استفسارلأصحاب السوناتا

أوكيه ... مرة ثانية ... "كل شركة عندها موديلات غالية وموديلات رخيصة ... مافي شركة كفرات عندها موديل كفرات واحد"

هذي موديلات الكفرات إلي تصنعها بريلي
وزي ما تشوف عندها أكثر من 30 موديل للكفرات كل كفر يجي بمقاسات مختلفة
وهانكوك عندها أكثر من 6 موديلات للكفرات ونفس الشيء كل كفر يجي بمقاسات مختلفة


وماني خبرة في الكفرات ... لكني إذا جيت آخذ موديل كفرات جديد أحاول أدور في النت عن الموديل إلي يناسب أحتياجي وأشوف آراء الناس إلي اشترته ... وبعدين أدور عنه عند الوكلاء ... لأن أغلب محلات البنشريه هنا ماعندهم سالفة ... أجي أسألهم عندكم بيردجستون بوتانزا G3 ... يقولون أيه ويروح المخزن ويغيب خمس دقايق ويجيب لي بريدجستون ترانزا ويقولي هذا هو ... أقوله هذا ترانزا ... يقولي كلهم بيردجستون

جرب تستعمل الموقع إلي فوق اظنه راح يساعدك في الإختيار

^^^^^^^^^^^

بريللي ماعندهم غير نوع واحد وصناعته الماني

أما القوديير عندهم نوع ثاني صيني بـ500 ريال


أما الهانكوك عندهم نوعين

دعسه عاديه (زي حقت الوكاله) بـ420
دعسه رياضيه 400 ريال


الله يرضى على السوناتا كفرها الدانلوب بـ290:)


طيب أخوي مادامك خبره بالكفرات كم تتوقع سعر الدانلوب لسيارتي؟؟

ويعطيك العافية;)

شكل القوديير والبريلي إلي سألت عنهم من الموديلات عالية الجودة
والكومهو والهانكوك من الموديلات الرخيصة إلي تمشي الحال وخلاص

كل شركة عندها موديلات غالية وموديلات رخيصة ... مافي شركة كفرات عندها موديل كفرات واحد

الله يخلي الهانكوك والكومهو


ياشباب اليوم رحت لقود يير

وعندهم الكفر الواحد 950!!!!!!!

وبعدها رحت لبريلي والكفر الواحد 1350 :eek::eek::eek:


الكومهو والهانكوك بـ|1|420

طبعا الأسعار هذي للأزيرا

نصيحة مني خذلك كفرات ميشلان بايلوت Michelin Pilot

انا معي سوناتا جنوط16 مبركبها عليها وما شاء الله ثبات في الطريق وهدوء

شريت الطقم 4 كفرات 1720 ريال مقاساتها 16-225-55

ولها تقريبا سنه وشوي

هلا والله اخوي مايكروسوفت ... أنا ادخل بشكل شبه دائم لكن ما ارد ... لأني اكون مستعجل ومشغول بالإختبارات و الـQuizzes إلي إن شاء الله يوفق الجميع فيها :)

ما شاء الله عليك

وينك يالغالي .. فقدناك

لا تحرمنا من معلوماتك القيمة

|1|

بالنسبه للكفرات ، فالأفضل هو بيرللي ، ولكن مثل ماذكرت سعره يكسر الظهر.
المهم أسأل عن كفرات تويو تراها مريحه على المطبات وهاديه ولا ليها أي صوت وهذه أحسن ميزه في هالكفرات، وأيضاً السموتومو والهانكوك والكومهو نوعيات جيده ولابأس بها ، بس إذا كنت ماتحب الإزعاج أبتعد عن النقشات الرياضيه تراها إزعاج مره.
بالتوفيق.

البعض هنا نصايحه زي نصايح البنشريه ... كلام عام وماله معنى :D
فعلى الأقل لما تذكر كفر من الشركة الفلانية او العلانية فذكر موديل الكفر مش بس الشركة الصانعة

أغلب الشركات إلي تصنع الكفرات تكون عندها موديلات رياضية تعطي ثبات وتماسك كبير بالإزفلت لكن صوت إحتكاك الكفر بالأرضية يكون عالي نسبياً ... وموديلات تكون هدئة وتماسك ممتاز لكن مش مثل الفئات الرياضية

أنا على سيارتي استعملت 3 أطقم من Bridgestone Potenza G3 لأنه ممتازة على الآخر بالنسبة لإحتياجي ... وكذلك جربناها على سوناتا 2005/2006 بجنوط مقاس 17 (جنوط الوكالة) وكانت ممتازلة بعد ... ما أدري إذا مودليل الـG3 مازل ينباع (قبل شهر تقريباً احتجت كفر أضافي ومالقيته إلا بصعوبة وكان مصنوع 2006 لأنه على كلام المحل إنه توقف إنتاجه) سعره للجنط السوناتا 17 كان في حدود 550 ريال للكفر الواحد ... تبغي موديل أفضل شوف Potenza RE050 أو Potenza RE050A

تبغي موديل مريح وهادئ وسعره اقل فأظن إن موديلات Bridgestone Turanza راح تكون مناسبه لك

ولا يغرك شكل مداس (نقشة) الكفر فهي ما تنعي إنه رياضي، فهذا الكفر شكله ما يوحي إنه رياضي ... لكنه يجي من المصنع على سيارات فيراري وبعض سيارات مرسيديس AMG

منورين الموضوع:)

^^^^^^^

225

.
.
طيب سؤال...كم مقاس جنوط السوناتا مقاس 17 بوصة الشد بلد...؟؟
.
.
طبعا أقصد من ناحية العرض,,,
.
.

اشكرك ابوخميس


بس الرياضي مثل ماقلت ازعاج


الدعسه العاديه افضل بكثيير


تسلم يمينك

والله أنـــا غيــرت الكفرات المره الأولى هانكوك H حلو وهاديء بــس يعيبــه أنـــه يتصعرر من الجفـر على طوول
وبــعدها ركــبت هانكوك ZR95W دعســه ريــاضيــه جابتلي الهــم |5| أزعـــاج الأرض فيها قويــه كأنــي فاتح شــباك بالأرض بـــس أنـــها راسيــه لدرجــه غييـــر طبيعيـــه
والكفــرات الأولى لازم تحط ضغط الكفرات أقل شي أربعين عشان تفتك من الكفر لا يخرب

بس الرياضيـه لا عادي أوقات اخلي ضغط الكفرات 25

تسلمون على وجهات النظر


بس رحت وسألت واستفسرت:D عن التويو مع ناس جربوها


ومدحوها مطبها لين وهادي وسعرها بلنسبه لمقاس17 زين من 420الى 450


بس باقي على كفرات بتاريخ2008 شهر قالو اصبر احسن لك لأن يمكن تنزل مواصفات جديده



الي عنده معلومات عن كفرات او اي شي لايبخل علينا لتعم الفايده لي ولكم:)

بالخدمه يالغالي

وان شاءالله يفيدك

الله يرضى عليك يابلا حدود

والموقع بأدخله وشوف وش سالفته

^
^

فيكتور هذا موقع عن جميع انواع الكفرات تقدر تبحث عن اي كفر وتشوف امكانياته

وفيه بعد مقارنه بين اغلب الكفرات ويوضح لك في المقارنه هدوء الكفر, الليونه ,التآكل .. الخ

اذا تعرف انجلش بتستفيد منه كثير

http://www.tirerack.com/tires/surveyresults/surveydisplay.jsp?type=UHP

واذا قررت تاخذ كفر احرص انك تاخذه من وكيله مو من البناشر وانتبه بعد لتاريخ الكفر لا يكون مخزن فتره طويله

وبالتوفيق