القطع ومشاكلها

ماشاء الله على هالمعلومات المفيدة
وشكرا لمرورك ومشاركتك

السلام عليكم

الفيوزات = ماتشتغل اللمبات او الولاعه او نور المسجل او الطبلون الخ

جلد البدي = اذا مسكت بريك بقوه تحس بفراغ

الجمبينات = تطلع صوت مثل احتكاك الحديد او السياره بكل مطبه تنطط

الاذرعه = فراغ بالدركسون او لفه صغيره

الهبات = رجه اذا مشيت بسرعه ومسكت بريك

اذا طار الترصيص = رجه بالسياره اذا سرعت

العكوس = طقطقه بالفات لين ينكسر بعدين ما تمشي السياره (الدفع الامامي)

نقص زين المكينه = صوت طقطقه العمود

المكينه مخبطه = تطلع كربنه كثيره (غير لها بواجي وتستعدل 3 اسابيع)

كراسي المكينه = رجه مع التشغيل وتتكسر العكوس

كراسي الغير = رجه بالسياره

مواصير الزيت للبريك = تآكل الهبات او الفحمات بسرعه

اذا ارتخى حبل الهند بريك = تصير سحبت الهند طويله وخفيفه

عمود المكينه = صوت طقطقه بالمكينه

وهذي بعض الاشيا الي جربتها انشالله تفيدكم واسفين عالقصور

قبل يمكن 3 أيام كانت السيارة عندي ما تغير مزبوط (القير أتوماتيك)
أول شي تطول في الترس إلين تزيد السرعة والضغط على الماكينة وبعدين تنتع نتعة قوية تخلي السيارة تفحط أحيانا
ودورت إلين لقيت المشكلة أسلاك متقطعة في حساس يشبه الحساس التالي كأنه هو:eek: بس حسب معلوماتي إنه حساس البخاخ ووصلت الأسلاك في البيت ورجع زي ماكان (القير)


ونفهم إن حساس القير الأتوماتيك يسبب نتعه وعدم تغيير مزبوط:(

وين الناس وين المشاركات

الله يعطيك العافيه على هذا المتيز

الرديتر

إذا إنسد أو خرب تسخن السيارة


بلف الحرارة
إذا خرب (ينسد أو يبقى مفتوح) يسبب أحيانا زيادة في صرفية البنزين وإذا إنسد يسبب إرتفاع الحرارة
وهو ينظم دخول الماء إلى الماكينة ويعطيها حرارة ثابته من المصنع


طرمبة الماء

إذا خربت تلاقيها تنقط ماء وترتفع الحرارة بشكل ملحوظ


مراوح التبرد
وظيفتها التبريد إذا خربت طبعا تسخن السيارة وهي واقفه أو في الزحمة

وهي نوعان نوع مع الماكينة


ونوع كهربائي


حساس الحرارة
إذا خرب تلاقي المراوح ما تشتغل مزبوط ومؤشر الحرارة متلخبط


|3|

اليايات

إذا خربت تسبب ميلان في السيارة وعدم إستقرار وأصوات مزعجة وأصلا اليايات ما تخرب إلا نادرا


المساعدات
إذا خربت تسبب إهتزاز في السيارة وتدني كفاءة الفرامل عدم إستقرارها في المنعطفات وعدم الراحة لأنه يعتبر من وسائل الراحه في السيارة

الهوبات

الهوب :rolleyes: أحيانا يسبب رجة في السيارة عند الضغط على الفرامل وعدم كفاءة في التوقف ويحتاج لخرط (تسوية سطحة)



الكليبر رقم (2) في الصورة والقماش رقم (1) والهوب رقم (3)
الكليبر إذا خرب الفرامل ماتمسك زين وتلاقيها معلقة وتحرق القماش بسرعة وتمسك السيارة بكفر واحد هو إللي عنده الكليبر خربان
والقماش إذا خرب (إنمسح) يخرب الهوب ويطلع صوت وما تمسك فرامل بكفاءة

وكمان قطع زيادة

الكلتش

عند خرابة (إحتراقة) تلاقي السيارة ما تعشق زين إلا بعد ما تطفشك وما تتحول كامل طاقة الماكينة للقير



رأس الماكينة
إذا إنشعر تسخن السيارة والماء ينقص ويطلع هواء من الرديتر:confused:

مشكور على الموضوع الرائع وفكرته الاروع
باتكلم عن سيارتي(جراند ماركيز) واهم قطع الي تخلي راعين الفرود ينجون بعض الاحيان
هذي القطعة كويل(سلك بوجي قديما) اذا انتهى عمرها الزمني تبدا بالتقطيع(تنتيع)وقد يكون السبب غير انتهاء عمرها الزمني
اما غسل المكينة
او ان الثلاجة حقت المكينة تسرب موية فيجي الكويل ماء فيسبب عطل فيه ويجب تغيره مع الثلاجة
يعني بالمختصر العدو للكويل هو الماء فانصح اخواني انهم مايغسلون المكينة بالماء لانه ماراح يفيدها بشي
مسدس الهوا كافي بازالة الغبار والتراب من المكينة والمروحة
امل ان تفيدكم مشاركتي|3|

أخي اكسل
بعد التحية والإحترام
نستفيد من مشاركتك إن
حساس البخاخ إذا بدأ يخرب أو إذا خرب يسبب إرتفاع في صوت المحرك وإنخفاض :D
مشكور على المشاركة والمرور |1|

تركيب صفاية البنزين بصفه عامه سهل( تقدر تركبها بنفسك) كلها مسمارين في الماصورتين إللي توصل في الصفاية وتفكها من قاعدتها
لكن لازم تلاحظ موقع الصفاية إذا كان سهل الحمد لله
وإذا كان صعب الله يعينك توديها لورشه فاهمين

إذا شغلت السيارة وقامت تشكل مرة يرتفع صوت المحرك ومرة ينخفض

هذا على طول حساسات البخاخ قيمتها 120 ريال فقط وأنت تركبها بنفسك

تجي بجانب البخاخ ولها مسمار تثبيت واحد فقط وفيش فك المسمار وافصل الفيش

وركب الجديد وشبك الفيش وراح تلاحظ الفرق على طول

صوت صافي 100%

مساء الخير ......


ياشباب هل تركيب صفاية البنزين صعب ولا سهل ؟؟؟؟
لأني ماغيرته من يوم شريت السيارة والحين صار لي 3 سنوات

إذا كان سهل بوديه اي مكان
اذا صعب ويبي له دقة بوديها الوكالة ...


تحياتي ،،،

أخي الغالي كامري 2005
يجب أولا معرفة ما معنى تصفية ماكينة
تصفية ماكينة = هي تغيير كل من /
أسلاك البواجي
البواجي
صفاية البنزين
تنظيف البخاخات
تغيير فلتر الهواء
إحتمال يقوموا بفحص الحساسات حق الهوا والبخاخ
وبعض الصيانات الخفيفة
والهدف أن أخبرك أن تغيير أسلاك البواجي من ضمن تصفية الماكينة
وأتوقع إن سيارتك ما فيها أسلاك بواجي يعني كويلات على طول
وإذا كانت الريحة تروح إذا حميت السيارة فإحتمال من البواجي
والخبراء راح يفيدونك أكثر مني
وتقبل تقصيري في الرد

اهوووه نسيت اقول لك ان المشكلة عند تشغيل السياره وهي بارده وبعدما تحمى تنتهي المشكلة!!!

بسم الله الرحمن الرحيم

اخي الكريم الفاضل الهكرجي

السلام عليكم ورحمة الله وبركاته

مبروك مقدماً على تثبيت الموضوع الأكثر من رائع وجزاك الله كل خير ...

لقد ذكرت انه عدم تغيير اسلاك البواجي يسبب ريحة قويه من جهة الشكمان وأنا الاحظ هذه المشكلة في سيارتي كامري 2005 اوتوماتيك ماشي فوق الـ 60.00 كم والوكالة قالوا لي نسوي تصفية للمكينة في هذه الصيانة ( صيانة الـ 60.000 ) ما أدري هل فعلاً تحتاج المكينة الى تصفية ؟؟؟ وقيمتها 600 ستمائة ريال فقط!!!

انتظر الرد بارك الله فيك.

تذكرت قطعة:D

<<< على البركة

فيه قطعة أسمها الشائع (( البيرنق ))
البيرنق = موجودة في جميع الكفرات وهي الي تربط الكفر بالسيارة
طبعا ً مثبتة في السيارة ونربط بينها وبين الكفر بالبلوط ( مدري وش تسمونها :D ))

مرة سويت حادث وجات الضرربة في الكفر
وتعور البيرنق وصار يطلع صوت حنة وكل ماتزيد السرعة يزيد وبعد 110 يختفي
وكان الصوت بقلبك :D

الحمد لله غيرت البيرنق وصار كل شي تمام |1|


تحياتي ،،،

شكرا على المعلومات الجديدة وخاصة فلتر المكيف أنا أول مره أعرف إن للمكيف فلتر
هل الفلتر هذا يستخدم للفريون أم لتنقية الهواء الداخل للسيارة
وتقبل ودي
وشكرا