والله يا خوي موضوع ان كمبروسر مكيف هذا شئ عادي ومب ذاك الشئ الي ممكن تتعقد منه او تخاف منه والي مفروض يطمنك او ان هالشئ اول ما حصل الوكالة مشكووووره بدلت القطعه على طول
وانا مع كلام اخواني جمييع
(( إذا كنت خايف وموسوس كثيـــــر فأنا أقول لك لا تاخذ هونداي ، لأن يمكن أقل مشكلة راح تواجهك راح تقول لأن السيارة كورية ، ترى ما في شي كامل لا سيارة كورية ولا ألمانية ))
وعليكم السلام ورحمة الله
أولاً إذا كنت خايف وموسوس كثيـــــر فأنا أقول لك لا تاخذ هونداي ، لأن يمكن أقل مشكلة راح تواجهك راح تقول لأن السيارة كورية ، ترى ما في شي كامل لا سيارة كورية ولا ألمانية ، والشركة ماحطت الضمان للسيارة إلا لعلمها بأنه يمكن أن السيارة تكون بها أخطاء ، وهذا الشي موجود في كل السيارات بدون إستثناء ، يعني ياكثر السيارات إلي ماتكمل الشهرين إلا المكينة ضاربة أو الجير مخبط ، ومشاكل لها أول ولا لها ثاني ، وترى هالأيام نشوف الكل يتحدث عن المشاكل في الهونداي وأنا أقول أنه هالمشاكل أكثرها مجرد وسوسه ويمكن بعض الأشخاص يبالغوا في ردة فعلهم ، يعني بالصراحه نشوف أنه عضو يمكن لمبة البريك طفت عنده إلا علطول كتب موضوع كامل عنها وأن السيارة توها جديدة وبها هالمشاكل، طيب هالمشكلة ممكن تحدث في أي سيارة مو بس في الهونداي أو الكيا ، وأعتقد أن أكثر المشاكل إلي نسمع بها في هالمنتدى إنما هو لكثرة أنتشار الهونداي حاليا وهذه ضريبة الشهرة ، يعني من كثر الإنتشار إلي صاير نسمع عن المشاكل إلي تحدث مع الأعضاء وهذا لايدل على أن السيارة ليست عملية أو أنها كثيرة الأعطال بالعكس هذا يدل على مدى إنتشارها وكثرتها بين الناس ، وهذه عملية عكسية يعني كلما زاد الإنتشار راح نسمع أكثر عن الأشخاص إلي يستخدموها وعن الأعطال إلي تواجههم ، والسيارة مستحيل تكون كاملة .
وفي الأخير القرار راجع لك تشتري أو لا تشتري من هونداي.
بالتوفيق .
