وش رايكم في هالجيب .. ابي مشورتكم

نصيحه ابتعد عنه انا كيد جربته ما ينفع كانك راكب دراجه ناريه صغير من الداخل قطع غيار نار عند البيع ما تحصل من يشتريه منك

2004يصلح ادا كان استخدامك داخل المدينه والسفر خطوط اما ادا راعي بر وكرف مايهمك الراحه خد2001وحط في بالك انك بتصرف عليه قطع غيار وصعب تحصل مستعمل نضيف

ياليت تحدد ميزانيتك أفضل

وبصراحة الجيب فكرت فيه لكن عند أثنين من الأقارب

وقالوا إنه موب ذاك الزود .!

السلام عليكم

السيارة قوية وتطرب في الرمال
لاكن استخدامها في المدينه متعب وغير مريحة ناهيك عن ماتفضل به الاخوان عن الجيوب وارد امريكا وكذا الحال مع الوكيل وقطع الغيار
نصيحة اخوية
اذا ترغب في جيب مستعمل خذلك ياباني لانه يتحمل اكثر
ولاتنسى الاستخارة
بالتوفيق

صباح الخير للجميع .. واشكر كل واحد بإسمه على الشور اللي شرتوه..

اخوي .. techmate
مشكور على التفنيد الحلو .. بس النقطة الأخيره هي اللي مضيقة صدري !

والظاهر اني بستخير وأغير رأي عن الجيب .. والله يكتب اللي فيه الخير ,,,

أخوي لاأنصحك بالسيارة فقيادتها غير ممتعة وراحت السيارة قليلة يمكنك شراء قراند شروكي أفضل منها
وستجد موديل 2004 ليس ببعيد عن سعر السيارة التي ذكرت

الوكيل ما عنده سالفة
والقطع غالية
ولا تنسى الاستخارة :)

مادم الموتر JEEP فلا تخاف هي أول شركة تصمم سيارات الدفع الرباعي وهذا اختصاصها
ولبرتي موتر احرص على النظيف

لاجيب إلا جيب, وليبرتي في أمريكا هو إللي عندنا شيروكي, محرك جبار على سيارة صغيرة, وإعتمادية وقوة حديد عجيبة ;) .
ماأحد يجادل فيه في البر وهو من الجيوب القليلة إللي يتندح في الربع الخالي |6| .
لكن للأمانة أذكر العيوب التالية لتأخذها في إعتبارك |5| :

- مستوى السلامة متدني فيها, أحد أقاربي عمل حادث إصطدام وصار إرتجاج دماغ عند زوجته.
- الكرسي الخلفي ضيق, لايتسع لثلاثة بالغين (ممكن ولكن بيحسون إنهم مضغوطين).
- في السفر والخطوط متعب جدا.
- شح قطع الغيار وإرتفاع سعرها وقلة المحلات إللي تبيعها (مثل الهوندا).