هيونداي تيراكان المتين يصارع من أجل الحياة ( ( مقطع فيديو مضحك ومؤلم ))

حياك يا ابو انس
130000-70000=60000 ريال
باجيرو- سورنيتو=60000 ريال
بس تكفى لا تقول ما يمكن
السورنيتو فيه شاصي والباجيرو لالالالالا
يعني لحم بدون عظام وصوت الهوا فيه مزعج
والسورنيتو 3.8 يسحب عليه سلام سلام
ومن ناحية المكدة لا لقي العاقل والله مايبلى مير خذ علم
و 60000 الباقية دور لك بها شغيله تمشي حالك وقول للناس الكوري فيه بوري ّّ!!!!!!!!!!!!!!!!

هلا والله بحبينا أبوأنس


كلامك صحيح وعين الصواب .. لكن .!!

هذا في السابق أما الآن الوضع إختلف

جودة تويوتا في نزول عن السابق

وجودة هونداي في إرتفاع عامودي

|1|

أولا : الشيخ جابته أمك >>> على فكرة هذي واحد قالها لي بغيت أطاق معه على بالي سبني :D

حبيب قلبي ماكس تورك والله وانا خوك كلنا على قد حالنا بس وشرايك وأنا خوك أن تزود قريشاتك شوي وتشتري لك جيب لك وللعمر ولا تأخذ لك شي عمره الافتراضي قصير >>> أحسبه صح |1|

وأنا عارف أنا الأسعار طايره فوق لكن صدق سعر الجيب هذا 70000 الف ريال :confused:

لأن البايجيرو كامل المواصفات 130000ألف ريال وياباني 100% ;)

وأقول مثل ماقلت أنت الحمد لله أولاً وأخراً

وحياك يالغالي تراني أحب أمزح معك :D

محبك أبو أنس :)

شاكر مرورك كوراندو
صحيح الديكور الداخلي للفيرا كروز خيالي وعصري جدا خصوصا الاسود مع الاحمر الطوبي
بس ياليت اللي جرب قدراته في الرمال والبر يفيدنا مشكورا مأجورا . . . . . . . .

الله يسلمك أخوي DaBDoB

الفيراكروز جيب ماعليه كلام مواصفات ورفاهيه مايصف بجنبها لا التيراكان ولا السورنتو
وخصوصاً نوعيه وجودة المواد الداخليه وللي ركب الفيراكروز يعرف كلامي الطبلون من فوق إلى تحت إلى الدرج الوسطي وهو من الماده الرغويه والبيبان برضه طبعاً ما عدا الجزء السفلي من الباب لازم يكون بلاستك بسبة الدرج لازم يكون قاسي لايتقطع مع شيل وحط الأغراض ( ياليت الناس تستفيد من حواسها وتحكم على الشي بأكثر من حاسة السمع أو النضر فقط ) ياليت يستفاد من حاسة اللمس .
الوالد معه قراند شيروكي موديل 2005 فل الفل كل مافيه بلاستك ومن البلاستك الرديء الجلنط يرج وعصى القير بعد ودعاست البنزين تتحرك يمين ويسار يعني مافيه تماسك
ولا تحس أنك راكب سياره سعرها فوق ال 140 ألف هو أحسن مافيه الدبل لاكن هذا مايبرر سعره أبداً مايسوي أحط فيه أكثر من 90 ألف

تسلم اخوي على المقاطع والمجهود
وعفيه عليها السياره صرااحه انها تحملت كل هذا

ومن ناحية جيب الهيونداي انا من ملاك الفيراكروز وصراحة ما عليها كلام

الشيخ ابو انس احنا على قد حالنا ولا نقدر نشتري الياباني حقكم
يعني جيب فل كامل ب 70000 ريال احسن من كورولا فل ب 65000
والدراهم بمخباة ابو جميل وانت مبسوووووووووووط
وقول الحمدلله اولا وآخرا-----

مشكوور اخوي على المقطع...
ذكرتني بالمقطع اللي عن هايلوكس تويوتا القديم طبعا في قناة توب قير...
كان الكل يتكلم عن قوة تحمل سيارات تويوتا ومن هذا القبيل !!
ومستعد ارفق بعض الردود اللي عظمت ومجدت تويوتا بعد المقطع!!
لكن الان العكس تماما حتى ان بعض الاعضاء يقول لا يظحكون عليك الشباب :D
مدري كيف تبي تقنعهم !!
بجد قوة تحمل ممتازه خصوصا انه سقط من ارتفاع كبير جدا يفوق في اعتقادي 10 امتار!!
مع ذلك رجع واشتغل حتى انه تحرك من مكانه يعني القير والدفرنسات تقريبا شبه سليمه !!

لكن لو تلاحظون ان المكينه ديزل ((سواءا الهايلوكس او التريكان)) والديزل معروف عنه القوه والتحمل !!


وشكرا الف شكرا على المقاطع الاكثر من رائعه..
تحياتي
سراب الود

مشكورين أخواني على المشاركه

المقصود من المقاطع عشان بس مايزعل أحد أن التيراكان ماعليه يمشي في البر :D
لأن بعض الإخوان يسأل ليش ماطلعت هيونداي وكيا جيب ينفع للبر :rolleyes: وهنا الجواب لاتنسون التيراكان والسورنتو
والحمد لله شاركنا الأخ ماكس تورك وأفادنا بتجربته ماقصر الله يعطيه العافيه .

لا تعليق
.
.
تعبنا وحنا نصيح ونعلق

مشكوووووووووووووور

^
^

المشكله انكم دايم تقولون جيبو الدليل واذا جاء صار شي عادي عندكم ,, لو ان المقطع لسياره اخرى كان شفنا التبجيل المعتاد منكم

اعزي هالمنتدى على تواجد من هم مثلك فيه

طفية السيارة واعادة تشغيلها صارت شي خارق ..!!

تدري بقولك شي .. صارت قبل كم سنة مطاردة بين لكزس 98 مسروقة وشباب على سفاري وسيارات ثانية وتعبوا وهم يصدمون فيها عشان توقف وتطفى وماقدروا .. كل ما صدموها افترت وكملت طريقها .. !!

نصيحة أخوية ياشباب لايشوفكم شباب الياباني علشان ما يضحكون عليكم :D

انا شخصيا جربت جميع انواع التيراكان العايدي والاوتوماتيك والديزل والبانزين
الديزل 2.5 لنر 100 حصان تيربو ولا بأس به
ام البنزين 3.5 لتر 200 حصان وخاصة الاتوماتيك فهو سيارة بمعنى الكلمة ويجي منه نوع تيربو
وفي الرمل والطلوع خذ ولد والدبل كهرباء من 2001 اللي توه جاي في التويوتا 2008
احلى الالوان عليه ؛ الابيض - الاسود - البحري - الفضي
والفيرا كروز هو التيراكان المطور

هههههههههههه ااااااااييي

بصراحه ابو صلعه ذا ما يصلح له الا مدرعه او دبابه وياله بعد:D

بس والله حرام الي سواه في التيركان و..والله اي سياره راح تكون نفس

مصيرها

التيركان خلاص وقف في 2007 ويقولون ان الي نزل بداله الفيركروز

تحياتي