][

ما شاء الله عليها

الله يعطيك خيرها ويكفيك شرها

ويبارك لك فيها

والله يحفظ الموتر وراعيه من الحسد

موضوع جميل وأسلوب رائعة وتنسيق رهيب

أشكر بقوة على الموضوعك ولك كل تحية وأحترام

أخوك أبو أنس

عندي سوال عن التكحيل باي محل سويتها بالغرابي ووصفلنا المحل الله لايهينك وكيف شغلهم انا معي سوناتا وودي اكحل الشمعات الاماميه

السلام عليكم

اخوي افالون الرياض والله ماشاءلله عليك لك ذوق رفيع في التعديل

ونقاطك مهمة جدا لكي لايصل الى مايحمد عقباه اي شخص غير مدرك

لكن ان تقول ان كثرة التعديلات تخرب مظهر السيارة هذا يعود لصاحبها

وفي الحقيقة مهما تعدل السيارة ستبقى اسمها مختوم عليها


لكن عندي ملاحظات ياريت لو مافي مانع :D

[COLOR=red]1- الجنوط الصراحة مقاسها مناسب لكن مظهرها تقريبا ماعجبني[/COLOR]

[COLOR=red]2- السيارة يبيلها تنزيلة من ورا [/COLOR]

[COLOR=red]3- منطقة الصدام الخلفي وبالتحديد عند الشكمانين يحتاج الي فيبر [/COLOR]
عشان المؤخرة الصراحة حقت الافالون قبيحة

[COLOR=red]4-لو تضيف شاشة ملاحة وبالأخص جهاز جارمن موديل 760 i هذا الموديل لاسلكي [/COLOR]
ويلتقط بالأقمار الصناعية وابعاد شاشتها نفس ابعاد الشاشة المعلومات الزرقاء الي في الداخل
وتقدر تروح المرسلات وتشوف الجهاز عشان ممكن تضيفه

[COLOR=red]5- اخيرا السيارة يبيلها جناح واتوقع البازعي ممكن يوفرها[/COLOR]

وهذا كل شئ |6|

وفي النهاية اتمنى ان تقبل ملاحظاتي بصدر رحب ولاتؤاخذني

معي افالون زي الي معك والصراحة لي سنتين ويبيلها تظبيط محترم

ودورت في الغرابي وفي ريد لاين وبيج ويلز والصراحة السيارة ممتازة للتعديل اي كان

وراح ادرس تعديلاتك

ويجزيك الف خير اخوي افالون الرياض

والسلام عليكم

.
.
.
ما شاء الله تبارك الله

صراحة الجنووط جميلة جدا ,,, و راكبة عدل ع السيارة

وتعديلاتك رأإأإآأإيــ |1| ـقة

اسمحلي ان انقل الموضوع لـ قسم صور سيارات الاعضاء

ماشاء الله


كلامك منطقى جدا


وتعديلاتك رااااائعة


يعطيك خيرها ويكفيك شرها

بالنسبه لتعديل الجنط 000 الصناعيه القديمه اسال عن مخارط الجنوط 000 وراح يدلونك عليها000

السلام عليكم




أهلين أخوي

فعلاً معك حق يبرد الكفر ..

لكن للأسف أنا أعبيهم الأربعه نايتروجين ونفس الشئ يحبلون ولا مرتين من في نفس الكفر ..

الأول ما أخد اربع أيام وحبل (( دنلوب ياباني )) والثاني أخد شهر ونص وحبل ..ومن نفس الكفر ..

وكسر الجنط علي رغم اني كنت الشهر ذاك ما سافرت أبد ومدري وين أضبط الجنط عشان أبيعه ..

إذا عندك علم دلنا وانا أخوك ..

تحيه طيبه

ما شاء الله اخوي تعديل راااااااااايق عالموتر |1|
بس ما جربت تغير الإضاءة الداخلية يعني موترك ابيض اعتقد يليق عليه الإضاء الزرقاء المائلة للبياض

تحياتي

ولايهمك يالغالي

الجنط اذا بتشتريه جديد بيطلع عليك غالي لانه جديد بتدفع مايقل عن 14 الف ريال للطقم مع الكفرات طبعا 000

لكن انا اخذته مستعمل وركبت له كفرات جديده 00 الجنوط المستعمله راح تلاقي اشكال جدا كثيره واغلبها شبه جديده وواضح عليها ان استخدامها بسيط 000

وراح تلاقيها في بناشر كثيره في شمال الرياض 000 عد واغلط 000 لكن حاول تفحص الجنط زين لما تشتري 00 ((( قلب الجنط فوق تحت ودقق )) ويخلونك تركب الجنوط على سيارتك وتشوف كيف شكل السياره بيكون 000 وممكن تسوق عليها بعد

الاسعار للمقاس 20 تختلف لكن تتراوح بين 6 الى 9 الاف يعني طايح فيها نص القيمه تقريبا

وبالنسبه للصوت الحمدلله ما الاحظ عندي صوت لدرجه الازعاج 000 بالعكس الكفر لين مع المطبات 00 والصوت مو مزعج او ملحوظ 000 مع ان الكفر رياضي 00

اولا الكفر ممتاز ويعتبر من الكفرات اليابانيه الممتازه

ماتلاحظ عرض الكفر مرررررره عريض :eek: مشاء الله 255 مره مره عريض مشاء الله لكن راكب على الجنط

ومعليش كثرت عليك الاسئله ادري اني زودتها حبتين ;) ..

كم اخذت الجنوط ؟ ومن اي محل ؟ والنوع الي معك رياضي ولا زينه ؟

اولا تحبي الكفر ماله علاقه بالجنط ونوعه 0000 الكفر احيانا اما يكون م نوع رديءاو يكون تخزينه ايضا سيء 000 ولمعلوميه تخزين الكفرات مو مسألة بسيطه 000 لكن الكثير يتهاون فيها

احيانا تركب الكفر جديد 000 اسبوع ومنفجر الكفر عليك 000!!! والسبب رداءة التخزين

عموما بالنسبه للسفر على جنوط الزينه 000 شخيا ما انصح فيها 000 خصوصا لجنط دفع فيه مبلغ وقدره 0000

لانك راح تخسر لمعته 000 وممكن ينعفط الجنط من حفره او حصاة او اي شي وتذكر انك مسرع 000

اذا انت معزم 000حاول تستخدم النيتروجين في هواء الكفرات وراح تلاحظ الفرق 000 لان النيتوجين مع سرعه دوران الكفر يبرد الكفر اكثر 000

مع العلم بعض لشباب تلاقيه مهبط السياره وجنط كبير000 وتلاقي الكفر مخنوق 000 مايجيه هواء ا من تحت الرفرف ولا من تحت السياره 000 وتلاقيه على طول يصير حامي الكفر والجنط اكثر واكثر000 بالتااالي بووووووف:mad:

عموما انصحك بالنيتروجين والا اشحن سيارتك اذا انت معزززم على الجنط 000والا ادفع قيمة كفر جديد 000 واذا حظك زين ماطار رفرف سيارتك عشان جنط :)

ما شاء الله عليها الله يعطيك خيرها ويكفيك شرها

صرااحه الرجه راح يكون فيه رجه بعد 120 ك\م

لكن لازم تسوي لها تعديل في كل جنط بحيث تروح للمخرطه ويسوون لك مثل الحلقات من الالمنيوم بداخل كل جنط 000 طبعا هم يعرفون الشغله

وترصص ترصيص أرضي لكامل الكفرات 000 وباذن الله تروح الرجه 000

بالنسبه للاصوات جايز لان كفرات سيارتك رياضيه 000 والكفرات الرياضيه اصلا معروف انها مع السرعه تطلع صوت 000 لو تركب كفرات عاديه اعتقد راح تختفي الاصوات اللي تتكلم عنها

وحاول انك تركب كفر يكون ارتفاعه معقول مايكون جداا قريب من الارض بحيث يكون المطب اخف والصوت اقل 0000


وشكرااااااا

الجنط من ماركه FOSSE امريكي طبعا
الوزن والله ماعندي معلومه عنها لكنه حديد مصبوغ بالكروم
ابعاد الكفر 255\ 35 \ 20
نوع الكفر sumitomo سوميتومو ياباني

التكحيل شارع الغرابي - البطحاء

السلام عليكم

اهلين أخوي


الله يعطيك العافيه ..

أخوي بصراحه معك حق في كل اللي قلته ..

لكن عندي إستفسار ...


بالنسبه للجنط مقاس 20 هل يحبل مع الكفر ؟؟

لأني مركب جنط 18 (( يعني أصغر )) وكل شهرين وفيه كفر محبل ...

طبعاً أنا راعي سفريات نوعاً ما ...

وبصراحه كرهت الجنوط كلها (( ما عدا جنط الوكاله ))..


تحيه طيبه

ماشاء الله تعديل رايق

*/*

بصراحَة : جدا ذوق ,
ياليت تفيدني ,هل توجد رجّة أو أصوات بعد تركيب الجنوط مقاس 20 ؟
والله أفكر أركب جنوط 20 ع الأزيرا بس خايف من الأصوات والرجات ,,

*/*

مشاء الله تبارلك الرحمن

عندي 3 اسئله

الجنط اي ماركه ؟ وكم وزنه ؟ " لان في جنوط اخف من جنوط الوكاله واقوى منها اذا كانت اصليه ومن شركه جنوط عالميه"

كم عرض الكفر الي انت حاطه وكم ارتفاعه ؟وماهو نوعه؟

من اي محل كحلت الشمعات ؟ طبعا من السعوديه

والله يعطيك خيرها ويكفيك شرها

سلام