أوريون أم أكورد ( 2008 ) ؟

أنصحك بالأكورد

فيه فرق في القوة كفرق السماء عن الارض لصالح الاوريون طبعا

بس شكل الاكورد اجمل

والسيارتين كلها مايحتاج احد يذم في جودتها

وارشح الاوريــون

بصراحة مقارنة صعبة.. لكن أرى أن الأوريون مريحة جداً من الداخل... والأكورد كذلك تحسنت مع الجيل الجديد..

ستة سلندرات بالطبع تعطي فارق عند التجاوز والصعود..

جمالية الشكل متروكة للرأي الخاص...

مواصفات الأوريون حسبما رأيت في الطراز الأعلى خيالية... وحتى الطراز الأدنى لا بأس بها...إضافة لجمال المقصورة..

العزل الصوتي في الأوريون ممتاز جداً من خلال تجربة... الأكورد الجديد غير متأكد منها...

هدوء المحرك رائع جداً لدى الأوريون...

( أعتقد أن محرك الأوريون وحيد V6 وكذلك ناقل الحركة -أوتو- بعكس الأكورد ذات الخيارات المزدوجة.. )


تحياتي لك وتمنياتي لك بالتوفيق...

وانا مثلك محتار بين
اكورد سبشل 2008 بـ 80.500 ريال
او اوريون ستاندر 2008 بـ 85.000 ريال

.....

بس ابي اسئل الشباب هل القطع الاستهلاكيه
كــ الفحمات والقماشات والمساحات والقطع الميكانيكيه ( طيعا غير قطع المكينه والقير )
هي نفسها اللي في الكامري ؟

وسؤااااال للي عنده اوريون كيف الثبات والعزل فيها

لأني محتار مثل صاحب الموضوووع ..
ايش تنصحوني بين السيارتين

وشكرا

100% الأوريون أفضل

و أقوى ،، و أريح ،، و أكشخ

و من شاف خلفية الأكورد 2008 ما بيشوف خير

مع احترامي للأكورد و أصحاب الأكورد

السلام عليكم

أشكر جميع إخواني اللي أكرموني بآرائهم و نصائحهم .

الحقيقة كان المفروض إني أطلب مقارنة بدل من إني أقول أيهم أفضل .. لأن ما فيه سيارة تحوي جميع المميزات ، لا بد فيها نقاط قوة و نقاط أقل قوة و نقاط ضعف .

على كل حال .. أنا اليوم رحت للوكالة .. و الخلاصة أنني اكتشفت أن جهاز الإنذار من الشركة المصنعة سيء ( سواء للومينا أو الكابريس ) و لا يقارن بجهاز الإنذار لموديلات 2006 الأفضل بكثير . تخيلوا يقول لي الموظف إن القزاز المثلث الخلفي إذا انكسر لا ينطلق جهاز الإنذار !! بالإضافة إلى ذلك لو فتحت الدرج و ضغطت على زر الشنطة راح تنفتح معك الشنطة على طول !! يعني الاستبنة مسروقة مسروقة إذا نواها واحد من شياطين الإنس الله لا يبارك فيهم .

على الأقل الكامري اللي كانت معي كان لشنطتها قفل .. قفّل الشنطة و ازهلها حتى لو انك ناسي تقفل البيبان . و هذا اللي موجود في الأوريون .. لكني ما وجدته في الهوندا .. الأكورد ما لها قفل للشنطة ، لكن ما أظن شركة محترمة مثل الهوندا تجعل سيارتها لقمة سائغة للحرامية .. و هذا ما أود التأكد منه من أصحاب الأكورد للاطمئنان .

طبعا بالإضافة إلى المقارنة من حيث الجودة .. و كذلك أمر مهم نسيت أذكره في البداية و اللي هو عزل الصوت و الهدوء .. لأن لي تجربة مع الكامري اللي عزل الصوت فيها خصوصا من ناحية الشبابيك ليس على المستوى المطلوب و إن كان غير مزعج بشكل ملحوظ .

و آسف على الإطالة ..

السلام عليكم
أنا معاي أوريون 2007 و ولد خالتي عنده أكورد 2008
بصراحة السيارتين ماعليهم خلاف و 100%
الأوريون دعستها جبارة و ماتحس بالسرعة أحيانا أوصل 180 و لا أحس إني مسرع
الأكورد تحسها أثبت في اللفات و أقسى في المطبات و بصراحة تخاف عليها من حفر شوارعنا
أما الاوريون فأنا بصراحة ماأحس بالمطبات و لا تهمني لأن الضمان 100 ألف

ويش دخل الافلون ؟؟؟؟؟؟
ياخي اذا ما تعرف شي في السيارة سكت
الاوريون افضل من الاكورد سته سلندر كيف اربعه؟؟؟؟؟؟؟؟؟؟؟؟

السلام عليكم ورحمة الله وبركاتة

انصحك بالاستخارة في الاكورد ستة سلندر والله يوفقك

مافيه مقارنه لو انا منك اخذ اكورد بدون ما احتار والاسباب هي:
1-الافالون افضل من الاوريانو وما سلمت من المشاكل والخرابات فما بالك بالاوريانو
2-الاكورد جودتها ما تقارن مع الاوريانو الاكورد هي الافضل يكفيك انها ياباني يعني افضل السيارات في العالم الالماني بعدها الياباني
3-وفيه مقارنة قريتها في هذ1 المنتدا واخذت الاكورد المركز الرابع في جودة التصنيع
وانا عمري ما شفت احد يسب الاكورد من ناحيت الاستخدام من يوم ما اخترعو السياراة الي يومنا هذ1 العيب الوحيد هو غلاء قطع الغيار بس بصراحة كانك راكب سيارة المانية مو يبانيه

شوف الجوده والمتانه و...
تلقاها بالأكورد بس اذا مره بتشتري سياره عشان الاستبنه خذ اوريون


وعامة المقارنه حقتكك بالذات الاوريون افضل عشان الأكورد 4 سلندر

السلام عليكم

اهلين أخوي ...

اولاً الله يعوض عليك ...

وثانياً ما فيه مقارنه بين فئتين وحده نص فُل 6 سلندر والثانيه نص فُل أربعه سلندر ..

يعني الأولى قول أكورد فُل كامل 4 سلندر ..(( أيضاً تعتبر أقل حين مقارنه 6 سلندرات بـ 4 ))


من ناحيه الجوده ...

الهوندا (( أكورد )) أعلى جوده وحسب منظورنا الشخصي وأيضاً حسب الشركات العالميه للتقييم ..

وبينهم فارق بسيط لعله لا يذكر ...




وبالنسبه للسرقه ..

بتنسرق في الاوريون لأن الأستبنه جنط وفيها قفل (( وأيضاً تسرق لو سهيت عنها مره وما قفلتها ))

(( صاحبي محاولة سرقتها خمس مرات " تغيير المثلث خمس مرات " وفي الأخير سرق الأستبنه

طبعاً بعد سرقه الشماغ في المره الأولى هو الأي بود ..))

طبعاً كل سياره فيها حقها بس الكامري والكامري 6 سلندر (( أوريون )) فيها زود حبتين ...

لكن إن لو كنت بمكانك والسياره (( اللومينا جابت قيمه بعتها ما جابت أخليها معي وأحافظ عليها ))



الله يعطيك خيرها ويكفيك شرها

تحيه طيبه

بالنسبه للنقاط اللتي ذكرت ارشح الاوريون بكل تأكيد

ولا تتوهق في الاكورد زي ما توهقت في اللومينا

والله يوفقك في اللى تختار