هل تركيب الكشافات العلويه يؤثر على كهرباء السيارة ومارأيكم فيها .

بصراحة عن نفسي أمور زي الكهرباء ما أركبها ولا أقربها في الغرابي أطلاقا

ركبها في الوكالة وريح بالك أن شاء الله تطلع 3 أضعاف قيمتها أهم شيء شغل وكالة لأن الغرابي كل شيء عندهم خرابيط وأفلقني يحطون لك أصلي

تذكرني بسالفة صارت لي

رحت لواحد عندنا في البديعة مشهور جدا والي يشتغلون فيه سعوديين محل أسمه أضواء الزينون سويت شبك أنوار العالي والواطي في الجمس بحيث لما أكبس ما يطفى الواطي ويكون أفضل في الأنارة
المهم حط لي أكتاوت وأسلاك من عنده
بعدها الوضع أوكي
بعد مدة من الزمن صارت الأنوار تطفي علي كلها ولا شيء يولع من العالي والواطي تخيل! والله مقلب لو تصير لي في خط ولا في ليل
رحت لهم وكل واحد سبهه أكثر من الثاني ما يدري وش القصة قالي يمكنك ماط السلك ولا زي كذا <<< أقطع أم التصريف يا شيخ يدلك على الدلاخة
ورحت عند كهربائي فاهم فلبيني
أكتشف المشكلة أنها من الأكتاوت ومن السلك نفسه! يقولي تجاري تيواني فا وش رايك؟!
نصيحة كل الي في أبو الغرابي تجاااااااااااري لا تخرب سيارتك وناخوك تراها غالية ولا تستاهل :) مهب كامري تلعب فيها بكيفك :D