بسم الله الرحمن الرحيم
أنا عملت صيانة لسيارتي الإلنترا 2006 من شهر تقريباً وما جازت لي خدمتهم (صيانة ال45 الف كيلو)
أولا الموظفين غير واقعيين في اعلام العميل عن وضع السيارة
اذا اتصلت لهم يقولوا ما بقى شي ويمكن تقعد السيارة يومين عشان هالكلمة
وحتى كان فيه عميل سمعته يتكلم مع موظف يقوله "ثلاثة أيام تركبوا بواجي؟؟" لأنه كل ما يتصل يقولوا له باقي البواجي
الشي الثاني انهم يتصرفوا في السيارة على هواهم
يوم دخلت السيارة قلت للموظف لا تغير زيت وفلتر وغير القماشات مهما كان وضعهم
صدقوني عمل العكس
غير الزيت والفلتر وما غير القماشات ... وغيرتهم خارج الوكالة
وقررت مع أول صيانة للسيارة اني اتخلى عن الوكالة وأغير القطع خارج الوكالة
والوكالة أصلا ما لها أي افضليه على الورش العادية إلا اذا كانت السيارة خربانه
واللي في الورش ينصحوك وتقدر تتعلم منهم لأنك معاهم وهم يشتغلوا في السيارة
ــــــــــــــــــــ
وحتى أخوي عنده سوناتا وكان فيها مشكلة في العكس من أول ما اشترى السيارة (السيارة مستعملة)
استعمل السيارة تقريبا سنتين وقبل كم سبوع بس دخلها الوكالة لتصليح العكس وايضا الشمسية الخلفية كانت خربانة
أخذوا السيارة عشرة ايام وفي الثلاثة الأيام الأخيرة كان كل ما يتصل لهم يقولوا له السيارة في الfinal check حتى اخوي طفش وراح لهم وقعد في الصيانة لبعد ما انتهى الدوام بساعة ونص وأخذ السيارة
اضافة انهم عملوا صيانة للسيارة وهو ماطلب منهم هالشي ... الموظفين يتصرفوا على كيفهم
ويقول اخوي انه شاك انهم ركبوا عكس جديد لأن مفتاح الجنوط كان عنده ..
بس ما ادري هل تركيب العكس الجديد يحتاج فك الجنوط؟
اما الشمسية تم تبديلها وكل شغلهم كان على الضمان
اللي مشجعني انزل الموضوع ان مسؤول في وكالة المجدوعي قاعد يتصل للعملاء ويسألهم عن مستوى الخدمة
واتصلوا لي ولأخوي
طبعا ما مدحناهم في شي
سيارات هيونداي ممتازة بس الوكيل يخرب على نفسه
وان شاء الله يتحسن تعاملهم مع العملاء
فرع الصيانة -- الدمام
