فضيحه لاندكروزر 2008

مايحتاج اجربه اخوي علشان احكم عليه .... المقطع قطع الشك باليقين

على العموم مشكور على الرد والله يعافيك

مشكور اخوي عاشق العباره على المرور

وعلى قولتك ماشفنا منه شي

الدافع وراء بث هذا المقطع اظهار الحقيقه ..... ماهو تعصب

وانا واعوذ من كلمة انا افضل الموديل السابق اكثر من الحالي

والباترول وش دخله بالموضوع..

السلام عليكم

مشكور على المقطع وممكن اي سيارة اخرى تمر في نفس الموقع

ملاحضتي حقيقة على تسمية السيارة مفخرة الارض فاني ارى انه اسم اكبر منها

المشكلة من السواق صحيح

لكن هل اقتنعتوا يا محبين تويوتا ان الخلل في السواق لانه لو كان همر الي مغرز كان نشرتوها في ال CNN وقلتوا فضيحة وبكل مكابرة مو راضين تعترفون ان العيب في السواق الحين لما صارت السيارة المغرزة لانكرورر صار لكم كلام ثاني ان العيب في السواق

عادي جدا لان التغريز في كل السيارات حتى الهمرh1 يغرز هذا مايدل على ان السيارت ماهي قويةهذا يدل على السايق انه ماشي على الرمل بخفة

اسمح لي عزيزي أقول انه العنوان مبالغ فيه
وانا ما يعجبني اللاندكروز القديم و الجديد:confused: ((بالفطره)) امزح
المهم قول لي عن سياره ما تغررز بالرمل وانا اخليها تغرز؟
ترا السواق له دور كبير وانا سيارتي(بليزر) من اسرع السيارات اللي تعلق في الرمل بس
تعودت عليها وعلى البر ولكل واحد نظرته في البر وكيف يتصرف ومعرفة قدرة السياره
والسلام خير ختام|3|

المطقع بكل أختصار لايعد فضيحه .. هي بالأول و بالاخير على السائق ..

و الله هذا الكلام الصحيح الخالي من التحيز و العواطف |1| ما أحوجنا للعقلاء |6|
طبعا هذا لا يعني حبي للاند أو تويوتا بشكل عام و لكن الحق يقال|3|

فضيحة ؟؟
صراحة انت غريب يااخوي اذا تعتبر مقطع لجيب مغرز فضيحة فهذا معناها ان كل الجيوب لها فضايح ..
الموضوع اشبه بتحدي اطفال .. بعد شوي بيجيك واحد من شعب تويوتا ويحط لك مقطع لنيسان مغرز ..
ولكن خلنا في الواقع .. انت وضعت مقطع للاندكروزر مغرز وقلت عنه فضيحة ..
اختار اي جيب في العالم و ابحث عنه في يوتيوب وبتلاقي له مقاطع واجد وهو مغرز ..
يااخي حتى الدبابات لها مقاطع وهي مغرزة ..

أنا في تجربة اللاند الجديد VX مريت بنفس الموقف وخرجت بكل سهولة.

هذا الظاهر GX.

ولو تروح الهاف مون أو الثمامة، تجد جميع أنواع السيارات في مواقف متشابهة، ما أدري بأي منطق تعتبر هذا عيب في السيارة.

وأنا مرة في الهاف مون في الصباح الباكر، لقيت يوكون معلق بنفس الموقف تماماً، ولاند كروزر VXR أمامه حاول يطلعه وغرز معه. لما جيتهم لقيتهم بهذه الحال فشيكت لقيت كل السيارتين كفارتهم محجرة. نسمت اللاند كروزر إلين 15، وخرج من غير سحب أو حفر، لحاله. أما اليوكون إضطريت أسحبه نتع بسيارتي إلين طلعته.

أفضل رد بصراحة

لا والله يامجنون الباترول الا هالسواق الغشيم , و الا هالسيارة داخله مزاجي , بس لو شفته ان كان سحبته بالشاص حقي

السلام عليكم
اخواني الاعزاء بصراحة انا مع مقولة ان الموتر بروحه مايحكم لازم السواق اكون عارف للموتر فالي متعود على الامريكي مايعرف على الياباني الا بعد التعرف على الموتر من ناحية العزم و الوزن في التجربة و يمكن اللاند ثقيل او الشخص قاعد يتعرف على قدراته و يمكن انه غشيم لاكن لا نحكم عليه بهالسرعة (انا من غير محبي اللاند الجديد) لكن الواحد مايبي اكون متعصب لرأيه

على فكرة انا ظد فكرة تنسيم الكفرات (الموتر القوي و السواق الحريف ماينسم الا اذا فقد الامل نهائيا)
احنا ما انسم الكفرات الا اذا احد طبع و صارله ساعة موقادر يطلع و مافي احد اسحبه
انا اطعس في الارمادا و الضغط 41 و الحمد لله الموتر اطير على الرمال و رمل بحر و كثبان و ماواجهت اي مشكلة و لله الحمد و لو بنسم ماراح انسم اقل من 30 او 25 ولا اعتبرها كسرت عين لي و للموتر
فحلات الموتر بدون تعديلات ولا تنسيم عشان تعرف طيبه و طيب راعيه ولا شرايكم

يا اخوان الرجال جالس يجرب نظام التغريز بالسيارة والا بالله احد يغرز في مكان زي كذا؟
الشغله مفتعله وشكرا

السواااااااااااااااااااااااااق قاعد يحفر الاخ وين كان من البدايه يا نسم زياده او هدا شوي عليه هذا قاعد يلعب

مشكووووووووووور على المقطع

فيه ناس تحب هالمصطلحات فضيحه ومن هالطقه :)

المهم انا مثل ما قلت لو تجيب واحد سبق وطب في الطعوس عرف يسوقه

بس هذا الي مصورينه تلقاه يصج اهله بشتري لاند حلوووو شراله ابوه لاند

و طب في الطعوس اول مرة يطب فيها شكله و قعد يحفر وش تبيه يزين

يعني لو تجي انت يا اخوي مجنون باترول اذا انت تعرف تطعس بتمشي به مثل الالف

ولا انا ااكد لك العيب مهوب في الموتر . و بالعقل لاند يغرز هالتغرز ولا يطلع الحين

تجيك جيوب اضعف منه بكثير و تمشي مثل الالف و هذا يغرز ما يصير ولا لا ؟؟؟!!!

على العموم لا تلعبون على انفسكم و الله يعافيك على الموضوع