات

وعندك السوناتا شغالين عليها الدوريات السرية ويكرفونها بعد ... عندنا الدوريات السرية ثلاث انواع

بس او اكثر ( لومينا . سوناتا . كامري .كورلا .النترا ) يعني ما خذوا السوناتا عبث
يعني مافيه بديل لسيارات هيونداي ماكسيما صني ابيكا ماجنا جالنت لانسر وكثيييير .... كل هذا يدل على جودة سيارات هيونداي

الكلام كثير والادلة اكثر بس طلعنا عن الموضوع شوي

واجد من قيمة الشراء




يعني تجربتك بتشفع لها... انا مجرب الازيرا واهي والسوناتا سبب حبي للهيونداي

خذ ازيرا وخل عنك كلام الناس اللي يقول لك تويوتا أفضل شف الكامري اللي بعنيزه انفك كفرها كامل مع العكس ولا هوب بعيد تكون الأوريون مثل خرابها

ياليت إلي بيتكلم عن هونداي

يتكلم عن دراية ومعرفة وليس فقط سمعة


* أقصد الجيل الجديد من هونداي

باختصار وش جاب لجاب
وين التويوتا والهونداي
لا يضيعونك (اخوي صاحب الاستفتاء) الشباب بحسن نيه

وبعدين ترى الكوري ناعم لا يغرك شكله

وترى فاتك شئ مهم ... مو كل شئ مواصفات
فيه شئ اسمه جوده
شوف الصيني مواصفاته كثيره بس الجوده ما عندك احد

واذا تبي تقارن ... قارن الازيرا مع الاوبيروس 2008 وتخب بعد

صوتي للاوريون
وفي حال المقارنه مع الاوبيروس ... صوتي للاوبيروس
والله الموفق

كلامك على العين والراس ... المواصفات ماهي كل شي والجودة لها ميزان

تويوتا من أفضل الشركات وسياراتها عملية لكن الهيونداي ماهي قليلة والفرق في الجودة اللي تتكلم عنه هذا كان زمن اول
الآن هيونداي حققت أنجازات في الجودة تشهد عليها المنظمات الرسمية لتقيمم المنتجات الصناعية
مثلا في تقييم جي دي باور الأكسنت2003 حازت على أكثر سيارة عملية بعد التويوتا إكو
والإلنترا والسوناتا أخذوا المركز الثاني في تققيم الجودة بعد الكامري والسيفيك
هذا غير التقييم الإجمالي لمستوى جودة هيونداي واللي أخذت فيه المركز ال12 وأتفوقت على خمس شركات يابانية ومنها نيسان ... والكيا أخذت المركز ال13 بعد هيونداي مباشرة وهذا الرابط
http://www.jdpower.com/corporate/news/releases/pressrelease.aspx?ID=2007088

بينما لو ترجع لتقييم سنة2003 تشوف فرق كبير وكأن طفرة جينية حدثت في مصانع هيونداي
في سنة 2003 كان مركز هيونداي هو 23 ومركز كيا 34 (قبل الأخير بمرتبتين)
http://www.jdpower.com/corporate/news/releases/pressrelease.aspx?ID=2003028

أخي العزيز كل هذا ليس للتقليل من مستوى تويوتا الذي لا ينكره إلا جاهل
وهيونداي ولو كانت شركة كورية فما المانع ان تصل لمستوى الياباني أعتقد ان من صنع الكامري هو
انسان وهي ليس سيارة نازلة من السماء

ثم أمامنا تقييمات من منظمات عالمية تثبت الطفرة التي حدثت عند هيونداي فليش ننتظر لين تثبت الهيونداي
وجودها عملياً و ترتفع الأسعار والشريطية يطلبوها حتى نقول ان هيونداي ممتازة
وفي ذاك الوقت بتصير الأزيرا ب140 والسوناتا ب90 والإلنترا ب70 الف
خلنا نكون أذكى من الوكالات والشريطية ونآخذ السيارة بالسعر المعقول والجودة العالية دون تشرّط من احد
مثل عبد الطيف جميل

اذا ماكان عدنا منظمات لحفظ حقوق المستهلك فخلنا نرجع للمنظمات الأجنبية وهذا عصر
اللإنترنت .... ويكفي هيونداي انها تفوقت على نيسان حتى نقدّر ان كانت فعلاً قريبة من التويوتا ام لا

كل السيارتين حلوات
بس انا من رايي باخذ اوريون استخر
والله يوفقك

الآسيويه التي سرقت عقلي ( ازيرا )

تبهرك عند تجربتها |1|


اتوقع لو نزلو الازيرا بأسم تويوتا كان تشوف اللي يذمونها الحين قومو الدنيا ولا قعدوها ويحق لهم على الاقل تجيهم سياره هاديه وراسيه ولا عمرها صارت بتويوتا

واما ميتسوبيشي فـ حدث ولا حرج :D

يابويا اذا ماعندك فلوس تشتري الماني او لكزس او انفنيتي لا تاخذ الا ازيرا والباقي اكس لا اوريون ولا غيره من الورق اللهم لا شماته

اللي ما يعرف للصقر يشوية
واللي ما يطول العنب يقول عنه حاااامض


اخوي انت ما تفهم في الأزيرا ليش تفتي من عندك

^^^^^^^^

كلامك عين العقل

والمشكله اني ماجربت الأوريون ولا أدري عنها شي
عشان كذا ماقلت عنها ولا شي سواء بالمدح او الذم

ولكن تظل جودة تويوتا موجوده فيها

بس مثل ماقالوا الشباب الازيرا من فئه اعلى


خلاصه الكلام

تبي سيارة رياضيه وتمسك سعرها بالمستقبل

خذ اوريون

تبي فخامه وهدوء ورزه

خذ ازيرا


وصدقني ماراح تقتنع الا بتجربه السيارتين مثل ماسوا اخوي بلا حدود

لانك اذا ماجربت بيكون في نفسك شي من الازيرا عند شراء الاوريون والعكس صحيح

اخوي بما اني املك ازيرا بأفيدك باللي عندي

اول شي رساوتها ممتازة جدا بسبب نظام تعليقها المتطور ومقاس الكفر (او التاير:D)235/55 R17

لكنها قاسية شوي عالمطبات

محركها ممتاز وقوي وطرحت عليها كراون فكتوريا وماكسيما ولومينا LS

عزل صوت ممتاز الين 180 يبدا يطلع صوت الهوا بس بدون تنسيم

اقتصاديه بالبنزين (وقد مشاني التنك 760 كم:eek:)

بالنسبه للإضاءة الواطي ممتاز لكن العالي لك عليه

ولا تنسى النظام الصوتي الجبار فيها

قطع غيارها رخيصه ومناسبه

هذا اللي اذكره حاليا وافدتك باللي أقدر عليه

هلا فيك اخوي

تعبنا من هالمقارنه وتعبنا وحنا نقول الازيرا من فئه اعلى

انا ما انكر ان الاوريون سياره رائعه بس مو افضل من الازيرا كما ينكر البعض الازيرا ويتصيد العيوب اللي مالها علاقه بالسياره نفسها حتى لو كانت في البيع والشراء وسيارته هو شخصياً ما تمسك سعرها في البيع لكن عشان يعيب الازيرا صار سعر البيع عنده مهم وضروري وهذا اكبر دليل انه ماحصل شي يعيبه بالازيرا

ولو ان سعر البيع ايضاً مهم كان ما شفته في موضوع اخر يفضل الليجاسي على الكامري لكن كل هالتناقض وكل هالافتراءات عشان احد اطراف المقارنه سياره من هيونداي تشوف المفاهيم والاساسيات عنده تتغير في اي تجاه شرط ان يكون عكس هيونداي ... ولا اعلم لماذا !!!!


نصيحتي لك التجربه والتجربه والتجربه وراح تعرف ليش كنا نمدح الازيرا

قبل اسبوع بالضبط ولد خالتي عنده اوريون قراندي جرب سيارتي الازيرا مشوار بسيط بس وما يبي فكها تخيل يوم كامل هو اللي يسوق خخخ , قال لي بإختصار اذا سقت الاوريون تحس كأنك تسوق سياره عاديه اما الازيرا تحس انك تسوق سياره فخمه هدووووء سلاسه ونعومه وعدم احساس بالسرعه

ونفس ماحصل معي قبل ما اشتري الازيرا


فيكتور يذكر الفتره اللي احترت فيها قبل ما اشتري سياره ودايم اسأله واستفسر عنها وعن كل صغيره وكبيره ويذكر يوم كنت اقول له انا الحين معي الاوريون تجربه وعاجبتني وراسي عليها 90% لكن بعد ماجربت الازيرا شطبت شي اسمه اوريون من راسي

وعشان كذا انصحك تجربهم وتكون على بينه قبل ما تشتري اي وحده فيهم

وفيه موضوع مقارنه بين الازيرا والاوريون انصحك تراجعه صفحه صفحه وراح يفيدك كثير

http://assayyarat.com/forums/showthread.php?t=110087


وعلى طاري الطبلون المميز ترى للأزيرا بعد طبلون مميز لكن هذا جهلكم بالسياره ماخلاكم تشوفونه

وماتعرفون ماللازيرا وماعليها ولا في يوم جربتوها ومع ذلك تنتقدونها بقوه وفي نفس الوقت تتهمون غيركم بالتعصب !!!

اصبح الاتهام بالتعصب موضة المنتدى هاليومين


طبلون الازيرا



طبلون الاوريون





ولا تنسى ان الازيرا اخذت جائزة افضل سياره في فئتها لعام 2007

http://assayyarat.com/forums/showthread.php?t=116309

وجوائز لا تعد ولا تحصى سواءاً بالجوده او غيرها ويمكن مراجعة اراء خبراء السيارات عالمياً وجميعهم امتدحو الازيرا ويمكنك مراجعة اراء المستخدمين حول العالم في موقع ياهو او MSN وايضاً اراء اللي جربوها هنا بالمنتدى وجميعهم اثبتو انها سياره بإمكانيات عاليه

وفي النهايه اذكر لكم مقولة احد خبراء السياره عن الازيرا عند تجربتها بأحد البرامج يقول " ستفتخر بها لكزس لو صنعتها "

والله كلهم جيدين

بس مثل ماقالوا الشباب

تبى تبيع بعد فترة قريبة خذ اوريون

تبيها لك وللزمن خذ ازيرا والسيارة ذى اثبتت نفسها محليا وعالميا ويمديك ترجع للمواقع العالمية وتشوف

وخلك من الكلام الى من غير ادلة تعرف عندنا عقدة التويوتا

.

أزيـــــرا,,,

أزيـــــرا,,,

أزيـــــرا,,,

.

طبعاً الأزيرا أفضل

وصدقني اذا كنت طامع بالقوة الأزيرا ما بتخيبك أبد

صحيح الأوريون سيارة قوية لكن برضو الأزيرا ماهي قليلة والفرق البسيط بين القوتين ما يخوّل
الأوريون انها تكون أفضل من الأزيرا في حين الأزيرا تتمتع بالفخامة والجودة والمواصفات

واساسا الفرق بين قوة الأوريون والأزيرا ليس كبير
راجع الرابط هذا وشوف تسارع الأوريون ... طبعا الأورون هي كامري عليها مكينة ستة سلندر واسمها في أمريكا Camry V6 SE ... والتسارع المسجل لها هو 6.1 ثوان
http://www.autozine.org/html/Toyota/Camry.html#Camry

بينما الأزيرا 3.8 لتر تسارعها 6.5 ثانية ... يعني الفرق أربع أجزاء من الثانية وهي غير مهمة إلا للي يبي سيارة حق سباقات وقومات
http://www.autozine.org/html/Hyundai/Azera.html

وفيه مكينة ثانية للأزيرا بحجم 3.3 لتر وهي نفس المكينة اللي تجي على السوناتا وتسارع السوناتا بهالمكينة هو 7 ثوان
http://www.autozine.org/html/Hyundai/Sonata.html

والأزيرا بمكينة ال3.3 تجي بشاشة ملاحة عربية بس انت جرّب السيارة واحكم ايش الأنسب لك

أزيرا |1|
أزيرا |1|
أزيرا |1|

|3|

وعليكم السلام

اخوي انا كنت محتار مثلك بين الاوريون والازيرا

وماكذب عليك يوم خلصت الاجراءات كنت خايف ومتردد لين استلمت السيارة لكن يوم جربتها صراحه شالت من راسي شي اسمه اوريون وولد عمي معاه اوريون مكينه ماشاء الله اما مواصفات وشكل وفخامه الازيرا بمراحل كثيره وانت روح وشوف يكفي الازيرا فيها كاميرا خلفيه وذاكرة مقاعد والطاره ترتفع كهربائيا لما تطفي السياره وتنزل يوم تشغل السياره

يعني لكزس بشعار هيونداي

اما اذا كنت تبي تبيع الاوريون افضل والقوة لصالح الاوريون

وانت استخير والله يوفقك

واي شي بخصوص الازيرا انا حاضر

اخوك

عسول

السلام عليكم ورحمة الله

مساء الخير للجميع ....:cool:

بصراحه كلا السيارتان ماعليها كلام

انا شاورت الاخوان بالمنتدى وشريت الازيرا فل كامل بدون شاشه

وبصراحه سيارة تستاهل

الاوريون كمان ماعليها زود

يبقى الاختيار لك وصلي الاستخارة والله الموفق

تحياتي للجميع |3|

كل السيارتين متفوقة ..

يعني لو اخذت وحده ما راح تندم .. بس انت حدد اهدافك المستقبلية ..

يعني إذا ناوي تبيع بعدين , فأكيد الأوريون ..

إذا ناوي تطول السيارة معك , أكيد الأزيرا ..

نصيحة: (إذا تبي أزيرا) لا تفكر غير بـ 3.8 والشاشة |1|

بالتوفيق

:)

كلهن سيارات ماعليهم كلام|1|
مر المعارض وشوف السيارتين وخذ اللي يناسبك

بس لا تحسب عشان الازيرا كوري مايصبر ومايعيش

لا والله موتر عليه القيمه

سلام